رضيعي و خدوده الجافة 2024.

السﻻم عليكم
ولدي يادوب عمره شهرين و خدوده كانت طبيعية و ناعمة لين ما استخدمت زين جونسون ع جسمه و وجهه
بس المصيبة خدوده صارت خشنة و جافة زي الحساسية حطيت له الفازلين بس ينعم المنطقة بس الاحمرار موجود
شو الحل افيدوني

حبيبتي وقفي فورا استخدام الزيت..اكيد هو اللي سواله الحساسيه….خليه كم يوم لين يروح الاحمرار….و بالنسبه للجفاف استخدميله بعد ما تروح الحساسيه كريم موستيلا للوجه..روعه الدكتور وصفه لولدي…

وبعد البوس يخيلي الخدوود جافه انا ولدي جي خخخخ

بس احطله فازلين..

كريم مستيلا انا اذكر هالماركه كنت استخدم كريم لمنع التشققات اثانء الحمل بس روووووووووعه كان ماشاء الله وايد نفعني..

هذي الحساسيه بتروح مع مرور الوقت استمري عالفازلين
تره انا بنتي وديتها المستشفى عن الحساسه اللي في وجها ولا استفدت من الادويه ورجعت للفازلين وراحت الحساسيه والاحمرار
تحيااتي

في بعد كريم سيباميد روعه
وان شاء الله بجرب فازلين

نفس مشكلة ولدي بس ولدي عنده اكزيما

تسلمون عزيزاتي ع ردودكم
الفازلين صراحة ما عالج المشكلة فقط نعم المنطقة بس كاحمرار و قشرة ع الخدود مازالت موجودة
بجرب الدوا اللي قلتوا لي عليه و انشاء الله يستفيد

حبيبتي اذا ويهه مقشر يمكن هذي اكزيما..انصحج تروحين للدكتور….واللي ذكرته مب دوا..هذا كريم مرطب..

حبيبتي 100% من زيت جونسون للاطفال

ان ولدي يوم كمل الاربعين وديته التطعيم كانت بشرته كثير جافه ووجه بعد وفي هذاك الوقت كنت استعمل له زيت جونسون

قالت لي الطبيبه مو كل الاطفال يناسبهم هذا الزيت قلت لها شو استعمله قالت اي كريم مرطب ينفع بس لازم توقفين زيت جونسون وكثير من الاطفال يتحسسون منه

اتمنى اكون افدتك حبيبتي

نسيت اخبرك عن زيت الزيتون تدهنين ولدك كامل جسمه وحتى وجه وتخليه نص ساعه وبعدين تسبحينه

والله يخلي بشرة طفلك ناعمه

انا الحمد لله استعمل الزيت الزيتون وجاب نتيجه صارت بشرة ولدي احسن من الاول