كل وحده فينا تحتار كل يوم شو تطبخ أو تأكل عيالها….ونشتكي انه ما نعرف وصفات جديدة ومنوعة للاطفال…..فحبيت افتح هالموضوع عشان كل وحده تكتب شو اكلت عيالها من الصبح لين المساء….وشو الوصفات والطبخات اللي اتسوي لهم؟؟
اتمنى انكم تدخلون الموضوع يوميا وتكتبون اطباقكم….راح ابدا
مهاري بنتي عمرها خمس شهور واسبوع…عطيتها اليوم على الغداء خضروات مسلوقة(بروكلي-جزر-كوسا-قرع)….
(f)
انا ببتدي اليوم الصبح عطيتها حليب ..
والظهر سويتلها بروكلي واسكواش وبطاط مع عيش سيريلاك
ولدي حمودي يكمل 9 شهور
عطيته الصبح صفار بيضه مسلوقه…عصير برتقال و جزر و تفاح ..
بعدين سيريلاك
عالغدا سويت له خضار (بطاطا -جزر-بروكلي-كوسا-كرفس-طماطم-فلفل حلو-شويه كزبره للنكهه) مع رز و قطعه دجاج كله مسلوق و بعدين انضرب في الخلاط…
والحين عطيته خبزه توست يتسلى فيها 
عقب شوي بعطيه روب
طبعا من الصبح عطيتها فواكه مهروسة.. والحين هذا…
وقريب المغرب اعطيها ارز مهروس مع الحليب.. وخضار مهروسة
وبالليل اخر شيء شوية سريلاك عشان تشبع وتنام
انجل…مرحبا الغاليه ومشكورة على مرورج الطيب…
جماانه…واااي اشتهييت العصير:gum: هني وعافية على قلب زنوبه…بسألج عن السيرلاك عادي اعطي مهاري الحين والا لما اتكمل السادس واي نوع احسن؟؟
انا عقب شوي بعطيها ارز بالحليب …
فاخذت سيريلاك بالارز مع حليب… وخففته بالماي عدددددل خليه مول سائل.. وبعد تمغصت منه…
فما صدقت ريلي اتصل فيني يقول حصلت صحة تبين اخذه؟ قلت له ايه .. والحين موقفة السيريلاك.. او قليل كلش اعطيها… لأن العلبة حده ا شهر من تنفتح وبس خلاص بعدين…
وخاصة الارز بالحليب مهاري واايد تحبه….جربت ميلوبا بس سوالها مغص… الحين حتى الاعشاب اشتري لها من صحة… على فكرة امس اول يوم احطلها يح مع الفواكه وانا ااكلها اشوفها موصخه عمرها بطنها سيرها ..
واليوم بطنها سيرها 5 مرات ما اعرف من اسنانها يمكن …؟؟
لان اليوم صايده اسهال ويرجع من أعطيه أي شي
ووديته العيادة قلت يمكن من الاسنان(القواطع)
بس لا يوم وديته قالت لي الدكتورة ان الحين اغلب اليهال مودينهم لها والسبب هالفيروس
وعطته ابره توقف الترجيع
ومحلول اشربه ياه في البيت وقالت لي اليوم لاتعطينه اي شي حتى الحليب عطيه شي بسيط…
ان شالله لما يصير احسن بكتب لكم ايش اكلته