بنات مادري شلحل مع بنتي 
عمرها 3 شهور ترفض الرضاعة :confused: جوعانة مرة وتبكي واذا عطيتها الرضاعة تمسكها بقوة من الجوع واذا جت بترضع بكت وفكتها كنة شي مضايقها وتجلس تبكي وتنام وهي جوعانة وهالحالة معها من فترة تروح وترجع مادري من ايش وايش الحل
والحين نايمة وهي جوعانة :confused: ضايق خلقي عليها
وانا سمعت عن العظيم مادري تعرفونة ولا لا يقولون اذا نزل يوجع الطفل ولا يقدر يرضع بس مادري في شي اسمة عظيم ولا خرابيط
واذا في شي اسمه عظيم وش الحل معة :confused: اخاف يكون عند بنتي :ss:
اللي حصل معها هالشي وعندها حل ياليت تفيدني :confused:
وترا ماعندها لا لوز ولا حرارة !!
حبيبتي انا مريت بمثل تجربتك ويا ولدي وتعبت وياه مرة
واختي الله يخليها كانت كلا تقول لي غيري له الحليب شوفي يمكن منه
وانا مو ماخذة كلامها بجد اقول شدخل الحليب بعده صغير واهم حاجة يبي شي يشبعه
بس يو ضاقت علي الحيلة تذكرت كلامها
وبالفعل غيرت له الحليب كنت استخدم له نان وغيرته لـ الصحة
والحمد لله من ليلة اللي غيرت له الحليب للحين ماشي وياه تمام
وانتي شوفي بعد حبيبتي يمكن عنها فطريات ومنها ماتقدر ترضع
وما عليها شر وطمنينا عليها يالغلا
بشوف اذا صحت يمكن عندها فطريات
ياقلبي هي لحد الحين مارضعت
والله يحفظها الك ويحميها من كل شر
المستشفى يقولون مافيها شي
بس مادري ليش ترفض
تقريبا مثل حال بنتي، عجزت ابي اعودها على الرضاعه وموراضيه ، ما ترضى تشرب ابها ، ما تبي الا من صدري، مجرد احط الحلمه تبع الرضاعه على بوزها تصرخ ما ترضى، المشكله اني بداوم بعد اسبوع ، ومو عارفه شالحل، شريت لها لهاية مع اني ضد فكرة اللهابة بس عشان تتعود انه في شي في بوزها وبعدين بغيره للرضاعه عشان يكون عندها قبول لها ولكن نفس الشي ما تغير الحال … عمرها ثلاثة اشهر