شلونكم بنات ؟؟ ان شا الله بخير حال ..
حبيت أسألكم عن الطريقة اللي تتبعونها وقت (طهار ، ختان) الولد ..
كيف تتعاملون مع الجرح ؟
شتحطون عليه ؟
وطريقة النوم والمهاد (اللفة) ؟
انا بالنسبة لي :
أكون مجهزة (شاش طبي) ولما أفتح الحفاظ
أنقع الولد من تحت بوعاء كبير معقم فيه ماي وملح..
دقيقتين بس ،، وأشيله ..
وبعدها على طول أكون مجهزه منقوع الميرامية بمقدار كأس ،،
ويكون دافئ ، أصبه على موضع الطهار .. وجذي أكون خلصت من حوسة الحمام..
أطلع وأكون لافته زين بالفوطة وأجي أفتح الحفاظ الجديد وأغمس الشاشة الجديدة
بزيت زيتون وأضعها بالضبط على(……) بحيث يغطيها .. ثم أسكر الحفاظ كالمعتاد ..
وبجذي تكون العملية انتهت ..
الماي والملح اواظب على استخدامه 4 أو 5 أيام .. وكذلك الميرامية ..
أما الزيت غالبا عشرة أيام أو تزيد شوي ..
هذي انا .. وأنتوا شتسوون ……؟!
أبي تفاعل عشان الكل يستفيـــــــــــد ..
ودمتم سالمين ..
13 يطلون عالموضوع ولا في تفاعل ..
ليش ..؟؟
ما عليــــــه .. أدري فيكم طيبين ، ما تكسرون في الوحدة !
انتظركم ..
أنا اشتريت بودرة من الصيدلية والحمد لله ما طول جرح ولدي
الله يرزقني ان شاءالله…
موضوع مفيد.. جزاج الله كل خير عليه
والله يحفظ ولدك ان شاءالله
انا عن نفس يوم اطهر ولدي اخاف كنت اداوي الجرح فامي الي كانت تحط عليه زيت زيتون وما ادري بعد شنو ،لان اخاف اطالعة وما ادري امي شنو كانت تحط ليه
موضوعك مهم خيتو .. !
انا نصحني الدكتور بالسافلون .. و كنت اغمر القطن فيه و اخلي لولدي بعد تغيير كل حفاض و الحمدلله يومين و تخلصنا من الالم !
موضوعج حلوو
انا كنت أحط مرهم وزيت الزيتون عليها وفي اليوم الخامس طاحت الربله وعقب في كل تغير حفاظه كنت أحط عليه مرهم الا عطاني أياه الدكتور
هلا خيو اتمنى الاخوات يفيدوكي لاني ماعندي خبره
بولدي الكبير ما اتذكر الصراحه شكانت تسوي بس بولدي الثاني كانت على ما اتذكر تحط دهن الزيت على ال …. علشان الحلقة تطيح بسرعه ، وفي المرتين الحلقة كانت تطيح خلال 5 – 6 ايام من الختان
وماكنا نحط شي لأن المستشفى قالوا لنا لا الحلقة راح تطيح بروحها ويكون مايسبب له إلتهاب…
والله أول مرة أسمع عن الميرامية، ،إذا الله كتب لي طفل ثاني وطلع ولد باجرب….