انا عندي ولد عمره سنتين وحاليا ابغي اتوظف وهو لاصق فيني لصق وما يعطيني فرصة اتحرك لازم وياه حتى لو اطلع لازم وياه لان اذا ما آخذه وياي يستجن وصياحه لآخر الفريج لاتقولون لي ما عودتينه من صغره بالعكس انا اعطيه عماته الا ويانا في البيت لكن بعد يرجع ليي وانا الحين خايفة اذا اتوظفت طبعا بتكون طلعتي من الصبح الى العصر يعني هذا بيستصرع لا قدر الله
عطوني الحل ارجوكم ولا تبخلون علي بالردود الله يخليكم
حاولي وياه تعطينه ألعاب ينشغل فيه وانتي روحي مكان في البيت وحاولي مايشوفج وشوفي ردت فعله ….
ولا تطلعين له فتره لين يتعود يدورج ومايحصلج ….
والطريقه الثانيه عوديه يرقد لين وقت متأخر يعني لين الظهر على شان الفتره ألى يقعده بدونج فتره صغيره ….
ولا وديه حظانه للعيال يمكن ينشغل ويستانس …..
انت جربي تطلعين وتخلينه طلعه قصيرة عشان يتعود شوي ،
سوبر ناني ف كتابها (المربية المثالية) عندها طريقة، تقول قبل ل تطلعين ودعي البيبي وقوليله أنج رايحة وبترجعين ، أكيد البيبي بيصيح بس أهم شي يفهم أنج لما تروحين راح ترجعينله،وهاي الشي راح يفهمه بمرور الأيام ، لا توقفين تطالعينه وهو يصيح بيتأثر وبيزيد ، كلمه وروحي عنه ..
ولدي عمره سنه وشوي ، جربت هالطريقة ونفعت وياه ،كان يصيح بالبداية ، والحين فديته فهم شوي ..
امممم، ماتفكرين تدخلينه حظانه ، لأن دوامج طوييييل ؟
بيتعود تدريجياا شوي شوي
ومدامه يروح لعماته يقدرون يلعبونه وينسونه ولا يطلعون فيه شوي البرادة ولاشي
ثانيا بخصوص إبنك، كلنا عيالنا جذي،، أنا ولدي لما أكون معاه يشيل الدنيا من الدلع والصياح بس لما يكون مع أمي بدون مايشوفني ولا كأن فيه شي… بالنسبة لك إذا ظروفك تسمح لك تدخلينه الحضانة دخليه صج راح يشيل الدنيا على راسه في البداية بس بيتعود.. أحسن له ولك وراح يتعلم ويكسب صداقات….
او تقدرين تخلينه مع عماته في بيت أهل زوجك، وتخلين معاه العابه، جهاز DVD مع أفلام يحبها… وقولي له أني باروح وشوي وبارجع لك، طبعا هو ماراح يقدر الوقت بس حاط في باله أنج بترجعين…