عندي سؤال انه ولدي اللحين عمره ست شهور و 14 يوم الله يحفظه ويخليه ويخلي لكم كتاكيتكم
انه اعطي ولدي اكله عقب ما اهرسه له بالمرضعه لانه احسه للحين صغير على اني اعطيه بالقفشه (ملعقه) بس الكل يقول لي لا حاولي تعودينه على الأكل بالملعقه
بصراحه اهو للحين ما يقعد واحس اني بظلمه لانه ما بياكل عدل انه جربت اعطيه بالملعقه بس وايد تضايق وحسيته ما شبع
يقولون لي اذا ما عودتيه ما يبي بعدين ياكل بالملعقه صج ؟؟؟
شنو تنصحوني فيه ؟؟؟؟؟؟؟؟
هلا بأم حسين .. !
اختي .. اكيد لازم تعودينه على الملعقة .. ولدي من عمر الاربع شهور اعطيه الاكل بالملعقة .. بس ملعقة الاطفال اللينة .. !
اخذي المرضعه اللي فيها بدل الحلمة ملعقة صغيرة لينة و مرنة ما تأذي لثة البيبي و بيكون اسهل عليك و افضل له حتى يتعود .. خليه بالحضانة و عطيه اكله .. !
و لو استمريتي جذي ماراح يتقبل الملعقة بعدين !
و لو ما تقبل الحضانة او كرسي الاكل .. خليه على رجولك جذي مثل الصورة .. و انا كنت اخليه بهالوضعية لما يمل !
الله يخليه لك
والملعقه افضل حتى بيدك جربي لانه بعض الاطفال يفضلون ايد امهم >>حنان اكثر
وربي يحفظه ويخليه
:
:
ام تااامي ..تحياتي
واعطيه بالملعقه عشان يتعود والحمدالله اشوفه عادي ياكل بالملعقه
لكن ادا استمريتي على كدا بتتعبي وياه مابياكل الا بلمرضعه مثل ماقالت الاخت انثى في مرضعه بدل الحلمه ملعقه بلاستيكيه هدا افضل شي ولدي بديت وياه كدا بالنسبه للاكل المهروس.
بس كنت اخليه ( بالجلاسه ) يرتاح اكثر فيها
جربي معاه وراح ترتاحين اكثر
اني خيو عطيت بنتي من البدايه بالملعقه ،،، حتى الناس قالوا لي اني اعطيها من الرضاعه إلي مع الملعقه لانه ما شاء الله عليهم اليهال لمه تعطينهم اكل يبون بسرعه مثل الحليب ما يبون تتأخرين عليهم بس كنت بعد اعطيها بالملعقه لاني ابغيها تتعود ،، وعن القعده اني اخليها في الجالوسيه والحين ما تبيها اخليها وهى قاعده لانه ما شاء عليها بنتي تقعد شويه الحين بس احط لها مخدات حواليها والعاب وتأكل ،،
والله يوفقك ويه ولدش