الكحل العربي ,, فوائده ,, وطريقة استخدامه ,, مع صور 2024.

اهلين بنوتات عروس

اكيد كل وحده عارفه اهمية الـ Make up لاي بنت

وانا بتكلم عن شي اساسي في الـ Make up اللي هو الكحل وطريقه استخدامه

بس انا ما راح اتكلم عن اي كحل ,, او الكحل الجاهز اللي دايما نشتريه من كل الماركات المعروفه

انا بتكلم عن ( الكحل العربي )

الكحل العربي انا ما اقصد فيه الكحل اللي نشوفه الحين ,, انا اقصد اللي كان يستخدم من زمــــــان

ايام الرسول ((صلى الله عليه وسلم )) وقبله يعني ايام الجاهليه

هذا الكحل غير كحلنا الحين طبعا من عدة نواحي :

************************************
(1)

اول شي الكحل اللي موجود الحين كله الوان واصباغ

اما الكحل القديم مافيه الوان او اصبغ لانه طبيعي

************************************
(2)

الكحل العادي لازم تنظفين العين منه وتزيلينه كله قبل النوم ,, لانك لو خليتيه راح يضر عيونك والاكثر انه راح يضر بشرتك ويسبب سواد الجفون

الكحل العربي بالعكس ,, مو ما يضر بس لا ,, بالعكس مـــــــــــــــــــره مفيد ,, والرسول عليه الصلاة والسلام نصح فيه وفي استخدامه بالذات قبل النوم

************************************
(3)

الكحل العادي للزينه بس

الكحل العربي للزينه والعلاج بعد ,, لان من اهم مكوناته الاثمد ,, والاثمد معروف بعلاجه لامراض العيون

كانوا العرب يستخدمونه رجال ونساء ,, لفوايده واهميته ,, ومن اهم مستخدمينه الرسول عليه الصلاة والسلام والصحابه

[line]

من اهم الشخصيات اللي استخدمته :

1- الرسول (صلى الله عليه وسلم )

2- زرقاء اليمامه

قصه زرقاء اليمامه معروفه اكيد ,, واللي صار انهم لما شالوا عيونها ( آآآآآآآآآآآآآآوتش )

لقوها مليانه بالاثمد من كثر ما تكتحل فيه

[line]

فوايده :

يستخدم لعلاج امراض العيون جميعها ,, منها الحساسيه وغيرها امراض مـــره كثيره والين الحين يتعالج فيه

ويصفي النظر

ويستخدم للزينه والتجميل

[line]

طريقه استخدامه :

هو يستخدم بالعود ,, ينحط العود جوا الكحل وبعدين ينسحب فيه على العين

وينحط جوا العين ينسحب ,, ومن فوق العين ومن تحتها

اما الحين صار فيه طريقتين:

ممكن بالعود وممكن بالفرشه (( اول ما كان فيه فرش للـ Make up ))

عادي الطريقه سهله ,, تمشي في الكحل من اول العين الين الاطراف ,, انتبهي مو العكس ,, لانك اذا عكستي بيصير حوسه ,, وبعدين ممكن باستخدام الريشه العريضه شويه والقاسيه ,, تمسحين الكحل على جوا يطلع احلى بكثير من انك تمسحينه على برا ,, انا كذا اسوي

ومن تحت نفس الشي ابدي من الزاويه الداخليه وامشي الين الزاويه الخارجيه ,, وجيبي الفرشه الثانيه وامسحي الكحل على جوا

الحين صارت عيونك روعـــــــه :shy:

[line]

الصور :

هذي طريقه وضع الكحل العادي والعربي بالصور ,, الطريقه تنفع للاثنين

اول شي الكحل من فوق

وهذي طريقته من تحت

[line]

طريقة وضع الماسكارا بالشرح : ((هذي معلومه بس عشانكم ,,مالها علاقه بالموضوع ))

1- الماسكارا الجاهزه تجي مستقيمه ,, نصيحه دايما تنقال ,, اعكفي راسها ,, يعني خلي الراس مايل شوي ,, هذي الطريقه اسهل انك تحطين الماسكارا واضبط بعد

2- وبعدين تبدين من الجذور تمشي الين الاطراف ,, روحي العين الثانيه وسوي نفس الحركه

3- ارجعي للعين الاولى ,, وامشي بالماسكارا من فوق الرموش مو من تحت زي تو ,, لا ,, من فوق ,, ونفس الشي من الجذور للاطراف ,, وروحي للعين الثانيه وسوي نفس الحركه

4- بعدين ارجعي للعين الاولى من تحت ,, وعند الجذور ابدي هزي الماسكارا شوي عند الجذور وامشي بعدين للاطراف ,, وروحي للعين الثانيه ونفس الحركه تتكرر

كذا تصير عيونك مـــــره تجنن :shy:

ملاحظه : اذا حسيتي انك تبين تزيدين ماسكارا ,, استني الين ما تنشف اللي في عيونك بعدين حطي مره ثانيه عشان ما تتكتل وتتجمع

وهذي صوره عشانكم

[line]

آخر شي بتكلم عنه ,, في شركات عالميه كثير عاجبها الكحل العربي ,, وحاولت تسوي زيه
وسوو زيها بالشكل بس ,, لكن طبعا مو نفس الفوايد ,, لان لسه فيه الوان واصباغ
مع كذا اعتبرت انها مــره ناجحه وكثير ناس استخدموها

من هذي الشركات شركه Guerlan
حاولت اخذ الصوره بس ما رضى على العموم الكحل اسمه ( Teracotta Loose Powder Kohl )

بس زي ما قلت هو شكله حلو واستخدامه حلة ,, وبنف طريقه العربي ,, لكن هذا مو مفيد وفيه الوان صناعيه طبعا

انشالله يعجبكم الموضوع لاني مــره اعز الكحل

لا تنسوني والوالد من الدعاء

الحقوق محفوظه لـ ^M!sS<>G!rLY^ ممنوع النقل الا باذني (r)

تسلمين اختي على هالمعلومات القيمه

مأساة_عمري

الله يسلمك حبيبتي

مشكورة حبيبتي

بس وين القاه هالكحل واذا حطيت منه وجيت بمسحه يروح على طول ؟؟

لأن ماصدقت بخبر اسمع انه يصفي النظر والله ذبحتني النظارة اكرههااااااااااااااااااااااا بس مجبورة البسها لأني اجيب العيد ان مالبستها وماشوف شئ >>>>>>>> ان شاء الله اسوي عملية ليزك >>>>>> كنها طلعت عن الموضوع

على العموم الاثمد هذا وشو وليه شالوا عين زرقاء اليمامة مو تقولين انه مفيد ؟؟ >>>>>>>> عادي لاتستغربون والله هالوقت اتنح على الأخير

معلومات وايد قيمة و حلوة….

تسلم ايدك الحلوة يا عسل….

أختي أسيرة قلبه الكحل العربي يصفي العين و يعالج أمراضها بس ما يرجع النظر …

أما زرقاء اليمامة هذي كانت تشوف من مسافة 3 أيام و كانت تخبر قبيلتها لم تشوف الأعداء من بعيد عشا يستعدون بس في أحد المرات ما أحد صدقها و اجو الأعداء و قضوا على القبيلة و اقتلعوا عيون زرقاء حتى يعرفوا سر نظرها القوي….

عذرا لصاحبة الموضوع على التطفل…

غــــــــــــــاليـــــــتي
مــــــــــــوضـــــــــوع

؛؛ ننتظر عطر اقلامك ؛؛
* و رسم احساسك *
.. وبديع فنونك..
وبــوح قــلــمــك
ودعواتننا لك القلبيه بالتوفيق الدائم وبالصحه لوالدك الله يحفظه

أسيرة قلبه

اسعدني ردك على موضوعي ,, وهذي كل الاجابات

السؤال الاول
اذا مسحتي الكحل العربي ايه يروح ,, لكن اذا ما مسحتيه عاادي خليه ما يضر ابدا ابدا بالعكس يفيد ,, الرسول (صلى الله عليه وسلم )

وصى انه ينحط قبل النوم

الكحل هذا روعه وما يسيح ولا شي

السؤال الثاني
هو يصفي النظر ,, يعني ينظفها وينقيها ,, لكن ما يصحح طول النظر او قصره ,, هذا حله النظاره او العدسات او العمليه ,, بس تصدقين بجرب يمكن بعدفتره يزين نظري انا بعد ,, لكن ما اتوقع ,, لان هذا له دخل بالشبكيه

السؤال الثالث
الاثمد هذا ماده طبيعيه كانوا العرب يكتحلون فيه بسبب فوايده ,, وزي ما قلت للتجميل

اما زرقاء اليمامه قصتها قصه ثانيه ,, ومستعده احكيها لك يا عسل

كان ياماكان ههههههههه
زرقاء اليمامه كانت من مدينه اليمامه في نجد ,, طبعا قبل عهد الرسوا عليه الصلاه والسلام هذي القصه
وكانت معروفه بقوه نظرها ,, يعني تشوف على بعد اميـــــــــــــــــــــــال ,, يعني البعيد مره
طبعا عيونها وساع وحلوه ,, والنظر تلسكوب ههههههههههه ماشاء الله
المهم اهل اليمامه كانوا مستخدمينها او مشغلينها شي ,, كانت هي بالنسبه للمدينه برج مراقبه يعني كانت دايما تراقب اليمامه
وكانت تشوف اذا احد قرب من بعيد علشان يحاربهم على طووووول تعلم عليهم ,, يروحون اهل اليمامه يهاجمونهم قبل ويفوزن
يعني بمعنى اصح هي كانت تحمي اليمامه بعد الله
المهم كان فيه اعداء لهم ,, اتوقع انهم من اهل اليمن ,, وكل ما حالوا يهاجمون مدينتها كانت زرقاء اليمامه تشوفهم وتعلم عنهم ويخسرون
هم مـــــــــره انقهروا منها وقالوا لازم نلاقي طريقه علشان نتخلص من زرقاء اليمامه
قال واحد شرايكم نتغطى باوراق واغصان الاشجار ,, ونمشي بشويش الين ما نوصل قالوا فكره ,, وسووها
المهم طبعا كالعاده شافتهم زرقاء اليمامه ,, وراحت بسرعه قالت لاهل مدينتها ,, (اني ارى الشجر يتحرك )
طبعا هم ضحكوا عليها وما صدقوها ,, وجلست تقنعهم ما صدقوا ,, قالوا كبرتي وخرفتي ههههه
المهم طبعا محد صدقها ,, واهل اليمن وصوا المدينه وهجموا عليها وفازوا في الحرب
ومن كثر ماهم منقهرين منها ,, يعني من زرقاء اليمامه ,, راحوا وطلعوا عيونها شالوها يعني من مكانها (مره آآآآآآآآآآآآآآآآآآآآآآي )
وطبعا كانت عينها مليانه بالاثمد من كثر ما كانت تتكحل منه

وتوته توته خلصت الحدوته ,, حلوه والا فلتوته

الباقي وصلك على الخاااااص

واي سؤال ثاني انا حاضره

منتهى الأناقه

الله يسلمك يا قمر

بالعكس مو تطفل ولا شي ,, الموضوع للكل مو لي لحالي

تسلمين يا عسل على المرور والرد الحلو

sweety byby

الله يسلمك يا عسل على الرد الحلو

والوالد متوفي يا حلوه ,, وتسلمين على الدعاء

الله يرحمه ويغفر له ويسكنه فسيح جناته وكل المسلمين آميـــــــــــن

منتهى الأناقة ههههههههههه مشكورة حبيبتي

بس حسافة مايرجع النظر اوووووووووف من النظارة

^M!sS<>G!rLY^ يااااااااااااحبي لك والله

سالفة زرقاااااء اليمامة رهيبة ههههههههههه كنت احسبها خيالية ههههههههههههههههههه

بس يوم كتبتي

اقتباس

	واللي صار انهم لما شالوا عيونها ( آآآآآآآآآآآآآآوتش ) لقوها مليانه بالاثمد من كثر ما تكتحل فيه

احسب قصدك انهم شالوا عيونها لأنها مليانه بالاثمد >>>>> عادي قلت لكم لاتشرهون على ردودي بهالوقت