انا ام جديدة … عندي طفلة عمرها شهر و سبعة ايام.. طبعا طبيعي الاطفال في هالعمر يتعرضون لالم البطن… بس اليوم الفجر بنتي ولاول مرة قامت تصرخ صراخ مو طبيعي وخفت مووت عليها لدرجة اني قمت اصيح ومب عارفة شنو اسوي خصوصا وهي في هالعمر ما اقدر اوديها لا مستشفى ولا عيادة لانها مب ملقحة… حتى اتصلت في زوجي مسكين وخليته يجي حقي لاني في بيت ابوي.. وامي وابوي قعدوا حقي بعد يشوفون شخبار الصغيرة… عن جد خايفة الموقف يتكرر فالي عندها خبرة تقول لي شنو تسوي في هالحالة:ss: … علشان ما ازعج غيري مرة ثانية… حابة اعرف اتعامل مع هالموقف….
صاحبات الخبرة افيدوني جزاكم الله خير
انا بنتي كنت اعطيها ماء الحلوة مخفف واحطها على بطنها وامسح على ظهرها وكانت تخف شوي
وكلها فترة وتعدي لا تخافين
مشكورين عزيزاتي عالردود الي تطيب الخاطر… شنو اسوي اكيد بخاف لاني اول مرة اصير ام وخفت على بنتي كثير…
بس اختي بالعكس مافي مشكلة إذا بغيتي تودينها الطبيب حتى لو ما خذت التطعيم أو التلقيح لحد الآن ..
بالعكس ،، انا وديت بنتي الله يحفظها لما صار عمرها شهر طبيب الأطفال بس عشان متابعة و فحص عام و الوزن و الطول و من هالأمور و لأن بعد كان عندي متاااااااااااعب في الرضااااعة الطبيعية ..
إن شاء الله ما عليها إلا العااافية يارب و تشوفينها عرووووس 🙂
لازم تخلينها بعد كل رضعه تتجشأ نصيحه .. عشان ترتاح من الغازات …
وفعلا" قطرة سالينال ممتازه جدا"
قوليلي اش اسم حليبها الصناعي ؟؟؟
وانا يوم بنتي كانت في الاربعين كنت اعطيها (سيكم) للاطفال وايد يريحها..