واذا طبيعي اعتقد من الرابع
والفارليز ماعطيت طفلي مدري ليه خايفه والحين دااخل الثامن
اخر الخامس بديت اعطيه خضار كل يوم نوع يوم كوسه ويوم قرع ويوم جزر
وفي السادس بالصبح صرت اعطيه سريلاك بالرز واخلطه مع عصير البرتقال او منقوع التمر
بالظهر خضار مخلوطه مع شوية رز مصري
بالعصر او المغرب تفاحه اخلطها مع فاكهه اما مانجا او خوخ
وبالليل احتار مدري شعطيه عشاء
انا بنتي توها داشة 3 اشهر ومن اسبوع كنت عند اخصائي اطفال عسب بنتي تعاني من الغازات بس صدق دكتور شاطر من نفسة عطاني جدول تنظيم غذاء الطفل من الاربع اشهر ونص
قالي من 4ونص لين ال6 اشهر عطي بنتج 3 وجبات في اليوم
الحليب وبسكوت فارليز
نشا (مهلبية)
سيريلاك رقم 1 يعني الي بالارز
كل هل الوجبات طعتيها 2 الى 4 ملاعق وعادي مب بالترتيب
اما من الشهر السادس الى9
خضروات (لازم اول شي تبداين بالخضروات جميعها بعدين الفواكه وكل نوع بروحة عسب تعرفين من شو ممكن تتحسس لاقدر الله)
حبوب بانواعها(رز فاصوليا ……)
فواكه وارد اقول الخضار قبل الفواكه
نهاية الشهر السادس عطيها صفار البيض
نهاية الشهر السابع اللحم الابيض (سمك +دجاج)
سيريلاك رقم 2
من 9 اشهر الى السنة
لحم احمر
بياض البيض
سيريلاك رقم 3
سنة واكثر
عسل
حليب طازج +روب +زبادي
اكل البيت
وان شاء الله اكون افدتج
كل الدكاترة يقولون ان افضل سن تعطين الياهل في الاكل هو من ست شهور ،،،لانه معدته وجهازه الهضمي قبل هالفترة يكون للحين مايقوى على الاكل حتى لو كان بسيط،،
وش المانع من انه يظل على الحليب والماي طول فترة ست شهور ،،بتمر الشهور بسرعة وراح ان شاءالله تعطينه الاكل الخاص بالاطفال،،بس قبل هالفترة ماله داعي ..
الله يحفظه لج
موضوع مفيد(f)
أمهات اللي مجربه بعد تقول لنا .. شنو كانت تسوي وشنو الحين تسوي حق اعيالها وتعرفون كل طفل وطريقته غير ..
انابنتي ارضعها طبيعي احس انه مايكفيها الحليب قمت أأكلها .
عاد تستشيري الدكتور افضلك
انا راح ابدا أأكل ولدي من الشهر الرابع انشالله
لان الجهاز الهضمي ما يكون مكتمل