في البدايه الشكر واجب للرب العالمين على نعمة الامومة
الحمدلله رب العالمين !
ومثل ما مبين في العنوان اسبوع المرض:,,,
زين مني ما سمته شهر المرض
لانه تعبت بجد والله وتعالوا لاعطيكم التفاصيل ولله الحمد !
صباح الاربعاء الفائت قعدت من النوم على صوت ولدي وهو يكح ويجتر نفسه بصعوبه
في البدايه ما كنت مستوعيه شو فيه بالضبط
لكن بعد شوي انتبهت اليه انه كان يجر انفاسه بصعوبه وياخذ نفسه من بطنه مصحوبه بشهقه شهيق وشهقة زفير
طبعا عيوني صارت جذي @@
شسوي ما عندي سيارة زوجي توه رايح الشغل المهم رحت المركز
وكان صوت ولدي مسموع بوضوح لكل من رآنه والكل خايف ويتلثم خبركم خايفين من عدوى مرض انفلونزا الخنازير الا عسى الناس ما شافوا واحد عاطس الا هربوا عنه بدله الله يرحمه سابقا !
هناك دخلت على عيادة الانفلونزا مباشرة دخلوني على دكتور مصر توووحفة اخذ الحرارة وقال لنا ان لازم ناخذ اشعه وطبعا طول هالفترة والشعب الهوائيه تقريبا كانت مسدودوه على ودلي ودكاترة المركز محتاجين معجزة عشان يفهموا هالشي …
اخدنا الاشعه ورحنا للدكتور بدون ما يفتح الاشعه عطانا تحويل للسلمانيه هني خلاص فقدت الام قلت اكيد في شي خطير … طبعا اني من البدايه كنت رافضه روحتي للمركز بس الحين دايما يقولون ان المراكز افضل خصوصا مع الانفولنزا المنتشرة
بعد تحويلنا للسسلمانيه اقترح علي عمي ابو زوجي ان نروح اقرب عياده لنا واحنا متعودين عليها
طبعا بمجرد دخولنا وبلا فحص الدكتور خبرنا ان ولدي صاديدنا كروب من الجو ضيق الشعب الهوائيه وانه لو صار تأخير زود تنسد الشعب الهوائه
بعد جذي واصل الفحص وطبعا عطيته اشعه المركز قال ما فيها شي ولا كنا ندري شنو المغزى منها !
ببساطه طلب من الممرضه انها تحط جهاز بخار وفهمني السالفه وطرحت عليه شوية اسأله على عكس دكتور المركز الي ولبه على كمامه وما يرضى يجر كلمه ورا كلمه …
ومباشرة وبفضل من الله اختفى صوت التنفس القوي عند ولدي وعطاه برا تزيل الانسداد !
ما بي اطول ازيد واصلنا مع البخار ولله الحمدل فاده واجد
بعده بيوم واحد صادته سعله بدون حرارة طبعا
وبعدين زكام وبدون حرارة
بعدين عده اخته زينب
الا كانت درجة حرارتها 39 وهالمرة قلت التوبه ما اروح المركز
ورحنا العياده وطلع عندها احتقان مرفه لها درجة الحرارة ولانها ترفض الدوا اضطرينا ان نوافق على كورس علاج ابو ثلاثه ايام للابر بدل المضاد
اليوم الاول طافت بخير
واليوم ثاني نزلت الحرة للوضع الطبيعي
كملنا الابره الثانيه الي دبحتنا فيها زوبه لانها كانت فاهمة الوضع كله وفاهمه انها تنطر الابرا وعجزت طبعا من التشجيع فيها لكن لاحياة لمن تنادي كنا اربعه عليها عشان تقدر الممرضه تعطيها لابرا
طلبنا من الدكتور اعفاءنا من الابرا الثالثه لانها احتمال تكسر الابرا فيها من زود صرختها !
اخيرااااااااااااااااااا الليله قعددنا على صراخها ااذووووووووووووووووووووووني!
ويش الحل يعني
مع انه اجهزة التكييف عندنا على طول مقصر عليها
وفي البيت دايما اغاب الوقت بكم طويل
بديت البسهم جواريب مع ان الجو بعده
طلعاتنا مو داك الزود !
افكر في ابرة الانفلونزا العاديه لانه بعدنا ما دلخنا الشتا والاطفال جذي متخربطين واحس روحس هالمرة تعبت لانهم مرضوا مع بعض الله يشافيهم ويخليهم !
ادري وجعت راسكم بس عطوني حلول ! ومن جربت تطعيم الانفلونزا العاديه لاطفالها ووينه من بنات البحرين :::
وفي النهايه الشكر واجب للرب العالمين
الحمدلله رب العالمين !
سلامات على السادة ،، ما يشوفون شر .. و خطاهم السوء !
مو مستغربة من المركز أبدا .. ماشاء الله عندهم هواية التحويل على السلمانية .. و بمناسبة قسم الاشعه الجديد صايرين واجد يطلبون اشعه .. و لأتفه الاسباب !
المهم ،،
البارحة سيد صادق صحى من نومه يصيح في سريره و أخذه ابوه لسريرنا و كانت درجة حرارته مرتفعه ، صحاني حتى اعطيه التحميلة و انصدمت من حرارة جسمه .. مو بس حارة ! الا حارقة !
و مر اليوم بسلام ، انتظرت 6 ساعات و كان الحمدلله اوكي بس خليت التحميلة الثانية وقاية من رجوع التسخين !
لو كنتين خايفة مرة ثانية من نوبة تسخين جديدة انصحش بتحميلات إنيلفا .. لأنها فعالة و تقاوم ارتفاع الحرارة بشكل غريب .. !
لكن لو كان التسخين سببه التهاب البلاعيم مافي حل الا المضاد .. او التمريخ و هذا الحل اللي افضله على المضاد لأنه اسرع و اسهل مقارنة بإجبار الطفل على شرب الدواء !
ما جربت تطعيم الانفلونزا .. بس لو كان آمن اعطي للحلوين توفير للتعب .. !
شوووووووووووكن
انثى !
هالمرة بناخذ تحميلات انيلفا لحالات الطوارئ خبرش التحميلات بسرعه تخلص من زود تصخين الجهال ..
اني متعوده على مرض الجهال بس لما يكونون اثنينهم مع بعض والي صار للسيدنا الصغير خلاني اتخرع من صباحة الله حتى كنت صايمه وفطرت من زود الزهقه لاني كنت محتاجه لو قطرة ماي ……….
ما يشوف شرر صدوقي ..
هالمرة الدكتورة تسالني عن التحميلات وسألتني ان حرارة زينب تنزل بالتحميلات قلت لها اي بس ما تستجيب الا بعد فترة
الا تخبرني انه لما تعطين الطفل تحميله لازم اول ترتفع درجه حرارته شوي وبعدين تنزل يعني ما يصير مرة وحده..
توي اقول لزوجي
خاطري الحلويت يكبرون ويروحون الثانوي عشان بس لا يمرضون واجد على كيفي ههههههههههه
الله يخلي اولادنا واولاد جميه الامهات ……..
ما تشوفوون شر وما على الحلوين شر يارب ..!
صدق اذا يمرضوون الام الا تمررض لانه الحنه والزنه كل في جبدها ..!!
واكيد راح نستفيد من موضوعج بخصوص التطعيم ..!
لانه علاووي بسررعه يمرض وترتفع حراررته ..
اخر مره فصخووه ثيابه وسبحو بمااي وثلج المستشفى لانه حرارته واجد ..
مناعه ماعنده كللش ويخووفني عددل ..
اذا كان التطعيم ززين وفيه مجربات ليش لا…!!
علشان يقيهم من المرض على الاقل ويقينا من التعب ..!!
الله يواليهم العافيه يارب ..!
صرنا نخاف اذا عطس طفلنا او بان عليه شوية تعب …. الله يسترهم ويحميهم
انتي حاولي تاكليهم عسل كتييير العسل يقوي المناعة واكيد ابرة الانفلونزا العادية كويسة اسئلي اكثر قبل
لا تعطيها اطفالك وربي الحامي
وألف سلاااااامة على الحلوين
وما يشوفوا شرر ياااارب
واضبي على التحميله اذا ارتفعت حرارتهم
واعطيهم عسل مثل ما قالت اختي الدمشقية
وسويلهم شوية فيكس ع ظهرهم وصدرهم
وعلى رجلهم ولبسيهم دلاغات
وان شاء الله ما فيهم الا كل خير
المشكلة مو بس المراكز ها الايام ما يعرفون شي حتى الخاص
شكرا اخواتي
المشكله مو في الخاص والله العام
المشكله اذا اذا كانو ا الي في الاثنين مو اهل للثقة يعني في كل الاحوال يجب علينا الحذر واختيار الارفضل منهما في كليهما !
واكثر شي فادني ولله الحمد للسعله الي كانت معذبتنهم ..
الفكس والجوارب
طريقه الكثير من الاخوات الي طروحها اهني ومنهم انثى مشكورين …
ما يشوووفون شر الحلوين و حمد الله على سلامتهم ..
بالنسبة للسخونة مثل ما قالوا الأخوات التحميلات مفيدة جداً خصوصاً للأطفال اللي يرفضون شرب الدواء <<< و منهم ولدي ..
و الفيكس عن تجربة فعّال جداً للسعال و البلغم ..
أما بالنسبة لتطعيم الإنفلونزا العادية ما جربته ..
بس سمعت ناس جربوه و بالفعل استفادوا أولادهم منه و ما صادتهم أمراض الشتاااا اللهم إلا أعراض مرض خفيفة جداً و مرات قليلة و محدودة ..
و حابة أعرف عنه اكثر .. و أحسن عيادة تعطي هذا التطعيم ..
و إن شاء الله اعطيه لولدي لأنه ما عنده مناعة كلش و أعاني معاه طول فترة الشتااا ..