صار لي 10 أيام والدة وحليبي قليل جدا لا يكفي إبنتي .. مع العلم إني أعطيها أول شي صدري ترضع مني لمدة 30 دقيقة من كل صدر .. وبعدين تنام ربع ساعه وتقوم جوعانه ولما أعمل لها مرضعه تشرب ما شاء الله عليها كله وترقد .. مع العلم إني آكل الرهش يوميا وأشرب الحليب يوميا .. وآكل السمك والكاجو .. وقد ما اقدر أحاول أكثر من السوايل ..
أفيدوني الله يرضى عليكم ويفرج عنكم كل همومكم .. لأن نفسيتي جدا تعبانه .. ودي أرض بنتي طبيعي ما أبي أعطيها صناعي ..
بالنسبة للحليب فطبيعي ان حليب الام في البداية يكون قليل ومع الوقت وكثرة رضاعة البيبي منك يزيد الحليب وكثري من السوائل والحلبة والبقوليات والسمسم والمكسرات
والبيبي يحتاج جهد كبير عشان يمص ويرضع
ومن المعروف ان حليب الأم سهل الهضم عشان كده الرضيع يجوع بسرعة أما الحليب الصناعي فصعب وبطئ الهضم ويخلي البيبي ما يجوع بسرعة
غاليتي..
ماتقدرين تحكمين ان الحليب قل بهالسبب.
.لان ماتدرين شكثر وصل لها من حليب خلال فترة رضاعتها وان كانت قليلة..هذا الكلام قالته لي الدكتورة..
انصحج دايما بالتغدية الجيدة بالاضافة الى تناول اطعمة الي تساعد على ادرار الحليب
وعادي لوقامت لج كل ربع ساعة لين ماتتعود على نومة الليل..لاتقطعين الرضاعة الطبيعية ولاتياسين
هالشي يبي له صبر لان وايد مهمة الرضاعة الطبيعية ومفيدة
الطفل معدته صغيرة وبسرعة يجوع خصوصا ان حليب الام خفيف وسهل الهضم بينما الاصطناعي ثقيل وماينهضم بسرعة ويخلي الطفل شبعان مدة اطول
اهم شي انك تحافظي على غذائك والبقوليات ابتعدي عنها تسبب غازات للطفل كثري من الرهش والسمسم والخضار والحليب ومشتقاته وازني في اكلك ونوعيه وكثري من السوائل والطفل كل مارضع يزيد الحليب والنفسية اليها عامل كبير خلي عندك ارادة وعزيمة ورضعيها قد ماتقدري
كمية الحليب تزيد مع زيادتج بالرضاعه ..وفي شاي خاص للام المرضعه تقدرين تشربينه وان شاء الله يزيد عندج
ماشاءالله على البنات ما قصروا قالوا كل شي ..
