اللهم صلي على محمد وآل محمد
,,
بناااات طبعا احنه كل همنا عيالنا الحين ونبي كل شي زين فيهم
ونحاتيهم ونخاف عليهم و و و .. مابي اطول عليكم هذرة زايدة
بنتي مريم واجد نحيييييييفة
لدرجة ان انصدمت لمن آخر مرة وديتها الطبيب كانت مريضة
تخيلووو اهي عمرها الحين 8 ونص و وزنها 6 كيلو بسسس :confused:
الدكتور قال لي على اشياء وفعلا احسها جد مفيدة وتسمن 
’’
اول شي الزبادي بالفواكه
بتقولون مو زين و و و . .
بس اهو قال لي اسوي لها بالبيت بطريقه سهلة ولذيييييذه :adore:
طريقة الزبادي بالفواكه ,,
اخذي علبة زبادي عادي
واخذي اي نوع من الفواكه يحبها طفلك
اني بنتي تحب التفاح .. وابشريها صغاااار على الزبادي
وبعدين في الاخير نضيف شوووووووووي قليييييل كلشششش
عصير من نوع الفاكهة اللي اخترتيها عشان النكهة بس
وبسسس ترى بغيت آكله عن بنتي 
واني استخدم عصير كي دي دي لبنتي
لانه بدون سكر وبدون مواد اضافية وهالسوالف
خخخ مو كأني سويت له دعاية
المووووهيم هذا الشي الاول
نجي للشي الثاني
سيريلاك القمح والتمر
لا تقولون الحين البيبي كبر وما دري شنو وتتحججون
بالعكس لانكم ماراح تأكلونه اياه
راح تضيفون ملعقة طعام في رضعة الطفل
بس مرة باليوم رضعة العصر
وواصلي لا تتمللين وتقولين ملل روتين ومدري شنو
تبين البيبي يسمن واصلي
والحمد لله اني الحين جربته لمدة اسبوع وشوي وزاد وزن بنتي
طبعا مو واجد لان توني عليه بس جد استانست
وجربو واذا نفع معاكم ادعو لي ولبنتي الله يشافيها
ملاحظة : الصور من النت 😉
السيريلاك اذا اضفتيه في المرضعة مايطوف تنسد الحلمة تستخدمين حلمة غير؟؟
بجرب وأشوف
انا بقولك طريقتي
اسلقي رز مصري وحطيه في الخلاط مع تفاحة مبشورة وموزه واخلطيها
يم يم والله بنتي الحمدلله عجبتها وبنواصل عليها
راح اجرب وياه الزبادي بالفواكه ان شاء الله يسمن اشوي
تسلمين وردة امل على الموضوع
الله يشافي البنوته
فعلا انا اعمل لاولادي كذا من زمان وحلو ومغذي بس النحيف نحيف الحين عيالي عيدان
وبعد اسوي عصير دنااو
وهو زبادي وشوي عصير خوخ مثلا او تفاحه مقشره مسلوقه مهروسه وينحط بالخلاط ويصب لبيبي رووعه
وبعد جزر مع بطاطا وبازلاء مسلوق ومهروس بالخلاط ويصير مثل الكريمه يعني مثل دانيت كذا
تحطينه بزبديات بلاستك حق المهلبيه للحفظ في الفريزر وكل يوم سخني لها واكليها روعه
وبعد
تمر حبه او حبتين تنقعينه بماء فاتر شوي ربع ساعه تلاحظينه ذاب اهرسيه بالملعقه ثم جيبي المصفاه وصفيه بكاس لها وصبيه لها بالرضاعه تشربه كله فيتامينات ويسمن وطعمه حلو طبيعي
واعملي لها كستر الي مثل المهلبيه واضيفي له الفواكه مثل الموز لذيذ ولا تكثرين لها سكاكر
وبعد هالكلات الذيذه يمي يمي فرشي اسنانها باصباااعك وانتي تغسلين وجهها بالحمام بالمره ضعي اصباعك في فمها وادعكي بطريقه مرحه :biggrin: للتتعود ع ذلك وتعرف معنى نظافه الاسنان وقولي لها اسنان اسنان شوي شوي بتفهم وتعمل مثلك :thumbs_up::thumbs_up:
وربنا يحفظ اولادنا يارب من كل مكرروه:L::L::L::L::L::L::L::L::L::L::L::L::L::L::L :
مشكورة
وتم التقييم
بس اللي اعرفه ان الزبادي ومنتجات الابقار مانعطيه للطفل الا عقب سنه