بنتي ومشكلتها في المدرسه ساعدوني 2024.

السلام عليكم ورحمه الله وبركاته
ببدى من الاول (انا بنتي مؤدبه وحيويه :oمرره)
انا بنتي في اول ابتدائي راحت اول يوم للمدرسه وكلها حماس بس ينتابها بعض الخوف رحت معها ومر كل شي بسلام
راحت اليوم الثاني وانا معها ومر اليوم بسلام
بعدها راحت الحالها وصارت جنبها بنت تتطنز عليها بشكلها وبشنطتها ومطارتها وشنطت الاكل وكثير كلامها والمعلمه تهاوشهم سوى اسكوتو انتبهو لي صارت المعلمه المادب والي يشارك تعطيه حلاو وهي ماتعطيها تقول انتم مب مأدبين صارت البنت تطقها وتحوس اغراضها وجت ذاك اليوم بنتي تصيح ضاربتها البنت دقيت على المدرسه ولقيت المشرفه غايبه قالت بنتي للمشرفه ان البنت طقتها جتها تهاوشها قعدت تحلف انها مالمست بنتي

صايره كل يوم تحن تبي تغيب مليت من المدرسه
بنتي صايره نفسيتها تعبارنه دائما تصيح عللى كل شي تصيح عليه صايره اذا صاحت تعصب بقوه تنتف شعرها وتقطع ثيابها
شاريه اليوم استكرات طالبتها منها المعلمه يوم وصلنا البيت دورتها في الكيس ولا لقتها سألت ابوها قال في الكيس قعدت تنتف في شعرها وتصايح انا مااكذب وانهارت جلست معها وسالتها وش فيك ليش كذا صايره قالت انا يضيق صدري انا اعصب بحث معها وش يضيق صدرك قالت هذه البنت
واساساُ هذه البنت شكلها تغار منها لانها اغراضها قديمه ولاهيب كامله
قولو لي وش اسوي معها وشلون اتصرف هل انقلها من فصلها والا وش اسوي ساعدوني الله يجزاكم بالجنه

ياعمري عليها .. كسرت خاطري

طيب حبيبتي .. جربي روحي معها للمدرسة .. واجلسي مع المديرة .. ومعلمة فصلهم .. وخليهم يجيبون البنت عندك انتي .. وكلميها بنفسك وهدديها .. واطلبي من معلمتهم تغير مكان بنتك .. وتخليها بعيده عن البنت هذي ..

الله يهديها .. سبحان الله هالاشكال من جد تحسين انهم عايشين بنقص …!!!!

هذا أحسن حل روحي للمدرسة وحلي المشكلة بنفسك

من حسن حضي جاهم بنت زياده وغيرو الترتيب وصارت مب جنب بنتي بس تحوسها في وقت الفسحه او الطلعه او اذا كان ماعندهم احد
انا فكرت اني اروح واكلم المشرفه خصوصا انها غايبه الاربعاء ودقو المدرسه وهي وعندي وقالت وش تبي تقولين وكان هي فيها كحه وقلت لهم فيها كحه

الله يعينك وحلو انها تغيير مكان البنت

والله يعينك وخلي بنتك بعد تتحمل مسولية نفسها

والله انا عندي ثنتين من خواتي وحده

اول مادخلت كانت بس امي تروح كل ماضربوه ولاهاوشوها

وبالنهاية طلعت ختي ماصارت تدافع عن نفسها

وبسم الله عليها اختي الي اصغر منها

من يوم دخلت الي يتعرض لها ياويله

بس بنفس الوقت هي ماتغلط على احد

وبعدين صارت الكبيره تتجرا يوم شافت اختي الصغيره كذا

والله الحمدلله امي ارتاحت

والله يحفظ بنتك ويعينها

عاد البنات فيهم نحاسه وغيره

اففففففففففف
تطفش….

الله يحفظها لك من كل سوء

ايه بنتي مادافع عن نفسها ومشكلتها مثاليه وخلوقه وتبي الناس مثلها
انا ماتوقعت البنات كذا شياطين الى هذه الدرجه
الله يعين

بامكانك ان تنقلي بنتك لفصل آخر هذه البنت المشاغبه لاتجلس فيه<<<كلش والمضايقات وتأثيرهااا

يا عمري

انقليها من الفصل ما تسوى عليها

تراها بتتعقد وبتكره المدرسه

والمدرسه الحين في بدايتها

يعني يمديها تحصل صديقات

وتتأقلم مع جو الصف الجديد

مره :thumbs_down:احسها تبي تتعقد مره منها اليوم جت وماكلت شي ابد حتى المويه ماشربتها سألتها قالت شبعانه مااشتهيتها ولا عطشت يوم جيت اذاكر لها وحده من الحصص ماحضرتها قالت مدري وش خذو انا مادرس معهم انا عند ابلى شيخه (الاخصائيه الاجتماعيه)قلت ليش قالت هي نادتني قلت وش تبي بك قالت مدري نسيت دريت انها ماتبي تعلمني
قعدت اسولف انا ويها لين علمتني قالت اني صحت اخر الحصه3مليت ابطت ماخلصت ورحت عند ابلى شيخه وقعت عندها الى نهايت4
من اسالتي عرفت ان من البنت تقول انها تطنز علي وتضحك وتتكلم مع البنات وهي تناضرني وتضحك
مدري احس ان هذه البنت ماشاء الله حركاتها اكبر منها
(طيب ودي اسال وشلون تعرفون وش درسو وشو الواجب وهم مايكتبون شي ابد انا اسأل بنتي شي تذكره وشي تنساه واذا جاء بكره قالت ماحليت واجب امس )
مشكورات اخواتي شاكره ومقدره تفاعلكم معي