حاليا محسوبتكم حامل بالتاسع و مو ضايل اشي على ولادتي .. الله يسهلها و ييسرها …
المهم اني ناويه اسوي حفله مباركه .. بس مش عارفه كيف لازم تكون ..
احنا عننا العوايد بالاردن لازم نضيف كراويه و قرفه .. بس انا ماعمري حضرت مباركه و انا طول عمري هون بالسعوديه ..
فيدي اعرف كيف بتكون الاستقبال …
انا اشتريت توزيعات …
و جهزتهم …
بس مش عارفه ايش المراسم …
ناويه اعمل استقبالين واحد في بيت اهلي لصاحبات ماما …
و التاني حستأجر قاعه و اسوي حفله لصاحباتي و الصبايا و جاراتي .. يعني بس صبايا .. بدون حريم يخربو القعده .. قلت لماما بس انت المعزومه فوق عمر ال 30
… حيكون فيها دي حي … و يمكن عشا .. لسا ما قررت على حسب الميزانيه .. السؤال هل لازم عشا او ممكن تزبط بدون .. بكفي موالح و حلا عالطاولات مع قهوه و شاي …
و الحفله حتكون من 6-9.30 بس ..
لانه صراحه بعد ما تجوزت ما صحللي اسوي حفله لصاحباتي .. و كمان قبل ما اتجوز ما سويت اشي .. لهيك هلأ بدي اسوي اشي مميز …
اعطوني يا حلوات يا حبابات افكار ممكن اسويها .. لاني ما بعرف شي و لا خاطر ببالي شي …
والله يهون علينا ونربي بالسلامه .. وبالتوفيق