صباح الخير والفل والياسمين لاحلى بنات فالمنتدى
شحالكن ان شاء الله بخير .. ما بطول عليكن 😉
شفت مرة لوك فمجلة وعيبني لانه على لون فستاني .. فخذته وجربته وسرت فيه عرس وطلع حلو ومرتب .. قلت احطه موضوع هني مادري اشارككم وعشان بعد تستفيدون (مع ان ماشاءالله عليكن)
المهم قبل لا ابدا سامحوني عالتصوير الردئ والشرح التعبان لان هاي اول مرة كمبتدئة فالمكياج 😮
نبدا بسم الله
طبعًا بعد تنظيف البشره وترطيبها
حطيت كريم الأساس من ماك واستخدمت ايدي فتوزيعه على ويهي ورقبتي وخليته 4 دقايق
بعدين وزعت الكونسيلر التيوب بعد من ماك بصبعي الصغير حوالين عيوني وحطيت نقاط بسييييطه على اماكن اثار الحبوب
عقب خليته شوي وبعدين حطيت البودره المضغوطه ووزعتها بالاسفنجه مالها بس حطيتها بضربات خفيفه عشان ما يكون لون ويهي ابيض وايد
وبهاي الفرشاة حطيت اللوس باودر تحت عيوني بكثافه متوسطه عشان الشادو الي يطيح والي وايد يلعوز يوم يخرب 😮
عقب ما خلصت من هالاساسيات الي اعرفها بديت فالمكياج .. أول شي حطيت شادو الحواجب الي باللون البني
وبعدين بــ شادو نايلون سويت شوي بالفرشاة على عظمه الحاجب .. ما عجبني اللون قمت كثفته شوي بصبعي عشان يستوي واضح .. ونزلته شوي لتحت تقريبا لعند الكسره الي بين الجفن المتحرك والثابت وكل ما ينزل كل ما يخف اللون
بعدين بهاي الاقلام لونت عيوني (مثل اليهال 😮 ) اتعلمت هاي الحركه من دوره خذتها .. باللون البرتقالي حطيت فزاويه العين الداخليه بس ما خليت اللون يطلع لفوق الكسره ووصلته للنص تقريبا
وباللون الاخضر رسمت مثلث فزاويه العين الخارجيه ومديته لداخل إلين وصل للون البرتقالي (يارب تكونوا فهمتوا علي)
بعدين بديت احط الشادو الاخضر من رد ايرث فوق الي لونته باللون الاخضر بغزارة واطلعه شوي شوي لفوق عشان اخفي الخط مال القلم .. وبالقطن مال الاذن مديته لبرع عشان اوصله لعند نهايه الحاجب ويختفي اللون
وبنفس الطريقه سويت ويا اللون البرتقالي رفعته شوي شوي لفوق وسويت تقريبا تقريبا شي يشبه المربع من داخل العين
عقب رديت للون الاخضر خذيت من برجوا لان فيه لمعه ناعمه وحطيته فوق الشادو الاخضر بس طبقه جدًا رقيقه عشان يعطي اللمعه بس
وبنفس الطريقه للون البرتقالي بس ما حاسبت لان اللون كان ضعيف وكان هدفي اللمعه بس .. وبديت ادمج فالنص بس اللونين عشان ما يصير خط فاصل بينهم (اوني محترفه لووول)
وبالايلينر من ماك بديت بكل بطئ وحذر ارسم خط شوي عريض للعين (شوي بس مب وايد عريض) وطولت عليه شوي عشان يسوي خط مع الاخضر .. وكل ما طلع الايلينر خفت حدته .. رسمت لداخل العين مثلث .. وفتحت فتحه من تحت عشان ارسم الايلينر من تحت وطولته لبرع شوي
وعقبها وصلت لمرحله خطيره بالنسبه لي وشوي صعبه .. الي هي اني اموه الكحل الكريمي .. حاولت فالبدايه اموه بروحه بس ما قدرت قمت استعنت بالشادو الاسود بشي بسيط عشان يعطي الشكل من فوق ومن تحت
وعقب رديت للشادو البرتقالي وحطيت على مدى الخط الي مديته من الكحل الي تحت العين
وبعدين بهاي الفرشاة لانها وايد ضعيفه .. حطيت من البيجمنت من make up 4 life .. لونه ياي على ابيض مع لمعه ذهبي .. حطيته بين الفتحة الي سويتها فزاويه العين الداخليه .. ورديت بعد حطيت للفتحه الي برع فزاويه العين الخارجيه
وعقبها شليت اللوس باودر الي حطيته عشان الشادو والحلو فيها ان عطت ويهي لمعه وايد ناعمه وبعدين ابتسمت وبديت احط البلاشر عالخدود الي طالعه .. ورفعته لعند الحاجب بخفه عشان اللون بعد يخف
ومن نفس البلاشر خذت شوي منه بصبعي وحددت خشمي .. من بدايه الحاجب لنهايه الخشم وشوي صغيرونه للأطراف .. وبنفس البيجمنت هذا خذت منه بعد بصبعي وحطيت فالنص وخليت اللون شوي بارز .. صدقوني والله طلع وايد غاوي .. استانست على عمري وايد 
واكيد بمحدد الشفايف حددت شفايفي
وحطيت من كسارا نوير من مكياجي اللون البرتقالي بس حطيت طبقه بسيطه عشان بس تعطي اللون
ومن نفس الباليت حطيت فوقه اللون الذهبي بكميه معقوله عشان اللمعه تصير برتقالي على ذهبي :rolleyes:
وعقب حطيت الرموش بس مو انا الي حطيتهم .. عمتي وريلي ساعدوني :dd: وكانن اخف واقصر من هاذيل الي فالصورة .. بس فالنهايه النتيجه كانت مرضيه الحمدلله
وضربت ضربه بسيطه بالماسكرا عشان لون رموشي كان برتقالي
وبجيه كنت انتهيت من المكياج .. كان بالضبط بالضبط نفس المجله الحمدلله والنتيجه كانت حلوه وهاكم الصورة
[يرجى تقطيع الصورة
وأخيرًا وليس أخرًا هذي كانت ألوان فستاني .. حبيتكم تشاركوني 
.. مادري ليش اللون طالع تركواز يمكن مع التصوير
وصلنا للنهايه .. إن شاء الله يعجبكم المكياج مثل ما عجبني .. ومرة ثانيه سامحوني عالتصوير التعبان والشرح المتعب .. بس شوي شوي ان شاء الله اصير احسن
ملاحظه:
* كريم الاساس + الكونسيلر + البودرة = ماك
* اللوس باودر = make up 4 life
* شادو الحواجب = بودي شوب
* شادو نايلون اكيد تعرفون من ماك
* الاقلام كانت واحد من ماك والثاني خذته من السوق ماركه ماكس تتش
* الشادو الاخضر واحد من ريد ايرث والثاني من برجوا والبرتقالي الباليت من كسارا نوير (مكياجي) والثاني رد ايرث
* والفراشي الي استخدمتها مادري ماركتها خذتها ذاك اليوم من معرض العروسه عندنا
بنات بليز طلبتكم والله تعبت وظهري انكسر وانا احضر فالموضوع .. فالي بتنقله تذكر اسم المنتدى واسمي
واخر شي خلاص … اذا عجبتكم دعواتكم لي بالذريه الصالحه يارب وان الله يوفقني مه ريلي دووم
فحفظ الله
سلمت يمناكي
والالوان حلوه
تحياتي
ماشاء الله شكلج خبيره مب مبتدأه واتخيل شكلج اكيد طالعه قمرررررررررر
لان الاغراض الي استخدمتيها حلوه
ولونين الي استخدمتيهم وااااايد حلوين
وتسلمييييييييييين حبيبتي على موضوع
الحلو
مشكوووووووورة عالموضوع
حلو
حلو
ماشاءالله احب الالوان المنتاسقه ويعطيك الف عافيه
الله يعطيك العافيه ويسعدك مع زوجك