إلى المغتربات أرجو الفائدة عزيزاتي 2024.

السلام عليكم ورحمة الله وبركاته ..

كيف حالكن عزيزاتي ..

أتمنى أنكن تنعمن بالصحة والعافية ..

أريد مساعدتكن ..

فأي وحدة منكن تغربت عن بلدها مع زوجها وأسرتها لا تبخل علي بتجربتها ..

فأنا على وشك سفر قريب مع زوجي وبناتي الصغار إلى لندن لمدة 3 أشهر أو أكثر.. ولا أعلم

بالضبط الأغراض التي يجب علي أنا أخذها معاي من الإمارات .. والتي سأحتاجها خاصة في

المطبخ ولن أجدها في لندن .. ..

أنتظر الرد .. وجزاكن الله كل الخير ..

هلا حبيبتي انا موجوده ببريطانيا بس لوحدي

اغراض المطبخ اللي بتحتاجينهم هي البهارات العربيه واللي متعود عليها زوجج واولادج

بس انتي جالسه لمده بسيطه يعني عادي لا تحاتين وبعدين كل شئ متوفر هنيه ولو ان الاسعار اغلى

انتي شو على بالج تجيبين خبريني عشان اقولج اذا موجود ولا لا

في لندن الوضع بيكون مختلف شوي لانه راح تحصلين محلات باكستانيه وعربيه بس مو وايد ومثل ما خبرتج البهارات جيبيها معج والعود البخور قصدي ترى مو موجود هنا

انا هذا اللي اجيبه من بيتنا
بس خبريني شو في بالج وانا حاضره

انا بعد بعد فتره إن شاءالله بروح مع زوجي لندن .. 3 سنوات ,,, بس قلت ما باخذ أي شئ من هنيه اكيد كل شئ متوفر عندهم …

ولا شو الراي ,,,

شيخة البنات صحيح كل شئ متوفر
بس البهارات بالاخص اللي متعود عليها زوجك في الطبخ ما راح تحصلينها ابدا

الا اذا انتي شاطره في خلط البهارات ما ادري

وراح تحصلين البهارات عشان تخلطينهم في محلات باكستانيه بس هذا اذا فيه محل باكستاني في المنطقه اللي انتوا فيها

انصحج تاخذين بهارات مخلوطه معاج تبع الارز مثلا

شئ ثاني نسيت اقوله

ما عندهم ليمون ناشف اللي هو الاسود

هذا ما تحصلينه ابد

ولا تنسين الزعفران لانه مهم بالطبخ ومايتوفر هناك والقهوه العربيه بعد