بنات مصر لي طلب عندكم ياللييييييت احد يقولي شلون طريقة هذي الاطباق بالتفصيييل
واهم شي انه تكون على الطريقه المصريه ..
1- محشي الملفوف (الابيض) و الورق عنب
2- مكرونه بالباشاميل (مشكلتي بالصلصه)
3- البفتييك
4- بانيه الدجاج (فراخ بانيه)
5- الملوخيه
6- الكشري
7- كفته لحم
ادري القائمه طويييله بس فيكم الخير 
ومشكورين مقدما
المقادير
2كوب ارز مصرى مغسول ومصفى –
1 كوب عدس اسمر (مصرى) مغسول –
4 ملاعق مكرونة شعرية محمره –
1/2 كيلو مكرونة يفضل صغيره –
3 بصلة كبيرة –
حمص مسلوق (حسب الرغبة) –
لعمل الصلصة:
2 كوب عصير طماطم –
2 فص ثوم مفروم –
الطريقه
يقطع البصل شرائح ثم يحمر في الزيت ثم ينشل من الزيت
مع ابقاءالقليل منه في الزيت ثم يوضع على الزيت كوب ماء
ويترك حتى يغلي ثم يوضع عليه العدس بحيث يصبح الماء اكثر منه
واذا كان الماء قليل اضيفي اليه البعض منه حتى يمكن للعدس ان يسلق
وقبل ان يتم نضجه بالكامل يوضع عليه الارز والملح والشعريه المحمره
ويقلب ثم يضاف اليه الماء حتى يعلوه بسنتيمتر واحد ويترك حتى يتشرب هذه الماء على نار عاليه ثم ينقل على نار منخفضه
ويترك لينضج
المكرونه
يتم سلق المكرونه في الماء ثم ينشل ثم يوضع في مصفاه ويوضع عليه الماء حتى تبرد وتتفكك من بعضها
ثم يوضع في الحله قليل من الزيت والكمون والملح حسب الرغبه وبعد ان يسخن يوضع عليه المكرونه وتترك على
نار هادئه حتى تسخن كلها ثم ترفع من على النار
الصلصه
يحمر الثوم في قليل من الزيت حتي يصفر لونه ثم يضاف اليه عصير الطماطم ثم الملح والفلفل الاسود والشطه حسب الرغبه ثم تترك لتنضج
اذا لم تصبح الصلصه لونها احمر ضعي لها ملعقة صلصه جاهزه معلبه
الدقه
يوضع الثوم في وعاء التقديم على ربع كوب ماء ونصف كوب خل و عصيرليمونتان وملح وكمون وكسبره وفلفل اسود و الكميه حسب الرغبه
للتقديم
يوضع الارز اولا في قاع وعاء غير عميق(مسلطح ) ثم عليه المكرونه ثم البصل المحمرثم الحمص المسلوق ( اختياري) و تغرف الصلصه في وعاء اخر او على الطبق
نفسه
الصوره منقوله
وبالهناء والشفاء
اما الفراخ البانيه
تتبل صدور الفراخ بالبصل والفلفل الاسود والملح ويترك لمده ساعه ثم يوضع عليها بيضه ثم تاخذ كل قطعه وتوضع في البقسماط الناعم ثم تحمر في الزيت
و بالهناء والشفاء
كفته اللحم في الفرن
ربع كيلو لحم مفروم
2بصل – فصان ثوم مفرومين
ربع حزمة بقدونس مفرومة
ملح –فلفل – بهارات مطحونه
***ممكن تضعى 2ملعقة كبيرة برغل لو حبيتى بعد ما تنقعيه ربع ساعة فى ماء دافى و تصفيه ..اضغطى
عليه علشان الماء الزيادة يخلي الكفتة تفك(اعصريه بأيدك)
ضعي جميع المقادير مع بعض فى المفرمة او الكبة وافرميها , بعدين كوريها او اعمليها صوابع ورصيها في
صينيه مدهونة سمن وادخليها فرن متوسط حتي تستوي بعدين حمريها من الاعلي…انا اضعها على البوتجاز
من فوق على نار هادئة و بعد خمس دقائق ادخلها الفرن تحت شواية الفرن
و بالهنا و الشفا
TAQIAA
كيس ملوخية جاهز تقريبا نصف كيلو
الطريقة سخنى 2 كوب من الشوربة ممكن تغليها و ضعى كيس الملوخية و كل شوية تقلبى علشان تفك من الثلج
و لو احتاجت ممكن تزودى الشوربة بس مش كتير علشان متبقاش ذى المية ….و اضبطى الملح بتاعها و اتركيها
تغلى على نار هادية
فى الوقت ده اعملى لها التقلية و هى عبارة عن
ثوم مدقوق حوالى 5 او 6 فصوص بصراحة انا بعملها بالبركة + كسبرة ناشفة ناعمة تدقيهم مع بعض
و تضعى معلقة سمن و تحمرى الثوم و الكسبرة فيها حتى يحمر ثم تضيفيها الى الملوخية و تخليها تغلى غلوة
واحدة علشان طعم التقلية يبقى فيها و بعدين اطفى النار و غطيها
و بالهنا و الشفا
TAQIAA
http://www.3roos.com/forums/showthre…1%DE+%DA%E4%C8
و ده كمان طريقة لفه
http://www.3roos.com/forums/showthre…1%DE+%DA%E4%C8
تسلقى ورق العنب لمدة دقيقتين فى ماء مغلى و تطلعيه ممكن تشطفيه بماء بارد لازالة طعم الحموضة منه
و ممكن تضعى شوية لحمة مفرومة فى الخلطة تعطى طعم لذيذ…..
و نفس الخلطة للكرنب او الملفوف بدون لحم مفروم…تقطعى الكرنب و تفصلى كل ورقة لوحدها و يسلق فى ماء
مغلى عليه شوية كمون علشان الرائحة بتاعته وقطعى الورقة للحجم اللى انتى عاوزاه
و شوفى الرابط ده هيفيدك للملفوف
http://www.3roos.com/forums/showthre…1%DE+%DA%E4%C8
وكمان الباذنجان و الكوسة هتلاقيهم هنا
http://www.3roos.com/forums/showthre…1%DE+%DA%E4%C8
و بالهنا و الشفا
TAQIAA
البفتيك نفس طريقة التتبيل للفراخ البانيه اللى شرحتها الاخت http://www.3roos.com/forums/member.php?u=133265
بس انا اضعها الاول فى دقيق ثم البيض ثم البقسماط الناعم و بعدين احمرها
نيجى بقى للبشاميل الطريقة دى ان شاء الله هتعجبك و تضبط معاكى انا اتعلمته من حماتى ربنا يعطيها الصحة و
ما شاء الله بتطلع حلوة اوى معايا
لكل معلقة سمن اضع معلقتين دقيق…من نفس حجم معلقة الاكل و 2 بيضة و نصف كيلو لبن دافى و شوربة دافية حوالى كوب و نص او اتنين و ملح وفلفل
مثلا لو هتعملى صينية متوسطة
يبقى تضعى 3 ملاعق سمن تسخنيها ثم ضيفى 6 معالق دقيق على نار هادية
وقلبيهم يفضل معلقة خشب حتى يحمر الدقيق
وارفعيها من على النار وضعى الشوربة شوية شوية على البارد و قلبى علشان لاتجمد معاكى
حتى تصلى لتخانة متبقاش مثل المية بعدين ضيفى اللبن برضه شوية شوية كل ده على البارد ثم بيضة واحدة و
اضبطى الحدق بالملح و الفلفل و قلبى بالمعلقة الخشب او مضرب سلك
و بعدين ارفعيه على النار مع التقليب المستمر هتلاقي التخانة بتاعتها بتتقل معاكى لو زادت اوى فكيها بشوية
لبن او مرقة و لما توصل للتخانة اللى انتى عاوزاها ارفعى من على النار و خدى معلقتين او 3 معالق منهم على
جنب فى طبق لتبرد شوية ثم ضعى عليهم البيضة التانية و حبة فلفل اسمر و قلبيها و ضعيهم على وش الصينية
فوق البشاميل التانى بتعطى لون حلو للوجه
****ملحوظة بعد ما تصفى المكرونة المسلوقة ضعى عليها شوية زيت و قلبيها كله مع بعضه يعطى لمعة
للمكرونة وتكون مش لازقة فى بعضها و لا تنسى دهن الصينية بالسمن او الزيت علشان متلتصقش فيها
المكرونة
معلش طولت عليكى الخطوات كتابتها كتير بس لما تنفذى مش هتاخد منك وقت و باذن الله تطلع حلوة و
امانة عليكى متنسيش تدعيلى بالذرية الصالحة ولابى رحمه الله بالمغفرة
سلااااااام
TAQIAA
محشى الكرنب (الملفوف)
——————————————————————————–
المقادير:
ملفوف
رز مصرى
2 حزمة كزبرة خضرة
2 حزمة بقدونس
2 حزمة شبت
3 بصلات وسط
طماطم مقطعة قطع صغييييييييرة(من 4 الى 5 حبات)+ملعقة صلصة طماطم
نعناع حسب الرغبة
ملح وفلفل اسمر
سمن
عدد واحد فلفل اخضر حامى حسب الرغبة
الطريقة:
1-ننزع ورق الملفوف و يسلق بماء مغلى و ملح ثم يقطع لقطع مستطيلة صالحة للف
2-نقطع الكزبرة و البقدونس و النعناع والشبت قطع صغيرة
3-يبشر البصل
4-نضيف الخضرة(الكزبرة و البقدونس و الشبت و النعناع) للطماطم و البصل والفلفل الاخضر للرز المغسول و نضيف السمن و الملح و الفلفل الاسمر والصلصة
5-نحشى ورق الملفوف بالخلطة السابقة و نرصة بقدر او حلة و نضيف الية مرق اللحم او الدجاج(شوربة) تقريبا كوب و نصف
6-بغد غليان المرق بالملفوف نهدى النار حتى تمام النضج
وصحتين
ملحوظة:يجب مراعاة ان الرز فية ملح عند اضافة المرق