المهم في بالي كذا طبق أسويهم باقول لكم عنها وشوفوا شنو الأنسب وشنو المفروض اللي ماسويه ،، والمقبلات هل هي كافية… طبعا الحلى بتسويه مرت خالي cheese cake وراح أسوي طبق إضافي.
معكرون ة دجاج بالبشاميل
فطيرة السبانخ والدجاج
دجاج صيني مع الخضروات + أرز صيني
سلطة معكرونة
ورق عنب…
(بتقولون هذي أكلها كلع معكرونة ودجاج بس لأني ماحب اللحم وماعندي روبيان مثلج جان سويت روبيان مقلي بس باشوف إذا أمي عندها لأن الحين مو موسم الروبيان).
أفكر بطبق إضافي للأطفال بس مو عارفة شنو (أو بس كفاية الأكل)..
عددنا تقريباً (18 شخص وأنا معهم)….
ساعدوني بآرائكم يابنات…
اعتقد ان اللي انت بتسوية كفاية
وهو كمان من الوجبات الرئيسية
اهم شي في العشاء المكرونة الكل يحبها
وبعدين انت بتسوين الرز والدجاج الصيني الفطائر
ممكن تنوعين فيها فطائر بالجبنة او اللبنة والدجاج
والبيتزا يحبوها الاطفال وممكن النيجتز للاطفال والشبس
ممكن كباب الدجاج , الحمص والتبولة او سلطة المكرونة
اما بالنسبة للحلو ممكن بالاضافة الى الشيز كيك تسوين
فروت سلط هاي اللي اقدر افيدج فية
وانشاء الله بالعافية
تحياتي:دلووووعة بكيفي
مكرونه بالباشميل تسوين منها صينيتين وتخلطين الطبقات والباشميل بس يبقي انج تحطينهم بالفرن اليوم اللي بيونج
سلطة المكرونه تقدرين انج تجهزين كلشي مثل المكرونه تسلقينها والخضروات تقطعينها بس ماتخلطينهم مع بعض حتى الصوص جهزيه وفي نفس اليوم خلطيهم مع بعض
اما ورق عنب حبيبتي في جاهز محشي وملفوف شتسوين فيه اخذي الصوص اللي جاي داخله وضيفي ماء وزيت زيتون قليل وقطعة ماجي وعصير ليمون وفلفل اسود شوي حطيه بقدر على الفرن وفرغي العلبه داخله مجرد يغلي غلوتين بسسسسسس شيليه وصفيه في بايركس من غير الصوص بس حطي قليل علشان ما ينشف وزينيه بشرايح الليمون قبل بيوم وفي يوم العزيمه طلعية بمدة من الثلاجه ولما تخلصين من تحمير الباشميل سكري الفرن وحطيه بس علشان يدفى شوي
في حمص عجيب وبعد تقدرين تعملينه قبل بيوم: كل علبة حمص جاهزة تخلطين 2 ملعقتين مايونيز وكل 4 علب حمص فص واحد ثوم مدقوق تخلطينهم مع كبشة بقونس ناعم وتحطينه في بايركس وتزينينه بزيت زيتون ومعبوج فلفل كويتي احمر او اخضر على شكل اربع دويرات موزعه فوق البايركس
انا هذي السوالف اسويها قبل بيوم علشان اجلس مع ضيوفي يوم العزيمه يعني ماكون طول يومي في المطبخ ولا استمتع معاهم
انشاءالله اني فدتج والله يسهل عليج
لقيت لك رابط الوصفات ولكن ارجووووووو ان تفيدك
وصفات خاصة باطباق الاطفال
الاطباق اللي ذكرتيها كافيه ،، وحلووووووة
وصح الحين مو موسم الروبيان بس تقدرين تحصلين في جيان روبيان مثلج ،،
ان شاء الله فدتج
كيلو ونصف برغل خشن
نصف كيلو هبرة لحم عجل
تنقعي البرغل مع ليتر ماء وتضعي له الملح حسب الرغبة وتقطعي فوقه 3 بصلات ….ثم تطحني البرغل بماكينة الكبة طبعاً بعد مضي نصف ساعة على نقعه ….
تطحني 2-3 مرات حتى تشعري أن البرغل لا يقرط أي ناعما …..
الحشوة : لحمة ناعمة وبصلة تقليها جيداً حتى تدبل ثم تقلي اللحمة معها ….وتضيفي لها البهار الأسود …..وتضيفي المكسرات (جوز + لوز + فستق حلبي+ صنوبر )……
تعجني البرغل لأنه سيصبح مثل عجينة مع الهبرة (لحم العجل )
وتهدني صينية متوسطة الحجم بالسمنة …..وتبدأي بمد نصف العجينة بالصينة ….
وذلك بأن تقسمي أرض الصينية إلى أربع قطع تمديها على قطعة من النايلون حتى تستطيهي أن تنزعيها ومن ثم تضعيها في الصينية وتوصلي القطع مع بعضهم بأن تبللي يدك بالماء ولكن لاتكثر من الماء فلا تنجح وتبدأي بضرب الصينية بكف يدك حتى تشعري أنها متساوية الأطراف والسماكة من كل الجهات ملاحظة (عند مدك للقطع الكبة لا تكبيريها لأنها ستتمزق عند نزعها)
تضعي الأن الحشوة التي قمنا بها وتمديها على أرض الصينية وتضغطي عليها بشكل خفيف حتى تلتصق بالعجينة …ثم تبدأي بوضع العجينة الباقية من الكبة بنفس الطريقة السابقة وتضربيها بعد أن تلتصق جيداً ……الأن تقطعي الصينية كما تريدين في كل قطعة مثلاً معينات تشخطي شخة بالسكين فوق القطع وذلك عند وضعنا للسنة فوقها كي تتسرب للداخل ….
السمنة 2 ملعقة طعام ممتلئة من السمن النباتي
2 ملعقة طعام ممتلئة من السمن الحيواني أو العربي
تسيح وتوضع فوق الصينية بعد التقطيع طبعاً حتى يتغلغل السمن لأرض الصينية ….
تشعل الفرن على درجة متوسطة الحرارة ولا تضعيها مباشرة على النار أي يجب أن يوجد فاصل بين الصينية ونار الفرن وتبقى لمدة ثلاثة أرباع الساعة وبنصف الوقت تشعلي عليها الحرارة من الأعلى ……أي عندما ترين أطراف الصينية بدأت تشقر …..تشعلي عليها النار العلوية …
وعدها تقديميها وساخنة جانب اللبن الرائب أو صلطة الملفوف مع الخضروات إذا أرتيها ردي علي لأرسلها لك …..ولا تقطعيها فوراً بعد إخراجها من الفرن فذلك سيجعلها تفرط ولا تظهر القطع سليمة
أتمنى أن تكون الأكلة عجبتك ……بالتوفيق حبيبتي وإنشالله تنجح عزيمتك مع هل الأكلات الطيبة اللي عاملتيها ……..:clap:
 |
اقتباس |  |
 |
المشاركة الأساسية كتبها عروس الدوحه  |
 |
 |
| ماقلتي لنا شو سووووووووووووووويتي ووين صور عزيمه ههههههههههههه | ||
 |
 |
رااااااااااااااايــــــقة :dd::dd: