السلام عليكم …
حبيت افيد الاخوات بهالموضوع واتمنى ينال اعجابكم ….
بما اني اشتغل صوب حلوى شويطر قلت اصور ليكم الحلوى
كنت رايحة الدوام من وقت ومتمللة من الصبح انتظر يفتحون المكتب ..
فصورت ليكم هالصور
وهو محل : حلوى جاسم محمد شويطر …
وهو المحل الاول والاصلي في البحرين
ومع كثرت محلات الحلوى صرنا مانحفظ اساميهم …!
وطبعاً حلوى شويطر احلى حلوى بالبحرين احلى من الخلود والمروج وطبعاً أغلى
ويقع محل حلوى جاسم محمد شويطر … بسوق المحرق فرعين … وبالمنامة فرع …
وهذي الصور طبعاً إستأذنت المدير قبل ما أصور
وما أحلل أي احد ينسب الصور والموضوع لنفسه …
حيآكم ….
بإتجاهي للعمل كل يوم اشوف منظر الحمام وكأني في لندن
والغريب انهم ما يهربون اذا نمشششي …
حياكم لندن الصبح ههههههههههههه قصدي سوق المحرق الساعه 6 ونص الى 7 منظر الحمام روووووووعه ….
وللحين المحلات ما فتحت …. وانتظر يفتحون لييي المكتب …..
هذي القطوة من صباح الله خير متحججة … ابغي اطوف واقفة ليي !
الظاهر تبغي تضرب سلآم من كثر ما تشوفني
قلت اصورها .. تسلم عليكم …
ورحت آخذ بريك في محل الحلوى لين ما يجي افراج ويفتحون ليي المكتب
من الصبح يتم توزيع علب الحلوى
وهذي شكل العلب الجديدة
العلب البيضان اللي تحت تم إلغاءهم …. القديمين احلى من الشفاف عندي .!
هذلين العلب مجرد تراث شعبي صاروا
سمبوسة وزلابيا …
وهذي سمبوسة شويطر بالمكسرات …. طعمها روووووووعه….
اني ما كنت آكل هالسمبوسة كلشش قالت ليي الموظفة جربيها وبتغيرين رايش
وفعلاً لما أكلت وحدة قلت ابغي بعد
لانه البيت يشترون المعلب كلشش مو حلوو
هذا بالكيلو … الكيلو ب 6 دينار
وماشاء الله مايضل بالمحل الطلب عليه وااااااااايد ….
اتمنى تجربونه صددددق
وديت لربعي وللبيت وعجبهم عددددددددددددددددددددددل
طبعاً محل الحلوى مو بس فيه حلوى
فيه مكسرات و ماي ورد واعشاب و بهارات و مخللات …….
مجموعه من الحلويات المعلبة … اشكالهم روعه بصراحة بالرغم اني ماحب الحلويات
يالله تابع الصور للحلويات المعلبة ………
الرهش …
وسعر الرهش العادي دينار
والمقطع دينارين …. وفيه منه انواهع بالكاكو والمكسرات والدبس ….
المتآآآآآي
وفيه منه انواع وايد …..
جانب اخر من المنتوجات ….
هذا ركن الاجبان المخللة … عجيبه …
سعر العلبة 2 دينار
شوفوا فوق الكبت فيه
ماي ورد وماي زعفران وخل تفاح اصلي ….
سعرهم اعتقد 7 دينار !
وهذي منتوجات الاعشاب علب صغيرة للتوزيعات والهدايا
الكرتون اعتقد ب 2.500
هذي شكل الكارتون وفيه ماي اللقاح علب صغيرة للتوزيعات
والكويتين والسعوديين وايد ياخذون منه للهدايا
قسم للبهارات
وهذي صينية البهارات وفيه حجمين صغير وكبير
الصغار ب 4 دينار والكبار 6دينار …. اذا مو غلطانه
اني اخذت لي صينية كبيرة من اول ما تزوجت وللحين ما خلصو
ماعدا الكركم والفلفل الاحمر والاسود اللي خلصوو ….
وطبعاً اكرموني وضيفوني بحلوى وقهوة من الصبح
بصراحة رووووووووووووووعه ….
وفيه انواع للحلوى
السادة والعادية والعلوج والاميرية والملكية
…….
واخيراً جاء المدير وفتحوا المكتب
هذا مكتبي الجميل
اللهم صل على محمد وال محمد …
وانتظرونا بتقرير جديد … يمكن التقرير الجاي في الكفتيريا
اذا رحت اشتري لي سمبوسه من الصبح لين ما يفتحون هالمكتب
واتمنى عجبكم التقرير المصور …
واوقات الدوام لمحل الحلوى من 7 صباحاً الى 10 مساءاً متواصل
وأيام العيد الى الساعه 7صباحاً الى 3 صباحاً …
ونسألكم الدعاء ..
يبي لنا فره هناك
مشكوره ياقلبي ع التقرير الروعه
صج شهيتينا فيها… حلوى البحرين و ما أدراك ما حلوى البحرين!
عساج عالقوة F:
خطرتيني في الحلوى…و المتآآآي..t_____t
لما شفت العنوان توقعت المحل كله شوكولاتة وكعك
بس لما دخلت الموضوع تفاجئت جد جد شئ خيال
كله حلويات شعبية ,أشتهيتها والله ,
معمول ومخللات وبهرات حركااااات المحل دا
لو عندنا ما بطلع منه
أحب هالأشياء
تسلمي ياعسل على التصوير
سعدت لمروركم الموضوع **
مشكورة في انتظار تقارير جديدة
يعطيك العافية