اولا حبيت اشكر اختي هدوء على طريقتها الحلوه..
وانا جربتها وطلعت حلوه وسهله..
المقادير
بطاطس ( العدد حسب الرغبة والكمية الي تبينها)
مايونيز
جبن كاسات
صلصة البيتزا الجاهزة او تسويها بالبيت .. انا اذا ماعندي الجاهزة اسوي كاتشب مع فلفل اسود ويصير طعمها حلووو
خضار حسب الرغبة(طماطمزيتونفطرفلفل بارد واي شي تحبي تحطيه على البيتزا)
جبن موتزاريلا او تشيدر
الطريقة
1.تقشري البطاطس وتغسليه وتخليه يجف بعدها تقلينه في زيت حار ولما تشيلينه تملحينه وتصفينه في بايركس او صينية فرن حسب عدد البطاطس الي سويتيه او حسب عائلتك..
2. . تخلطي البيض مع المايونيز مع الجبن السائل (انا حطيت شوية خل وفلفل اسود علشان مايبين البيض زفر.. واضفت له جبن مبشور بعد).. وتصبي الخلطة فوق البطاطس المقلية..
3. تضعين صلصة البيتزا الجاهزة فوق الخلطة والبطاطس ( انا هنا اعتمدت الكاتشب مع الفلفل الاسود وحطيته فوقه)
4. تصفين الخضار على حسب الرغبة( انا كنت حاطة شرائح الفلفل البارد وفطر بس) وتبشرين عليها لاجبن او تضعين جبن الموتزاريلا..
5. تدخلينها الفرن ربع ساعه من تحت وبعدها تشعلي فوق علشان يذوب الجبن او يتحمر
وهذي شكل القطعه بعد ما قطعتها.. وطلعت حلوه.. والكل مدح فيها..
وفي النهايه بعد ارد واشكر اختي هدوء على تجربتها الحلوه..
لني انا ماخذه الطريقه من عندها.. واقول الها يزاج الله الف خير..
واتمنى كل من يدخل ويجوف التجربه ويجربها.. يدعي لاختي هدوء عليها..
تسلم ايديك وايدي اختك ياالغالية
وياهلا بك….
يعطيـج العافيـه
نتريا يديدج
ويزاج الله الف خير..