من زمااااان عن الركن
اليوم حبت لكم طريقة الـ Buffalo Wings الاصليه
هذا الطبق من المقبلات المشهوره في مطاعم فرايديز و تشيليز :shy:
وانا وايد احب هالطبق ،، واحياناً اكله واشبع منه وماطلب طبق رئيسي
عاد بمره قلت لازم اسويه بنفسي واتحدى هالمطاااعم
دورت و دورت و دورت ،، لقيت وايد وصفات للـ Buffalo Wings وكل وحده تختلف عن الثانيه والاختلاف الاكبر كان في سوس التغميس،، وانا ابي الطريقه الاصليه :shy:
لقيتها وعدلت عليها شويه عشان تضبط اكثر
مابوصف لكم اكثر ،، بعطيكم المقادير والطريقه بالصور
وانتوا جربوها واحكموا ،، وبعدين بتعرفون اذا يحق لي اتحدا او لا :angry:
بسم الله نبدي
نشوف اول شي مقادير التغميسه او الـ Dip
ملعقتين مايونيز
ملعقتين sour cream
ملعقتين حليب سائل
العشبه اللي تشوفونها اسمها chives وهي تنباع بهالشكل ،، تقطعين منها وتغسلين ووتقطعينه ،، بس لا تقطعين من الجذور لأنه لو تسقينه راح ينمو ويزيد :shy:
االمهم تاخذين شويه من الـ chives تغسلينه وتفرمينه وتاخذين منه ملعقتين
الجبنه المستخدمه هي الـ bleu cheese ،، وكل ماكانت كواليتي وزينه كل ما كان الطعم احلى
شوفوا شكلها من قريب
ناخذ نصها تقريباً ونقطعها قطع صغيره ونهرسها شوي بالشوكه ونظيف لها المقادير السابقه ونخلطهم زين مع بعض
تغلفينها ببلاستك وتحطينها في الثلاجه على الاقل لمدة ساعه قبل التقديم
الحين نشوف طريقة الأجنحه
تاخذين صحن اجنحه ،، في المجمد ،، انا لقيت صحن الاجنحه فرش ومو مجمده ،، اكيد بتكون احسن
خذي الكميه اللي تناسبج وتكفيج
تغسلين الاجنحه زين وتقطعينها من النص ،، يعني الجناح يصير قطعتين
مثل الصور
هذي قطعه
وهذي قطعه ثانيه
تقلين الاجنحه في الزيت
تحطينها على صحن مفروش بالورق عشان يمتص الزيت
الحين تحضرين الصوص اللي بتنقعين الاجنحه فيه
بنستخدم الفلفل
الطريقه الاصليه واللي الفلفل فيها مو حار والكل ممكن ياكله ،، يستخدمون Louisiana hot sauce
اذا تبين الفلفل حرارته شوي اكثر تستخدمين Tabasco hot sauce
ولمدمنين الفلفل الحاااااااااااار وايد يستخدمون Habanero hot sauce وانا هني اخلي مسؤوليتي :angry:
انا هني استخدمت التباسكو الحجم الصغير ،، اصبع زبده
تسيحين الزبده وتضيفين لها كمية التباسكو كامله وتخلطينهم مع بعض
تنقعين الاجنحه المقليه في الخليط وتقلبينهم عدل عشان يتشربون الصوص عدل من كل مكان وتشيلينهم
وبــس خلصناااااا :shy:
تحطين الاجنحه في صحن التقديم
طلعي صوص التغميس اللي حطيناه في الثلاجه وحطيه في صحن تقديم صغير ثاني (نص الكميه فقط حطيتها في الصحن في الصوره)
وقدمي معاه celery sticks او اللي نسميه كرفس
شرايكم ؟؟!! (f)
ويعطيج العافية على هالمجهووود الحلو
يعطيك العافية بجربها ان شاء الله
شكلها كتير طيبة
❤ اللهم اجعلني ممن توكل عليك فكفيتهـ و استهداك فهديتهـ واستنصرك فنصرتهـ ❤
ماشـــــــاالله
الله يعطيــــــــــج العافيـــــــــــــــه
شكراً لمجهودك يالغالية
القيوانيه
خساره حبيبتي ،، لاحظت ان موقع رفع الصور اللي استخدمته ما يفتح عند بنات الامارات
بحاول ارفعهم على موقع ثاني
والله يعطيج العافيه عى الأكلة الحلوة..وتسلم ايدج
وبالعكس اختي انا طالعه عندي الصور