اليوم يبت لكم طبق جربته امــــس وااايـــــــد سهل و لذيذ .. ينفع حق عقب الفطور مع جاي حمر وينفع على السحور .. وبــأي وقت بعد ..
ஐ أقــراص التوسـت بالجبــن ஐ
◊ المقاديـــر :
2 باكيت توست
زيت للقلي
◊ الحشوه:
1 باكيت جبن حلوم مراعي
نعناع مجفف حسب الرغبه ,, وتقدرون تقطعون زيتون اسود على ارباع ,, او تحطون اي حشوه انتوا حابينهاا
◊ خليط اللصق:
ملعقتين طحين
ثلاث ملاعق ماي
◊ التغطيه:
بيضتـــين مخفوقتين
2 كوب بقسماط
ஐ يالله نبلــــــــش ஐ
◊ نقص اطراف التوست ونفردهم بالنشابه .. تالي نقطعهم على شكل دوائر حوالي 5 او 6 سم .. ونحطهم بكيس بلاستيك او في صحن ونغطيهم بفوطه رطبه (افضل الكيس) علشان ما يصيروون يابسيــن ..
◊ نشتغل على الحشوه .. ناخذ مله ونقطع الحلوم قطع صغيره نفتتهم يعني ,, ونقلبهم مع النعناع او اي حشوه ثانيه اخترتوهاا ..
◊ خليط اللصق .. نخلص مكونات خليط اللصق لين يصير عندناا الطحين والماي سايليين نقدر نضيف ماي حسب الحاجه المهم مايكون عجين لا نبيه سائل شوي ..
◊ للتغطيه .. ناخذ البيضات المخفوقه ونحطهاا في مله عميقه شوي يعني نقدر نغمس التوست فيهاا ,, وفي صحن ثاني نحط البقسماط ونخليهم لين بعدين ..
◊ الحين نبلش بالحشو .. ناخذ التوسته ونحط على اطرافها خليط اللصق (مجرد الحواف لاتكثرون) وناخذ مقدار ملعقه او ملعقتين من الحشوه ونكودهاا بالنص .. الحين ناخذ توسته ثانيه ونغطي التوسته الاولى ونضغط على الحواف لين ما تلصق القطعتين على بعض ..
ملاحظه: لازم تتاكدون انهم لاصقين لاتخلون فجات مني والا مناك علشان ماتفجج عليهم بالقلاي !!
◊ ناخذ اقراصناا الحلوه ونغمسها بالبيض ,, بس ها لا تتشرب البيض مجرد يكون البيض مغطي كل مساحه القرص شيليه
◊ بعد التغميس بالبيض نغمسه الحين بالبقسماط لين ما تحسين ان خلاص مو مبيت التوست معاج ولا البيض يعطني full cover وبالنسبه لي كل ما زاد البقسماط كل ما كان الذ ..
◊ على ماتخلصين التغميس واللغلاقه تكونين مجهزه الزين في مقلاه عميقه واذا حسيتي الزيت صخن تبتدين تقلين 3 الى 4 حبات تقلبينهم بالزيت لين مايصير لونهم ذهبي ..
◊ ترفعينهم من الزيت على كلينكس علشان يمتص الدهون الزايده .. تالي تحطينهم في صحن التقديم .. ويفضل تقديمهم ساخنيين ..
◊ ملاحظه : تقدرين تحفظينهم عقب مرحله البقسماط في علبه بالفريزر ووقت ماتحتاجينهم تقلين منهم ..
طريقه سهله وطعم ايينـــــن انصحكم اليوم تسووونهم على السحور مايبي لهم شي
ஐ وهنـــــي وعافيـــــــــــه ஐ
شكله يشهي ماشالله .
بجربه أكيد 
يعطيج العافيـــة
فديتكم عاد يا اهل الكويت .. عيوني لكم ^.^
وتسلم يدينك…
ماشاء الله شكلها يشهي تسلم ايدك