اتمنى انها تعجبكم انا 3 مرات سويتها ليمن اضبطت 
لوووووووووووووووول
مقادير العجينه :
6 اكواب طحين ابيض – 1 كيس خميره فوريه ما يعادل ملعقه كبيره
3 ملاعق كبيره سكر – 6 ملاعق كبيره حليب بودر
1 ملعقه صغيره ملح – كوب الا ربع زيت – 1 بيضه
2 ونص كوب ماء دافيء
الحشوه :
جبنه الحلوم مع الطماط والزعتر – جبن الكلاصات السائله
طريقه عمل العجينه :
تخلط المقادير الناشفه -نحط البيضه المخفوقه + الزيت ونقلبهم
بالملعقه بعدين يضاف 2 كوب ماء بالتدريج مع العجن باليد او العجانه
ويضاف نص كوب المائ الباقي حسب العجينه ..
يعجن باليد 10 دقائق على الاقل
او بالعجانه 5 دقائق تقريبا ..
نحط العجينه في وعاء مدهون ونغطيها ونحطها بمكان دافئ لما تختمر .
ناخذ قطعه من العجينه نفردها على سطح مرشوش بالطحين ..
ونقطعها دوائر …
نكون طبعا مجهزين قوالب الكب كيك وحاطين القوالب الورق داخلها
ناخذ دائره من العجينه نرقها شويه باليد ونحطها بالقالب …
نغطي الحشوه بدائره ثانيه من العجينه ….
تسكر اطراف الفطيره بالشوكه ..او اطراف الاصابع ..
بعدين يدهن الوجه بالبيض المخلوط مع نقطه خل ونقطه زيت وشويه حليب …
ونرش الوجه بالسمسم او حبه البركه
ندخل القالب للفرن حتى ينتفخ العجين ويتحمر …
ممكن نحط بالحشو جبن كلاصات …
فطاير الكب كيك المحشيه بجبنه الحلوم مع الطماط والزعتر …
او المحشيه بجبن الكلاصات السائل أو بطاط وباذنجان مع طماط وبصل أو أو أو كله بكييييييفج …
ادعولي أقوم انا وبنوتتي بالسلامة….
وهني وعااااااااااااافية.
روووووعه مـــاااشاء الله
شكرا جزيلا حبيبتي بالعافية
حبيييييييييبتي بالعافية.
الله يسلمج حياتي
ياعيوووووني لأ مايسيح لان العجينة واايد زينة على جبن القلاص بس لاتكثريين لين الطفوح يعني بالمعقول…
وهني.