>>بالصور طبعاً<< رووووووووعه اللي بتسويها مابتندم 2024.

السلام عليكم بنات ..

اليوم جايبه لكم سلطه وايد حلوه .. كل من جربها وعجبته وحبيت تجربونها..

(سلطة الافكادو )

المقادير :

( ملاحظه هالسلطه ماتخلطينها هي عباره عن طبقات )

الطبقه الاولى

نص ملفوف مقطع شرايح طوال

1 لوبا حمرا معلبات

الصلصه :1 روب + شوية نعناع يابس + ليمونه + ملح نخلطهم مع بعض بالشوبك

نجيب مله او طاسه كبيره نظيف الملفوف وفوقه اللوبا الحمراء ونضيف الصلصه فوقهم

الحين الطبقه الثانيه :

3 طماط مقطع كبار +نص من كل نوع فلفل بارد كل الالوان مقطع مربعات كبار +1 جزر مقطع طوال + نص علبة نخي معلبات

الصلصه :2 افاكادو +ملعقة صغيره فلفل احمر بودره او بابركا + ليمونتين +ملح + شوية بقدونس نضعهم كلهم فالخلاط لين يمتزج الخليط يصير خليط لونه اخضر

نضيف الطماطم والفلفل الملون والجزر والنخي كلهم فوق بعض طبقات .. بعدين نحط الصلصه الخضره فوق الخضار

الطبقه الثالثه والاخيره وهي احلى شي :
4 صدور دجاج امريكانا الجاهز اللي يكون مغطى بالبقسمات تقلينه وتقطعينه مربعات .

نبشر 2 بطاطس ونغسلها بعد مابشرناها عشان يروح النشا
نقلي البطاطس في مقلاه غزيره فيها زيت يكون وايد عشان تشقر البطاطس عدل

نظيف قطع الدجاج على الطبقه الثانيه + البطاطس

وهذا شكلها من قريب ..

وهني وعافيه ..

بنات ابي ردودكم الحلوه عروس

بعد شوفو :tongue:مع انه التصوير مب حلو لانه من الجوال

يسلمو يا قمر على السلطه الرائعه
يا ريت تحطي الخطوات بالكامل
بس تستاهلي التمييز
ويعطيكي الف عافيه

ثانكس حبيبتي .. تسلمين كلج ذوق ^^

يعطيج العافية ع الطريقة

يا سلاااام على هالإبداع…

كأنج تدرين، توني شارية أفوكادو حق عليا، لكن هالمرة كثرت الكمية…

إن شاء الله الليلة بسويها مع العشا حق أهلي و بوريج التطبيق عروس

تسلم إيدج يالغالية و عليكم بالعافية (f)

V.NiCe ^^ عجيييييييييبه السلطه من قلب
كل يومين اقولها سويها لنا P: هع

رووووووعة ماشاءالله عليج

تسلميييين ياقمر على هالسلطه……

شكلها حلوه…… إن شاء الله راح أجربها …

الله يحفظك

ALMOON.. ربي يسلمج حبيبتي

DAISY ASH..فرحتيني والله .. ربي يعافيج انتظر تطبيقج فديتج … ربي يخلي لج عليا الله يحفظها ..

السفيره … الله يسلمج وانتظر تطبيقج حبوبه

وين ردودكم بنات زعلتوني ..

ماراح انزل باقي سلطاتي عروس

ياسلامي علييييج

شكلها لذيذة

يعطيج العافية ..

اترك تعليقاً

اترك تعليقاً إلغاء الرد