المقادير بالضبط:
كوب ماء دافئ
م ك خميره فوريه
8 م ك حليب بودره
نصف م ك بكنج بودر
ربع م ك بيكربونات الصودا
نصف م ك سكر
كوبين دقيق
طريقة العجن:
أذوب الخميره والسكر في كوب الماء الدفئ جيدا وأغطيهم حتى يتفاعلوا ويشكلو رغوه بالشكل هذا:
بعدها أضيف الحليب وأذوبه معاهم وبعدين أضيف باقي المكونات وأضيف أي نكهه حابتها
مثل أوريغانو أو بقدونس مجفف أو بودرة الثوم أو شبنت المهم يكون مناسب للحشوه ..
تعجنينها كويس وتاخذين وقتك في العجن لحد ماتسمعين أو تحسين فيها فقاعات بعدها
غطيها لحد ماتتخمر وهذا شكلها بعد العجن:
تبدين تحشينها باللي تفضلينه وتشكلينها بعدين تخلينها تتخمر أيضا بعد التشكيل بس
ماتطول وتفوح ريحة الخميره, تدخلينها فرن ساخن جدا وهذا مهم وتكونين عندها لاتنسيها..
وإذا حبيتي تخبزينها عالصاج تطلع أيضا طريه ولذيذه فيها ريحة خبز على شوي بالضبط زي الفطاير التركيه..
–
وهذي صورها بعد الخبز في الفرن طبعا الصور منوعه بأشكال مختلفه في أيام متفرقه لأني كنت كل ماأسوي شكل
أصوره حتى تجمعت:
اللي على جنب شكلتها في صينية الكوب كيك المدوره وحشيتها
جبن سايل مع بيضه وزينتها بالسماق قبل الخبز
وهذي الطويله بعد مادهنتها بالبياض رشيتها بجبنة بارميزان مبشوره وحشيتها بارميزان وموزاريلا وطماطم
مكعبات طلعت روعه وأحب حجمها يكون كبير يذكرني بالخبز الإيطالي
وهذي فطاير حلزونيه أحشيها بأي حشوه أفضلها بس ماتكون الحشوه كثيره
وهذي حشوه بجبن الحلوم بالنعناع والبقدونس
هنا أبدأ بمعجنات الصاج وأول شي بيتزا الصاج بشرايح الدجاج المحمر بخطواتها
هنا الصلصه:
إنقليها عالصاج المسخن مسبقا وراقبيها من تحت
إذا تحمرت رشي وجهها بالموزاريلا ودخليها الفرن تتحمر من فوق فقط وتذوب الجبنه
نجي لمناقيش الزعتر أطعم وألذ بمررررراحل من اللي بالفرن وطريه بشكل أخليكم
مع الصور هذي وهي عالصاج:
إذا تحمرت أشيلها وأحطها في صينيه وأدخلها الفرن تتحمر على خفيف من فوق
شوفو كيف إنتفخت بس مفرغه من جوّا
بنات جربوها لان العجينة شكلها روعة و انا بجربها اكيد و خصوصا البيتزا شكلها مثل دومينوز بيتزا و دعواتكم لي و لاولادي و زوجي الله يعافيكم
وربي يحفظك لك زوجك وعيالك يارب
في انتظار الوصفات القادمة
الله يعطيكي الف عافيه
معلش بس انا ليه سؤال
يعني ايه الخبز على الصاج ؟؟؟