شخباركم أخواتي العرايس…
مثل ما شفتوا بالعنوان… إن شاء الله راح أسوي ملف للشوربات المفضلة عندي… بعضها من أختراعي و بعضها مجربتها من كتب طبخ متنوعة… و في كل مرة بحط شوربة وحدة بس عشان ما يصير زحمة بالموضوع 
و جبت اليوم شوربة لذيذة و مفضلة عندي خصوصاً برمضان… هي مقاديرها شوي كثيرة، بس النتيجة تستاهل…
نبدأ بسم الله…
هذي الكمية تكفي 6 أشخاص…
في قدر عميق نحط:
ملعقة كبيرة زبدة أو سمن
بصلة كبيرة مفرومة
فصين ثوم
ملعقة كبيرة زنجبيل طازج مفروم
2 ورق غار
ملعقتين صغار بذور الخردل، و هذي صورتها للي ما يعرفها
نذوب الزبدة، بعدين نضيف لها باقي المقادير و نحركهم لحد ما يتحمرون…
بعد كذا نضيف لهم البهارات:
ملعقة صغيرة كركم
ملعقة صغيرة كمون
ملعقة صغيرة كزبرة ناشفة
فلفل أحمر بودرة حسب الرغبة
نحركهم مع بعض لمدة دقيقة… بس لين تطلع ريحتهم…
بعدين نضيف عليهم:
نص كوب عدس أصفر
حبة بطاطس وسط مقطعة مكعبات
مكعب ماجي
5 أكواب ماي
نغطي القدر و أول ما تبدا الشوربة تغلي، نخفف الحرارة و نخليها على نار هادية تقريباً ربع ساعة أو لحد ما يستوي البطاطس…
الحين نجهز هذي المقادير:
-كوب سبانخ طازج مفروم… وتقدرون تستخدمون المثلج، بس لازم تعصرونه زين عن الماي أول
-ملعقتين كبار مركز التمر الهندي، أو ملعقة كبيرة معجون التمر الهندي مذوية في ربع كوب ماي ساخن
ثلاثة أرباع كوب بودرة حليب جوز الهند مذوب في كوب ماي مغلي
بعد ما يستوي البطاطس، نضيف له السبانخ… و نحركه شوي…
بعدين نخلط الشوربة بالخلاط الكاس، و طبعاً ما ننسى نشيل ورق الغار أول…
نرجع الشوربة للقدر، ونضيف لها التمر الهندي و حليب جوز الهند…
نحرك الشوربة لحد ما تسخن زين بدون ما تغلي، بعدين نقدمها…
إن شاء الله تكون عجبتكم و بالعافية عليكم
وشوربتك شكلها لذييييييذه تسلم ايدك
وبما اني اول وحده ترد بروح اجيب ملعقه واجي واشرب الشوربه اللي في الصحن قبل لا تبرد
عليج بالعافية الشوربة، بس شوي شوي تراها حارة
بانتظار الانواع القادمة
جعلها الله في ميزان حسناتك
غاردينيا
يا هلا فيكم أخواتي…
أسعدني مروركم الحلو
اختك ام رشوودي
😮 ماشاء الله
شكله مشهي و لذيذ
يعطيك العااافية ياغاليتي
 |
اقتباس |  |
 |
المشاركة الأساسية كتبها دااانه2007  |
 |
 |
| مشكوووره اختي على هالشووربه وتسلم يدينك اختك ام رشوودي 😮 |
||
 |
 |
الله يسلمج حبيبتي و حياج الله أختي أم رشودي…
حيت رشودي لأن اسمه على اسم ولدي
|
اقتباس | |
|
المشاركة الأساسية كتبها ^ السفيرة^ |
|
|
|
ماشاء الله شكله مشهي و لذيذ يعطيك العااافية ياغاليتي
|
||
|
|
الله يعافيج أختي السفيرة…
نورتينا