ازيكم يا أحلى بنات؟؟؟؟؟
جايبلكم طبق مصري اسكندراني و أتمنى إنه يعجبكم و إن شاء الله يكون بداية لملف أكلات مصرية. يعني اللي عاوزة منكم أكلة مصرية تدخل و تطلبها و أنا و أي أخت مصرية تانية نكتبها لكم، ايه رأيكم في الفكرة دي؟؟؟ لو عجبتكم ردوا عليا و أطلبوا الأطباق اللي أنتم عاوزينها.
طبق اليوم
الكبدة الاسكندراني
=================
المقادير
========
12 ك كبدة (طبعا الكميات ترجع لكل واحد)
3 بصلات وسط
3 حبات فلفل رومي (بارد)
2 حبة طماطم
ملح و فلفل أسود و بهارات
فصين ثوم مدقوقين
ملعتين كبار صلصة طماطم
12 ملعقة خل
زيت ذرة
الطريقة:
========
تقطع الكبدة مكعبات صغيرة. يقطع البصل كالاتي: كل بصلة تقطع أربع إرباع و بعدين تقطعيها شرايح رقيقة نوعا. الفلفل برضه يقطع نصفين و بعدين شرايح رقيقة. الطماطم برضه نقطعها اربع ارباع و تقطع شرايح رقيقة.
نجيب الطاسة التيفال و نضع فيها الزيت لكن مش كتير ممكن ملعقة طعام أو اتنين. نضع البصل و نقلب حتى يذبل و لكن لا يصفر ثم نضيف الفلفل و نقلب حتى يذبل الفلفل كمان ثم نضيف الطماطم مع التقليب حتى تختلط بالباقي. ثم نضيف الكبدة و نقلب و نتبلها بالتوابل المذكورة. أما الخل و الصلصة و الثوم الدقوق نخلطهم مع ذرة سكر و نقلبهم كويس لحد ميبقى عامل زي الكاتشب و نضيفهم الى الكبدة بعد نضجها و لو محتاجة نقطة ميه ممكن نضيف شوية لكن الأفضل نسويها على نار هادية تقوم الكبدة تنزل المية اللي فيها و لا نحتاج مية من برة. و تقلب ثم تطفي النار. و تؤكل مع الخبز و سلطة الطحينة (الهردة) و السلطة الخضراء.
و بالهنا و الشفا :shy:
عروستنا الغالية amaladel
يسلموووو ألف شكر لج
يالله يالله مدام هو حار
لازم اول واحدة تدخل وتقولك تسلم ايديكى تكون انا
بنت بلادك:shy:
تسلم ايديكى
انا من زمان عايزة اعرف اية الكبدة الاسكندرانى
الطريقة شكلها شهى اوى
الف شكر على مشاركاتك الحلوة
الله يسلمك gazala . شكرا على مرورك يا غالية. لكن أنا مش عارفة ايه أسكندر الكباب ده، ده اسم الاكلة دي عندكم؟؟ احنا الاكلة دي أكلة مشهورة قوي في المطاعم عندنا و اسمها مأخوذ من مدينة الاسكندرية، لكن معرفش الاسم التاني اللي ذكرتيه ده. المهم تكون عجبتك يا غزالتنا :shy:
تحياتي
عروستنا و حبيبة قلبنا حبيبة (بلدياتي بقى و لازم أدلعك!!!!)
الله يسلمك يا قمر. ألف شكر على مرورك و الحمد لله انها عجبتك و لما تجربيها بقى لازم تقوليلي رأيك فيها عملي!!!
تحياتي
سامحيني يا حبيبتي حبيبة
ماكانش أصدي أسبأك واللهي
بس انا وانتي واحد وإلا ايه رأيك
مانا بلدياتكم كمان بس من بلد تانيه
:cool2:
ان شاء الله لهجتي تكون عدلة بس ولا اتفشل
أمولة
هذي اسم اكله عندنا وفي اغلب المطاعم تلاقينها
هي عبارة عن لحم مقطع صغار وروب وصلصة حمرة وأشياء وايد فيها
بس الصراحة لذيذة وايد
أبأي جربيها حتعجبك أوي
وعليكم السلام ورحمة الله وبركاته
مـــلاييييييين مـــرحــبــا amaladel
ومـــشـاركــة حــلـوة ومــن أحــلـى عــروس
بـارك الله فــيــج
وبـانتـظـــار الـمــزيــد مــنـــج ان شــاءالله,,,,,,,
ويــا هــلا فــيـج غـالـيـتـــي
بصراحة من الوصف … شايفاها اكلة كده
راح انقلها … واجرب اسويها ….
بس ان شاء الله اعرف اسويها عدل :shy:
تسلمين ياالغالية
حبيبتي غزالة يا أحلى بلديات :cool2: ايه المصري الحلو ده؟؟ ما شاء الله شطارة في الانجليزي و المصري و المطبخ، دانتي موسوعة متكاملة
شكرا على وصف اسكندر كباب و باين عليه أكلة حلوة قوي!
تسلمي على مرورك يا غالية