بمــــــا اني عليميه بالطبااااااااخ واعترف في ذالك … بس الغربه تخلي الواحد ينجبر انه يطبخ *_*
مشالله علي صرت اعرف اسوي عيش مشخول خخخخخخخخخخخ ودجاج بالكريمه الحين قلت دام اعرف اسوي عيش مشخول .. لازم اتعلم اسوي مرق بطاط … ابي اشياء سهله حق الغداااااا لأني مليت كلا من برا والفاست فود مو صحي 
ومليت من المقالي … علمــــــــــــــــــــــــــــوني مرقه البطاط بطريقه سهلـــــــه وسريعه وذا في مرق نوع ثاني سهل ماعندي مانع إني اتعلم *_*واكــــــــون شاكره لكم
وتسلمـــــــــــون انشالله تردون علي ماتطنشووووووني
للامانة ما جربتها بس دورتها من النت عشانج 
المقادير
– 3حبات بطاطس
– 2بصل
– حبه كبيره طماطم
– ملعقتين كبيرتين زيت
– البهارات ( نصف ملعقه فلفل اسود + ملعقة ملح + ربع ملعقة كركم + ملعقة بزار )
– ملعقتين كبيرتين صلصل
– كوب ماء
الطريقه
– نقطع البطاطس على شكل مكعبات صغيره
– ونقطع البصل شرائح صغيره
– نقطع الطماطم مكعبات صغيره
خطوات العمل
– نضع البصل في القدر والزيت ونضعه على النار ونقوم بتقليبه الى ان يحمر البصل
– نضع البطاطس ونقلبه قليلا
– ثم نضيف الطماطم ونقوم بتقليبه
– ثم نضيف البهارات جميعها
– ثم نضيف الصلصل والماء
– نضعها على نار هادئه حتى يستوي البطاطس لينا
ممكن تغيرين او اضيفين اي شي تبينه ..
عاد صلصل مافهمتها شنو بس حطيت معجون طماط بدالها ههههههههه حتى البزار مافهمتها حطيت بدالها ملعقه بهارات مشكله عاد الازم الواحد يخبص شوي لمن تطلع الطبخه ok
صلصل يعني صلصة معجون طماط
اخذيلج فرةة في النت في قسم الاطباق وشوفيلج
شي بسيط وسهل وانشالله تكونين طباخة درجة اولى
عندي لك طريقه سهله مررره ولذيذه ودايم اسويها مع الرز المشخول
المقادير :
بطاطس
بصل
زيت
فصوص ثوم
صلصه ( معجون طماطم )
ملح – فلفل اسود
ماء
الطريقه :
أول شي نقطع البصل مكعبات صغيره مررررره عشان ما تكون باينه بالمرق ….
نحط البصل في قدر يكون صغير شوي مع شوية زيت …
بعدين نفرم فصين أو ثلاثه ثوم ونحطهم على البصل والزيت الى ان تحسي ان ريحة الثوم طالعه ….
نقشر البطاطس ونغسله زين بعد التقشير بعدين نقطعه مكعبات تكون صغيره .. ونحطها على البصل والثوم ونقصر النار شوي نخليه على نار هاديه ونغطيه ….. نخليه خمس دقايق
نفتح غطاء القدر ونشوف اذا البطاطس تغير لونه شوي وصار رطب ولين شوي … نحط عليه رشة ملح وشوية فلفل اسود وملعقه كبيره صلصه ( معجون طماطم ) …. ونغطيه شوي وهو على نار هاديه ونخليه خمس دقايق ….
بعدين نحط تقدريبا ً ثلاث أو اربع كاسات ماء … ونعلــّـي النار ونخليه يطبخ من ثلث الى نص ساعه عشان يكون مرق ثقيل شوي ….
ملاحظه : وشلون تعرفين ان البطاطس ناضج ؟؟ واخذ حقه من الطبخ ؟؟؟ …
جيبي ملعقه أكل وخوذي لك قطعه وقصيها بسكين اذا انقصت بسهوله ولونها ابيض من داخل يعني خلاص البطاطس استوى ….
وبالعافيـــــه عليكم يا Big Smile
يعطيج العافيه ام علي مشكوره والله ياحبي حق اهل القصيم *_* مره طيبين