انا انهارده جيبلكم طرية عمل اكلتى المفضله:21_92:
وهى الأرز بالكبده
المقادير:
نص كيلو كبد بقر
بصلتين مقطعين شرائح
3 او 4 حبات فلفل لخضر وممكن تستخدموا فلفل اخضر حار (حسب الرغبه)
وشوية بقدونس مفروم خشن
الطريقه:
نجيب الكبده ونغسلها كويس اوى بالماء والخل
بس ما تسيبوش الخل علها لمده طويله لانها مش بتستحمل
نقطع الكبده قطع صغيره
نجيب اناء ونحط فيه شوية زيت ونحط معاه البصل ونسيه شويه لحد ما يذبل
نحط عليه الكبده ونحط علهم شوية ملح وفلفل اسود
انا بحب احط عليهم قرفه وبكترها شويه لأنها بتعمل طعم رائع ورائحه أروع
وبحب احط بهارات وشوية زنجبيل صغيرين
نسيب الكبده شويه على النار لحد ما لونها يتغير ويصير أفتح
وتصير طريه اكتر من الأول
وبعدين نحط عليها الفلفل الأخضر و نسيبها
اول لما تقرب تستوى خالص نحط معاها البقدونس ونسيها لحد ما تستوى خالص
الأكله دى بيتعمل معاها أرز ابيض
وطريقة عمله سهله
نجيب 3 كوب أرز من المصرى العادى
نحط فى الأناء شوية زيت و بعدين نغسل الأرز كويس ونحطه فى الأناء
نحط عليه شوية ملح ونقلبه
اهم حاجه وانا جربتها ونجحت معايا علشان الرز ما يتحرقش هى
نوطى النار من الاول ونقلبه كل شويه واذا زودنا الزيت شويه يكون احسن(y)
وطبعا كلنا عارفين ان احنا هنعرف ان الأرز استوى لما يتشرب الماء كله ويطرى
و ما تنسوش طبعا السلطه دى اهم حاجه
الأكله دى تكفى أربع اشخاص
يارب ما اكنش طولت عليكم وعلى فكره دى كانت اول مشاركه ليا بموضوع جديد
ويارب ما يكونش متكرر واتمنى تجربوها
وأمانه عليك تدعولى انا وأسرتى كلها بالتوفيق والصحه واليسر
وماتبخلوش عليا بردودكم الحلوه
مشكوره ويعطيكي العافيه
تسلم الايادي يارب
:
: