مرااااااااااااااااااااااحب حبيباتي مجدداا ودااائما بإذن الله … إن شاء الله ياربي اتكونون كلكم بألف خير وعافية …
اندش في الموضوع دوووووووووغري..
هذا غداي سويته البارحة وهي صيادية الروبيان بس والله العظيم إنه الطعم جناااااااااااااااان من الخاطر واللي اتفكر اتسويها تمشي عالكلام اللي راح أكتبة بالظبط وبإذن رب العالمين راح تظبط معاها
ماراح أحط صور للمقادير ====>>> الإخت متعايزة
بس الطريقة راح أراويكم إياها يالله نبدا ونقول بسم الله الرحمن الرحيم وهذا السر في حلاوة طبخاتي البسملة 🙂
أولا
المقادير:
– روبيان طاااااازج منظف
– بصلتين كبار وممكن اتكثرين قطعيهم شرايح طولية
– 3 أكواب رز
– علبة صلصة طماطم
– بهارات مشكلة + ملح+ هيل مطحون+وجرفة مطحونة+ جرفة خشب ومسمار
– مقدار ماء تقريبا 5 ونص لطهي الأرز
– بصل مقطع شرايح طولية انرش عليها اشوية ملح وطحين ونقليه للزينة
الطريقة:
– نغسل الروبيان جيدا وانرش عليه ملح وخل عسب انشل ريحة الزفارة عقب انغسلة عدل وانحط عليه اشوية ملح ونقليه بالزيت
– انقلي البصل وكثري منه لأنه يخلي طعم الأكل جوناااااااااااان خليه لين مايصير لونه كراميل
– ضيفي الثوم وشوية هيل ناعم وعلبة الصلصة وخليه اشوي
– ضيفي الروبيان المقلي عليه وظيفي اشوي من ماي الروبيان وخليه مدة خمس دقايق ع نار هادية ومغطاي لين الروبيان يتشرب الصوص
– عقب انشيل الروبيان مع اشوي من الصوص وانخليه ع جنب
– انظيف الجرفة الخشب والمسمار والملح وعقب انحط الماي وعقب العيش وأول مايغلي انخف ع النار لآخر شي ونغطيه
– بعد ماستوى الرز انظيف اشوي من الهيل المطحون والجرفة المطحونة ونتركة اشوي لغاية ماناحظ إنه حبة الرز صارت مايلة اشوي
عقب انقلب الرز ونغرفة في الصحن ونحط فوقة الروبيان وانظيف البصل المقلي
وترارااااااااااااااااااااااا هذي هي صيادية الروبيان يمييييييييييي وربي لذيذة
وممكن انسويها بسمك الكنعد بعد ما انقطعة قطع صغير وانملحة ونقليه وبنفس طريقة الروبيان يطلع عذاااااااااااااااب
لاتروحون بعيد لسة باقي الصوص ولاحد يرد رجاءا
الحين راح أعلمكم طريقة الشطة
المقادير
– قرون فلفل ع حسب ذوقج
– حبتين طماطم
– نص ليمونه
– اشوية ملح
– فص صغير ثوم
الطريقة
نخلط جميع المقادير في الخلاط
واستمتعي بأحلى شطة:wink:
وهذا الشكل النهائي للصيادية مع الشطة
وهذي صيادية السمك
وفي النهاية وكالعادة أتمنى من جميع المتواجدات في هالموضوع يدعولي إن الله يوفقني وأتوظف ف الخارجية آآآآآآآآآآآمين :21_8:
واللي يعجبها غداي لاتنسى التقييم ياحلوات
ودمتم بألف عافية:15:
ماشاءالله رررروعة يشهيني
يم يم
يعطيك العافية ياغاليتي
اي والله جد عذااااااااااااب
الله يعطيك العافيه يارب
بانتظار جديدك
