طقم الفرش الي يستخدمونه خبراء ماك ؟ حصصصلته!! 2024.

مررحبا يا عرااايس شلوونكم و شخباركم؟

اليوم موضوعي عن مجموعة فرش شريتهم .. و قلت لااازم أراويكم لأنه الاغلبية بالمنتدى من عشاق ماك .. لوول

المهم .. الفرش اللي شريتهم مو مثل أي فرش عاديين … أهمه طقم يحتوي على 18 قطعة!! و مصنوعين من شعر الماعز الطبيعي

الفرش رووعة رووعة رووعة .. و نعومتها ماشاءالله لا تصدق .. الحين انا عرفت سر حبكم لفرشهم!! 😉
الفرش هذه شريتها من وحدة عندنا بالكويت و قبل لا أشتريها سألت عن الطقم بالمنتدى و سألت الموظفات بمحل ماك نفسه عن سعرهم الاصلي لكن ما لقيت عندم اجابة لانهم ما ييبعون هالنوع من الأطقم

الصراحة قبل لا أطلب واايد ترددت .. لاني ما أحب الشي اللي مو أصلي و خايفة انه الجودة ما تصير نفس الاصلية!! لكن بالنهاية توكلت على الله و طلبتهم

و طبعا لانه الفرش طبق الأصل لذلك كان السعر خيييالي … و جدًا جدًا مناسب .. و جودة الفرش ما تفرق عن الاصلية … خصوصًا اني رحت للمحل و جربت فرشهم و قارنتهم باللي عندي .. و فعلا حبيتهم و عرفت انه فلوسي ما راحت خساارة .. و واضح انه الشعر طبيعي 100%

أخذت جم صورة للفرش بالموبايل .. و الصور صج صج ظالمتهم لانه الكاميرا خربانة هاليومين .. و ما بغيت أأجل الموضوع

و الصورة الأخيرة فيها وظيفة كل فرشاة من الـ 18

الطلبية كانت عبارة عن 18 فرشاة + محفظة جلدية روووعة
هذه صورة المحفظة مسكّرة

و شوفو اللوقو مال الماركة

و هذه صورة الفرش من قريب بغلافهم البلاستيكي .. أثبت لكم انها يديدة :dd:

و هذه الصورة المهمة وظيفة كل فرشاة .. تتبعوا الأرقام من اليمين الى اليسار

1- فرشاة البودرة الكبيرة: تستخدم لبودرة الوجه كله, ناعمة و مناسبة لتوزيع البودرة على الوجه و تصلح للبرونز بعد لانها كبيرة
2- فرشاة البودرة متوسطة الحجم: تستخدم لتوزيع اللوز باودر و البودرة المضغوطة على الوجه و يمكن استخدامها لوضع البلشر
3- فرشاة الكونتور الكبيرة: تستخدم لتحديد الملامح بالبلشر بطريقة احترافييه مثل الخبراء.
4- فرشاة صغيرة للبيس او الفاونديشن مصنوعة من جلد الماعز: ممتازة لتوزيع البيس و الأساس بشكل احترافي, و هي صلبة نوعًا ما.
5-فرشاة الكونسيلر
6- للشدو أسفل العين و الكحل الكريمي.
7- فرشاة كبيرة للشدو مصنوعة من شعر الماعز: لمزج و توزيع الاي شدو. ذات شكل دائري مسطح
8- فرشاة تدرج الشدو المربعة: لتمويه و توزيع الوان الشدو مع بعض بأسهل الطرق, و مناسبة للشدو البيجمنت.
9- فرشاة للشدو الكريمي
10 – فرشاة اضاءة عظمة الحاجب
11- فرشاة ازالة الفائض من المكياج اللي شكل المروحة
12- للكحل الكريمي

13- فرشاة رسم الحواجب
14 – فرشاة الشفايف
15- فرشاة الايلاينر السائل
16 – اسفنجة الشدو العادية
17- فرشاة الماسكارا
18- فرشاة ترتيب الرموش و الحواجب

أتمنى يكون موضوعي الخفيف عجبكم 🙂 و ادعولي أتهنا بالفرش اليديدة …