مكرونه بالتونة سهلة ولذيذة 2024.

النهاردة عملت مكرونه بالتونه لان قبل العيد بنكون خلاص زهقنا من اللحوم وعايزين نفصل شوية عشان لحوم العيد

كل سنه وانتوا طيبين ويارب يكون عيد سعيد علينا كلنا

هنحتاج
علبة تونه وزيتون اسود وفص توم وطماطمتين ومشروم وربع مكعب ماجي وملح وفلفل اسود وربع معلقة اوريجانوا

وطبعا المكرونه
اي نوع مكرونه مسلوقة

هحط حله على النار واسخن معلقتين زيت زيتون وابشر الطماطم واضيفهم واخليها تتسبك شوية واضيف فلفل اسود واوريجانوا وملح

بعد كدة اضيف التوم والمشروم وربع مكعب الماجي ونخليهم 4 دقايق تقريبا يستوا

هحط التونه واسيبها دقيقتين

وبعدها الزيتون الاسود المقطع

ونضيف المكرونه ونغطي ونسبهم 3 دقايق على نار هادية وبقت المكرونه جاهزة

نغرفها ونزينها بشرايح الجبنه

يارب تعجبكوا

تسلم ايدك ياناني
بس ياترى اخبار طعم التونة مع المكرونة ايه؟
انا بفكر امشي نفس الخطوات بس استبعد التونة

تجهيزات بنوتي ربنا يجيبهالي بالسلامة يارب

تسلم ايدك

(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ)

تسلم ايدك ياناني

تسلم يدينك يارب

تسلم ايدك يانانى ماشء الله شكلها طعمها يبقى تحفه

تسلم ايديك الحلووه..
يعطيك الف عافيه..

تحياتي..

تسلم ايدك ياقمر وبالهنا والشفا

التووووووووووووونه مع المكروووووووونه تحفففففففففه اوووووووووى
بجد راااائعه
انا بعملها يا نااانى كتيير جدااااا وبتبقى تحففففه وبحطلها جبنه رووومى
تسلم ايديكى يا قمر