اللزانيا اللذيذة الشهيه باللحمة وصوص البشاميل بالخطوات المصورة *.* 2024.

النهاردة جايبلكم وصفه لذيذة و شهيه و مميزة اتمنى تعجبكم

((اللزانيا بالحمة وصوص الباشميل ))

نبدا بسم الله

اول حاجه نجيب الفلفل الرومى الملون اصفر احمر اخضر و نشويه على الفرن بالطريقه دى

و نخلى بالنا اننا نشويه من على كل الجوانب بتاعته

و بعدين نحطهم فى طبق و نسيبهم يرتاحه و يبردوا عشان يكون سهل اننا نشيل القشر اللى اتحرق

و بعد ربع ساعه نجيب الفلفل بتاعنا و نبتدى نشيل القشرة بتاعته و لما نخلص شيل القشر نغسل الفلفله بالمياه عشان ميكونش فىاى قشر و لا اى طعم مرارة من الشوى

و بعد كدة هنشيل طبعا البذر اللى جواها و يبقى معانا بشكله الرائع دة

و بعد كدة نحضر صوص البشاميل و اللى مش تعرف ازاى تعمل بشاميل منكن تستخدم بشاميل ماجى أو كنور

بعد كدة بناخد نص البشاميل فى حله تانيه و نضيف عليها اللحمه المفرومه المعصجه و اللى ماش بيعرفش ازاى يعملها اللحمه عبارة عن (بصله و فص توم و لحمه مفرومه و ملح و فلفل بتسوه كلهم على نار هاديه)

و

النص التانى من الباشميل نضيف عليه الجبنه و اختارى الجبنه اللى تعجبك (شيدر -بارميزان-موتزريلا-جبنه رومى) اللى يريحك عشان نديله طعم غنى و لذيذ.

و دولوقتى نجيب صنيه بايركس و نبتدى نعمل طبقات اللزانيا اولا نبدا نحط اللحم بصوص البشاميل من تحت

و بعدين نرص وحدات الزانيا جنب بعض بالعرض

و نحط طبقه تانيه من اللحمه

و نقطع الفلفل المشوي ترنشات رفيعه و نحطها فوق اللحمه

و بعد كدة نضيف الباشميل اللي سوينا فيه الجبنة على الوش و دة شكلها قبل ما تدخل الفرن

.

و دة شكلها بعد ما خرجت من الفرن ايه رايكم مش تجننننننننننننننننننن بالف هنا