المقادير اللي بتلزمني للمجدرة هي كالتالي
كل كباية عدس بدها كباية ونص رز وملح حسب الرغبة وزيت درة مشان نقدحلهم
اول اشي بنجيب العدس وبنسلقه لحد ما يستوي تماماً
وبس يستوي العدس منيح متل ما انتو شايفين ويصير بهالشكل
بنضيف عليه الرز والملح وميا للارز بحسب الكمية اللي احنا عاملينها
[IMG][/IMG]
وفي ملاحظة مهمة بس نضيف الميا والرز ع العدس بنخلي النار عالية لحد ما يغلي وبعدين بنوطي النار عليهم لحد ما يستويو تماما
في اثناء ما بستويو بنأشر بصلة وبنأطعها جوانح وبنئليها بزيت الدرة
وفي شغلة مهمة بس تستوي المجدرة تماماً بنجيب شوية من زيت الدرة اللي ألينا فيه البصل وبنحميه منيح ع النار بعدين بنديره ع المجدرة مشان تتفتح وتصير الها نكهة ألز
بعدين بنقدمه مع السلطة واللبن وصحة وعافية وهي صحن الكم حبيباتي في عروس وبتمنى يكون عجبكم وتجربوه وتحكولي رأيكم ..
انا دايما اسمع عنها….
يعطييييك الف عافيه حبيبتي
بس عندي سؤال
لازم رز مصري؟ وكم مقدار المويه لكل كاس رز مصري
ولا عادي اعمله بالرز اللي حبته طويله؟
ومعليش حبيبتي^^
ْْاللهم إني أسألك الأنس بقربكْْْ
لا طبعاً مش لازم رز مصري ممكن تعمليه برز البسمتي الطويل ومافي مشكلة
بالنسبة لعيار الميا بس تستوي العدس وتضيفي الارز خلي الميا تكون أكتر من الرز والعدس مقدار عقلة الاصبع وان شاء الله هيك بزبط معك تمام
والله يعطيكِ العافية
حلوة وخفيفة تسلم يدك يا أحلى نور
ويعطيك العافية يارب
و تستاهلين أحلى تقييم