مكياجي الجديد الخفيف << الكل صار يقول لي محلوة لما اعتمدته 2024.

كيفكم عرايس؟؟ ان شاء الله طيبات

هذي اول مرة احط صور لمكياجي او طريقتي فاتمنى انكم ما تحطموني

انا من النوع اللي يحب المكياج الخفيف على البنات الصغار لان الثقيل يشينها اكثر من انه يجملها

فراح اوريكم طريقتي اللي ما تاخذ 10 دقايق و تطلعين حلوة و مرتبة و على الموضة بعد

اول شي الادوات اللي استخدمتها هي:

1- بلشر زهري من ANNA SUI و رقمه 301

2- كحل سائل من GUERLAIN

3- روج أحمر من MAC اسم اللون RUBY WOO

4- قلم كحل من DIANA OF LONDON <<< فيه فيتامين E

5- بودرة مضغوطة من SEPHORA رقمها R 35 <<< فيه SPF 10

6- شدو فاتح من ESTEE LAUDER اسم اللون AUBURN-01-LIGHT

7- بودرة تعبئة الحاجب من BODY SHOP رقمها 03

8- شدو فضي من MAC اسم اللون LUSTRE

و هذي الفرش اللي استخدمتها:

1- للبلشر

2- للشدو تحت الحاجب

3- للشدو على الجفن المتحرك

يلا نبدأ بالخطوات:

طبعاً اول شي تسوينه هو انك تنظفين وجهك و ترطبينه بعدين تحطين البودرة المضغوطة على كامل وجهك حتى على الجفون و الشفايف << عشان يقعد اللون

حلاة بودرة SEPHORA انها تجي مع اسفنجة من طرفين طرف للتغطية الخفيفة و طرف للتغطية الثقيلة

بعدين ما حطينا البودرة على كامل الوجه <<< طبعا انا ما استخدم كريم اساس فراح نعتبر ان هذي البودرة هي الاساس

نجي للخطوة الثانية اللي هي: نحط الشدو الفضي على الجفن المتحرك

بعدين نحط الشدو الفاتح تحت الحاجب و على الجفن الثابت

بعدين نرسم الحواجب و بقلم الكحل نرسم حط على منبت الرموش بس نثخنه شوي و لما نقرب لاخر العين نسحب الكحلة بعد ما نسوي هذي الخطوة راح نرسم فوق قلم الكحل بالكحل السائل

طبعا ما ننسى الماسكرا بس انا لاني قاعدة اشتغل على ورقة ما حطيت ماسكرا << انا ماحطيت صورة الماسكرا لانها مو عاجبتني و قاعدة ادور ماسكرا كويسة

بعد كذا نحط البلشر

و بعد الروج,, طبعا قبل نحط الروج نرسم الشفايف بالمحدد اللي يناسب لون الروج

و هذا هو الشكل النهائي

نصيحة لتثبيت الروج: حطي زي ما قلت لك اول البودرة المضغوطة او الاساس عليها بعدين حددي شفايفك و لونيها بالكامل بالمحدد بعدي حطي الروج اللي تبين بعدين جيبي منديل و حطيه على شفايفك عشان ياخذ اللون الزايد بعدين ارجعي حطي شوي من الاساس او البودرة و فوقها طبقة ثانية من الروج و ان شاء الله ما راح يروح