وفي كل حي ما يميزه عما يميزه وفي كل شارع ما يميزه وفي كل بيت مايميزه أيضاً وفي كل شخص ما يميزه عن غيره حتى الأصابع
في يد الإنسان تختلف عن بعضها البعض وتتمايز وهذه سنة الحياة ..
فلسطينية أنا من مدينة غزة التي أراها في ناظري تتميز كثيراً عن غيرها من المدن وطالما أننا في صفحة تهتم في المطبخ فسأخبركم
عما يميز مدينتي في هذا الجانب ،، هي أكلة فريدة ومميزة ليست كأي أكلةٍ أخرى ،، لا يعرفها أحد في كل العالم سوى أهل غزة فقط ..
السماقية لها نكهة خاصة وتقاليد خاصة في صنعها ولايتقنها كل النساء ،، كما أنها تقدم في العيد وفي الأعراس غالباً
ولخصوصية هذه الأكل وجمال طعمها ومذاقها ورونقها أحببت أن أنقل لكم طريقة صنعها خطوة بخطوة وأتمنى أن تنال إعجابكم
نور..*
بنركبهم على النار مع اضافة زيت الذرة
بنضيف البصل المفروم
بعدين بنجيب السماق الحب وليس المطحون بطنجرة تانية بنغمره بالماااء وبنحطه على النار مشان بالاخير الماء اللي حطيناه بياخد كل خواص السماق
الآن بدت اللحمة والحمص يستويو
بالوقت اللي بتكمل اللحمة استواها والسماق بكون ع النار مع الماء بغلي بنجيب نبات اسمو السلق وهو بشبه السبانخ .. وهي صورته
بنفرم السلق وبنجهزه
هلئيت بنضيف السلق فوق البصل واللحمة والحمص اللي استوو تماماً ..
بنخلطهم منيح
وبنتركه على النار لحديت ما يستوي تماماً وبنبدا نجهز بالدقة وهي عبارة عن فلفل أخضر من اللي بيحرق وتومة وعين جرادة وملح
وبالخلااااط ونننننن
وبنضيف الدقة على المزيج السابق
وبنرجع تاني للسماق اللي حطيناه يغلي مشان ناخد كل ميته وبنعصره منيح بايدنا وبالمصافية لحتى ناخد كل ماء السماق وستجدوه بالصورة المقبلة
هادا السماق بعد ما صفيناه وصار تمام ..وهو أساس الأكلة وبعطيها حموضة
بنضيف الطحين على السماق وبندوبه فيه منيح مشان يعطيها الجمد المناسب
طبعا بعد ما اضفنا الطحين لون السماق صار افتح وبنضيفه على مزيج اللحمة والسلق والحمص .. وبنحرك منيح
وبعدين بنتركها لحد ما تستوي تماماً وبنطفي النار تحتها و بنضيف الكموون
ووبعدها مباشرةً بنضيف الطحينة الحمراء والفرق بينها وبين البيضاء انه البيضاء من السمسم الني والحمراء من السمسم المحمص وهاي مش موجودة غير بفلسطين وتحديداً بغزة والها مذاق ونكهة مميزة جدا
وهنا بس اضفنا الطحينة الحمراء
وبنحرك منيح وبهيك بتكون استوت تماماً وبنبدا نسكبها بالصحون والبايركسز
صورة أقرب
وهنا بس سكبناهم بالصحون
وزي ما حكيتلكم هاي الاكلة احنا بنعملها بالاعراس ولأعياد وفي حفلة عرس اخي تاعت الشباب اللي بتكون قبل العرس بيوم لازم نقدملهم السماقية وبكميات كبيرة على قد كل المعازيم وهادا جانب صغير ما قدرت اصوره كله
وهادا صحن صغير لأول واحدة ترد عليااا 
)
بتمنى يعجبكم موضوعي تعبببت وانا انزل الصور وارفعها واضع عليها التوقيع وبتمنى الاكلة تعجبكم وتسلمولي جميعاً
نور..*
بموت فيها أكلة بجد روعة يا بنات
بتشهي بكرة ان شاء الله ناوية أطبخها بس بالسماق الناعم
كنت مصوراها وكسلت أحطها مشكورة يا عسل
والله يعطيكِ العافية
تسلم إيدج و يعطيج ألف عافيه يارب
صحتين وعافيه يارب
((اسيره الغربه )) سابقا
وصفة رائعه
اول مة اعرفها
تسلم ايدك حبيبتي
شكلها حلوة
تستاهلي احلى تقييم لمجهودك يا عسل
تسلم ايديكِ ياعسل
زمان ما سمعت اللهجة الفلسطينية المزبوطة
و ما شا الله تبارك الرحمن عاملين كمية مخيفة.. صحتين وعافية على قلوبكم والف مبروك لأخوكي وان شا الله بنفرح فيكي قريب.. تم التقييم يا قمر