السلام عليكم
من زمان ما نزلت لكم طبخة في هالركن..
واليوم لأول مرة اسوي صالونة سمج وطلعت لذييييذة بشهادة زوجي العزيز
في البداية شوفوها 😎
هااا شراايكم؟(y)
يلله وراااي اوريكم الطريقة السهلة…..
أول شي نقلي السمج عددل طبعا بعد ما بهرته وملحته انا سويته مقرمش يمي يمي وخليته على صوب
السمج "شعري"
وبعدين جهزت باقي المكونات مثل ما شايفين
شوحت البصل بالدهن تبع السمج<< سر النكهة
وبعد ما تغير لون البصل حطيت الماي مباشرة
وعقب حطيت باقي المكونات من بهارات وملح والبقدونس والفلفل البارد والفلفل الحار والليمون الاسود المقطع وقطع طماطم ومعجون طماطم وبصلتين وقطع بصل من الطوال وخليتهم يطبخوون وآخر شي حطيت السمج المقلي وخليتها بعد تطبخ…
والصور تتكلم….
وبعدين سويت رز ابيض وهاذا الكل يعرف يسويه:cool:
واخيراا صالونتي العزيزة استوت
حياااااااااااكم على غدانا لا تستحوووون
في أمان الله
اللي تعجبها صالونتي تقيمني..:cool:
ماشاء الله عليج .. مبدعة
يعطيك العافية
الله يسعدك ويحفظك ياقمر
بالعافيه عليكم شكله يشههههههههي
لكن طعمها فيه حموضه مثل اللي يكون فيها التمر الهندي ؟
تسلم يدج حبيبتي
بالعافيه
ولك مني احلى تقييم
بس وصفتج شهتني اياها راح اجربها ان شاءالله وتستاهلي التقيم
بس شكلها مشهي يم يم يم
تسلم الايادي وعليكم بالعافيه