وترى الاسم اسمي بس في منتدى ثاني
تقدرون تضيفون أي شي تبونه مثل البيض المفيوح او البطاطس …
وتراها لذيذة فالشكل والطعم ..
مقادير نقع الدجاج …
دجاجة مقطعة ومزال عنها الجلد ..
ملعقة صغيرة جارام مسالا
ملعقة صغيرة كاري
ملعقة صغيرة ونص بزار
نص ملعقة صغيرة لون اصفر ,, او تقدرون تحطون كركم انا ما حطيت
ملعقة صغيرة سنوت .. انصحكم تسوونه فالبيت احلى وريحته روووعة
روب ,, عصير نص ليمونة ..وخل تقريبا ملعقة اكل,, ملح شوي ,, ملح الثوم <<< ريحته حلوة
انا نقعته ليلة كاملة واااايد احلى والطعم يصير متشبع بالخلطة ..
الطريقة …والمقادير ..
تحمسين بصلة وحدة متوسطة او صغيرة وتكونين مجهزة فصين ثوم ناعمين ومخلوطين
بملعقة صغيرة بهارات حب <<<< هالبهار رهيب براويكم صورته عقب
وحبات هيل وحبات فرنقل وحبات فلفل اسود ودارسين ولا تنسون الورق الهندي بس انا مجففته
عقب ما يصير لون البصل بني غامج تحطين هالبهارات عليه وتحمسينه شوي
هذي البهارات
وهذي لبهار اللي خلطته مع الثوم..ونستخدمه مع السمج ونسويه صوص
وعقب نضيف الدجاج المنقوع بالخلطة
ونخليه تقريبا نص ساعة على حسب حجم الدجاج ولا تضيفون بهارات
لان يكفي اللي بالخلطة …
وعقب نخليه وقبل لا نسكر على الدجاج نسوي العيش
ناخذ بصلة ونحمسها بنفس الطريقة اللي فوق ونضيف عليها الهيل والقرنفل والفلفل اسود
والغار بدون الثوم …وعقب نصب فوقه ماي ونضيف العيش ونحط شوي حشيش ونخليه يستوي عقب نشخله
جذي بيكون شكله ..
تابعونـــي
ونحط باقي المقدار وبعد نحط صبغة على الوجه ونخليه يتسكر نص ساعة ..
وهني قدمته ….
وهذي من جريب وجربوووه ترى صج لذيذ ..
ومع السلطة الحارة رووووعة
اللي تبي تنقله حبيباتي تنقله بس ادعولي بالذرية الصالحة
ربي يعطيك آلعآفيه ويسلم ديآتك ~
تم آلتقييم يآسوكر . . }
㋡
:
واااااااااااااااو خبااااااااااااااااال و ربي …×؛×
يعــــــــــــــــت خخخخ …):
تسسسلم ايدج يالغلآ …
و مشكووووووووووورهـ …^؛*
.
:
❤ آستغفر الله الذي لآ إلهـ إلآ هو الحي القيوم … وآتوب إليهـ ❤
3طماط وسط مع 3 ملاعق كبيرة فلفل شطة سااائل و 2 فلفل علوب
اوراق نعناع تقريبا بيالة ينخلطون فالخلاط
عقب نقطع الخيار صغييير جدا او ممكن نفرمه بالفرامة وطبعا ليمون وملح
وممكن اضافة بصل ابيض وبسس
تسلمون بنات وحياكم الله وكل الشكر للتقييم 
الله يرزقنا واياك الذرية الصالحه