~ طريقه طبخ | المفطح | بالتفسب الممل 2024.

عرآيس ..

شخبآركم إن شاء الله تمامآآت ..

اليوم جـآيبه لكم , آكله / روعه وسهله

مـآدري إذآ آحد سبقني فيهـآ ولآ لآء ..

بس المهم اني اليوم بنزل لكم طريقه ..

. طبخ الذبيحه , المرق , الحشو , والكشنه ..

وطبعـآ طبعـآ / طبخ إيديـآ وحيآة عنيـآ

وهالموضوع بحطه ردآ على اللي يقول بنات هاليوم مايعرفون يسون شي ههههههههههههه

عمري 21 وآطبخ ذبـآيح يعني بنات اليوم لين اللحين فيهم رجـآآء ..

آولآ بنزل لكممم .. طريقه طبخ اللحم ..

كانت العزيمه محفوفه لي 6 اشخاص ربع اخوي ..

طبعـآ قعدت اسلي العسر / كآنهـآ ترآويح /

وآنـآ آدعي يالله يارب ينجح الخروف هههههههههههههههههه

ماعلينـآ مني نجي للطبخه

//

آول شي طريقه غسل اللحم ماسورتها ولا لما بهرت اللحم / لاني ماكنت ناويه أنزل موضوع بعدين طرى على بالي اسويه .. فـآ آعذروني على هالخطوه ..

طبعـآ آول شي تغسلون الذبيحه .. وبعدين تجيبون جدر الذبيحه .. وتترسونه مـآي مو شرط حار وتشغلون النار عليه يطبخ شوي

وتحطون اللحم عليه والبهارات + البسل + الطمـآط + الفلفل الرومي + بهـآرآت الحب .. إلخ

وبعدين نحط فوقه الغطـآ ونخليه يطبببببخ واللحم يطول وهو يطبببخ .. يعني يبي له ابو 4 إلى 5 ساعات ..

اللي يتسأل شنو الغرض من السحن اللي تحت النـآر , هذآ سحن نحط فيه مآي ونخليه تحت النـآر عشـآن لا يخرب السراميك ..

وكل بين فتره وفتره نفتح الغطـآ ونشوف اللحم أستوى ولآ لآ ..

وهني قرب يستوي اللحم ..

آهني لمـآ خلس اللحم .. تقريبـآ ..

وهني آخر شي لمـآ طفيت النار عن اللحم ..
/
وبعدهـآ طلعنـآ اللحم من الجدر .. وشخلنـآ المرقه من البهارات والطماط وقطيناهآ برى ..
/

رحت جبت سحن الأسود اللي داخل الفرن .

وسويت سبغة اللحم .. شوي سليقه + ملعقه معجون طماط + زعفرآن شوي + سفار عيش + ملعقه سغيره ماي ورد ..

اللحين جاهزين نسبغ اللحم ..

ولبسته قسدير وحطيت فوقه اللحم ..

وبعدين نحط قسدير فوق اللحم وندخله الفرن .. شوي مو وآجد لين تاخذ اللحم اللون بعدين طفي النار ..

نروح نغسل العيش ونقعه شوي ..

وبعدهـآ نشغل النار على مرقه اللحم .. نخليه يطبخ شوي ونسب فوقه العيش ..

هالخطوه خطره شوي يبي لج تضبطينها لا ضبطتيها خلاس يعني طبختج خوش شي هههههههههههههههههه

وهني بعد ماتبخر العيشش .. والحمد طلع نثري .. 😉

نروح نسبغ العيش من فوق ..

ونحط فوقه الحشو < وطريقه الحشو بذكرها تحت بالتفسيل .. :p

وجذي خلصنـآ طريقه الذبيحه والعيش نجي لطريقه الحشو ..

bRb F:

اول شي نقس البسل وتكون كمية وآجد مو شويه .. ونحطه في سينيه

ونخليه يطبخ شوي بدون اي إضافآت , لين يذبل البسل شوي ..

بهذي الأثنـآء نجيب الشعريه رقم 2 تكون سغيره حقت حشو .

ونحطهـآ بجدر بروحهـآ ونحط معاها زيت شوي ونحمسه ..

بعدهـآ نحط فوقه مـآي ونخليه يطبخ ..

لين ينضج معانا نطفي النار عليه ونشخله ونخليه على جنب شوي ..

نرجع للبسل . نحط عليه شوي زيت ونحركه ..

ونحط عليه لومي مطحون + ملح + ماي ورد وزعفرآن < هالخطوه نسيت اسورهـآ ..

وبعدين نخليه شوي ونحط فوقه السنوبر ..

ونحط فوقه بعد النخي والكشمش

واخر شي نحط الشعريه

نحركه شوي ونطفي النار عليه ~

وبجذي خلسنـآ الحشو نجي للمرق ..

bRb F:

اغراضهـآ ..

رقبة الذبيحه ..

خضروآت المرق .. بطاط وقرع وكوسـآ وجزر

وطماط وفلفل رومي

نجيب الجدر ونحط اللحم داخله ..

ونحط فوقه البسل ..

ونحط فوقه الثوم مطحونه مع بهرات شوي ..

نحركه شوي ..

نحط الطماط ..

واخر شي الفلفل الرومي

ونسكر الجدر .. نخليه يطبخ اللحم ..

وبعدين نحط فوقه الخضروآت ..

و2 معجون طماط

وبعدين الملح + البهارات المشكله ..

وناخذ من مرقه اللحم ونحطه بالمرق ..

ونخليه يطببببخ لين يستوي المرق ويكون ملحه زين بعدين طفي النار

وهني لما خلس المرررق ~

يالله نروح نسوي الكشنه مع خبز السـآج :p

bRb F:

هالأكله دسمه شوي بسسس طعمهـآ مووووووووو سجج ..

يبي لنا 3 بسلآت مقطعينها ناعمه .. نحمسها مع شوي زيت ..

بعدين نحط فوقه لومي مطحون < اللي هو الليمون الاسود ..

ونحركه ..

ونحط فوقهـآ سماق .. وملح

ونحط فوقه ملعقه معجون طماط ..

ونحط فوقه ملعقه سمنه ..

بعدين نحط فوقه شوي زيت .. لان الكشنه معروف فيها يكون زيتها وآجد

بعدين نحط اخر شي السنوبر .. ونطفي النار ..

نروح نفرد خبز الساج .. وندهمها بالكشنه ..

ونحط فوقها خبزه ثانيه وندهنهـآ بالكشنه .. وعلى هالحاله لين يخلس الخبز ..

بعدين غطيه لوقت غرف العشآ ؟؟

.. يالله خلسنا من كل شي نجي ونغرف العشـآ ..

bRb >> :confused:

بمـآ آن كان اخوي فوق رآسي وانا أغرف مـآ سورت لكم العشـآ إلآ لما غرفته وخلست ..

حطينا اول شي العيش وبعدين الحشو وبعدين اللحم وفوقه الخبز واخر شي البسل والليمون ..

إي وهذي نسيتهـآ السلطه اللي سويتهـآ .. اسرع سلطه بالعالم هههههههههههههههه

روووووووووووعة تسلم ايدك حبيبتي

والله انجاز مااتخيل نفسي اطبخ ذبيحة احسها صععبه