خواتى العرايس …
مبروك لكم جميعا ..
اكيد كلنا وانا وياكم اندور على حركات يديده وغريبه واشكال غير عن المعتاد
بس هل فكرتوا في مسكه العروس ..
يعنى كل العاده بتشلين باقه .. لونها كالعاده يا ازرق ياوردي يا ابيض!!
طيب شو اليديد ؟؟
في راي حلاته يوم تدخلين القاعه الكل يندهش ان كل شى يديد وياج …غير غير عن الروتين المعتاد ..
عشان جى ليش مانتساعد وكل وحده تعطينا فكره عن مسكه عروس بشكل يديد …
انا عندي هل الافكار :-
– مسكه عروس على شكل بيضه النعامه .. هاي شفتها اعلان وحبيت الفكره … تكون مرصعه بالكرستال او فصوص تلمع
– ثلاث قلوب من حجم كبير إلى صغير لونها حسب ماتبين وبعد فيها كريستال وموصل بينها سلاسل وتمسكهم العروس من الاصغر .
– اول حرف من اسم ريلج حجم متوسط مغطى بالكامل بالفصوص الامعه وتمسكينها اكيد بسلسه من الاعلى ..
هل الافكار اللى عندي ياتري شو عندكم انتوا ؟؟؟
يالله خلونا نفتك من الروتين
بس احس الورد دايما احلى وانهم بيد العروس يعطون نعومه وبساطه اكثر
ومسكتهم مريحه لانه العروس بتتعب من المسكه مع التصوير والفستان كبير تصير متعبه عليها
بس ما في مانع تجديد وتغير بنفس الوقت بس تحتاج عروس جريئه
ومشكووورة على الافكار وان شالله تفيد العرايس وتفيدي بالمستقبل 
وأنا فى بالى فكر للحين مو لاقيه لها تصميم نهائى اهو انها تكون بشرايط على شكل دوائر
بلون العقيد اللى بلبسه بس هذى فكره البدايه وطبعا بدخل فيها ورد بس قليل جد
وياليت غله العمر توصفيلنا المسكات يمكن ناخذ منها حركات
ليالى وين تنصحين اروح لمحلات حق المسكه بماانج بنت الديره
شكرا لردوودكم
وياريت وحدة تفيدنا وين نقدر نحصل هالمسكات
🙂
يعني بدل ما احمل نجوم او اقمار كريستال ليش ماادخل هالاكسسوارات على الباقة
والتغيير يكون في الشكل يعني مسكة او باقة او حتى wreath بس بصراحة العروس مو حلوة بدون ورد