السلام عليكم ورحمة الله وبركاته
من فضل رب العالمين سبحانه وتعالى نويت أترك الحف .. والصراحة هالقرار صعب جداً بالنسبة لي لأن حواجبي كثيفين وعراض لكن ربي يعيني ويسهل علي (r)
ولأني أحب لكم الخير قلت أتشارك وياكم أشجعكم واتشجعوني :clap:
أتمنى ألاقي بنات ينضمون معاي بقراري .. خصوصاً إن رمضان على الأبواب ومافي أحلى من إنج تصومين وبالج وضميرج مرتااااحين :flower:
وما أوصيكم .. اللي تاركة الحف ياريت اتشاركنا تجربتها عشان نستفيد منها وتعطينا دافع أكبر
ناطرتكم
:cool2:
وانا عني ماعمري حفيت حواجبي ولا ناوية بعد :cool2:
الله يوفقج
وان شالله البنات يتفاعلون وياج :yes:
الحمد لله انا تركت الحف لي خمس شهور والسبب
اول حاجه زوجي الله يخلي لي هو الي كان يكسلني كل مابي اروح اسويها عند الكوفيرة
يجيب اي مشوار غير الكوفيرة مثلاً البحر السوق اي حاجه تغريني المهم وكمان صار يقول انها احلى
وهي عريضة
المهم وانا كمان عشان اخذت دبلوم اخصائية تجميل صرت اسويها والعب فيها بالمكياج
لدرجة الكل يحسبون اني شايله الشعر الزايد
وغير كذا دايم فكري انك راح تنطردي من رحمة ربنا يوم القيامة لو شلتيها
والله من كثر ماافكر بها الشي شجعت نفسي
تخيلي تخسري رحمة ربنا يوم تكوني بأمس الحاجة لها يوم القيامة
عشان شوية شعر تشيليه من حواجبك
انا اشجعك وانا معاكي لا تستسلمي مافي شي يستاهل تخسري رحمة ربنا
يوم تكوني بأمس الحاجة لها بيوم
go go go go لاتسويها هذ الشهر وراح تحلوي اكثر
""شكرا لك يارب وشكرا لكل من وقف في طريق هدايتي""
و أن معاكم
حواجبي عريضة و ازمة….
بس ربج يعين
الله يوفقكنا و يثبتنا و يرضى علينا
وكل ما جفت في صالون وحده تسوي حواجبها وتحمل
الالم على شي ما يسوى يزيد كرهي للحف الحمدالله
ان الله عطانانعمة يمكن محد حاس فيها وانا شجعج حبيبتي
والله يصبرج ويقويج على الصبر عن حف الحواجب وشوفي اذا
انتي مقتنعه من داخل انج حلوه حتى لو ما حفيتي بجوفين عمرج
حلوه وان شاء الله كل البنات الي يحفون يتشجعون انهم ما يحفون
من يدشون موضوعج ويتفاعلون وياج ويكون لج الاجر يارب اللهم اميين
انا بصراحة ما أدري ليش البنات الله يهديهن يحفن الحواجب ويسووهن مثل الخط بصراحة شي مقزز واسمحولي على ها الكلمة بس ها الحواجب تكبر العمر وتخلي الحلوة ابد مو حلوة …
والحواجب العريضة شوي احلى بمليون مرة وتعطي شكل بريء لوجه المرأة وطفولي وتصغر عمرها بعد خاصة اذا كان فيه "شوية" شعر بين الحاجبين لأنهم يعطوا شكل حلو
أنا ما أحف حواجب صح لكني أشقر اسفل الحواجب وفوق الحواجب علشان يصير شكلهم ارتب وأحلى ولحد الحين ما أدري ها التشقير حرام ولا مكروه ولا حلال … بعضهم يقولون حرام وبعضهم يقولون حلال وبعضهم يقولون مكروه وكل يفتي …
رفيجتي يحليلها مبتلاه بحواجب كثيفة واااااااااااااااااايد وبطريقة تنفر الواحد من شوفة حواجبها وهي متعقدة من ها الشي وحواجبها من النوع الغليظ جدا والأسود علشان شي تحفهم من أسفل الحواجب ولما سألتها وقلت لها ليش م تشقرين على الاقل قالت جربت وطلعوا "يضحكون" يحليلها فأنا أقول هل حلال اللي بنفس حالتها يحفون حواجبهم ؟ ولا بعد حرام ؟
وشكرا على الموضوع
انا بصراحة كنت احف بس من تزوجت تركتها يعني صارلي 3 سنوات الحمدلله
كنت احف فترة واترك فترة يعني كنت مترددة بالموضوع
اول ما تزوجت زوجي راح جابلي ورقة من الافتاء فيها وايد نصائح للزوجة ومن ضمنها ان الزوجة المفروض تزين للزوج بما يرضي ربنا وايد علقت الجملة ببالي
والحمد لله صرت اكره الحواجب حتى الصالونات كل ما اروح يتحايلون هاه نحف الحواجب ما ادري شفيهم على الحواجب
من ترك شي لله عوضه الله بخير منه
انا صرت اكره احضر الاعراس والمناسبات الي فيها جمعه كل ما اشوف حواجبي اهون عن الطلعة بس الحمد لله قمت اقول كافي اني حلوة عند ربي بها الحواجب
شعرات بسيطة تطردني من رحمة ربي ما تسوى والله
وربي يهدينا جميعا ان شاء الله
الحمدلله عمري مالمستهم ……………………. ولا أحب نفسي بدونهم
الله يهدي الجميع لما يحبه ويرضيه (( الله ماحرم شي إلا لحكمه يعلمها))
ونا ماخليتهم إلاطاعة لله ثم رسوله صلى الله عليه وسلم .
والله يعلم أن حواجبي غلاظ بما فيه الكفايه والله حلوين وما أحب نفسي بلاهم .:o
(y):15: