يعني في اشياء يمكن الاستغناء عنها و بالتالي سيتم توفير مصاريف مالها داعي
انزين اذا كنت من المؤيدين شو الاشياء اللي في رايج ممكن او تحسين انج تقدرين تخفيفنها او تستغنين عنها او تستبدلينها بشئ مناسب و مقنع و بسعر معقول
تدرو بعد الاسراف مب زين و يكون العرس ما فيه بركه
و الا شو رايكم ؟؟؟؟؟؟؟
فعندي اقتراح ان البنت تشتري الاشياء اللى تحتاجه فقط وتتخلى عن 7 او 9 شنط للزهبه لانه اللى صاير هذا مجرد تفاخر بين الاهلي وبس وهم بعد البنت بعد ما تتزوج تلاقيها في اول عيد لهم بعد الزواج نازله السوق تفصل وهي عندها 7 شنط مالت الذهبه
وهم بعد في عادة انهم يشيلوا الزهبه من بيت المعرس لبيت العروس ان شاءالله بس شنطة الذهب وبعد يكون في غداء في بيت اهل المعرس او بيت اهل المعرس
اتمني ان المجتمع يتخلي عن هذى العاده لانها كلها مخاسير
هذا اللى يحضرني الحين
اتمني من الباقي يشاركنا الراي
صراحه… المبالغة هاي ما تكسر الا ظهر المعرس.. وتهرب العزابية من العرس..
اعتقد انه من الافضل انه الواحد يخفف من المبالغة في المصاريف…
وبعدين على طاري الزهبة…
كل صديقاتي.. اللي عرسن.. نصحوني يوم ازهب اني ما اشتري الكثير.. لانه غالبيته بينعق في الكبت.. وما بينلبس.
وحده قالتلي والله اني افتح الكبت اتغمض على اللي شريته وما لبسته. لانه كله صغر عليها ولانه حملت..
فنصيحتي لكن يا حلوات… لا تشترن وايد… وبعدين بعد العرس اشتورا شوي شوي… كل فترة شوي.. بس
وسلامتكن
[/c]
و الكل صار يحب التباهي و الفخفخة امام الناس
و اللي زايد الطين بلة ظهور الكثير من الامور المستحدثة علينا و اللي تغري الناس في الانغماس في هاذي المصاريف و بدون تفكيير او تقدير او حتى التفكير انه في رب يحاسب الانسان على كل صغيرة و كبيرة في حياته فمابالكم بالتبذير
تدرون و البنات هاذي الايام يصيحون العرس و كل حد يشتكي
و المشكلة في البنات نفسهم اقصد بايدهم ان يحلون المشكلة
و عمل اعراس بمصاريف معقوله
اكيد بتقولون ان الوقت الحين يتطلب هاذي الاشياء و اذا ما سوو مثل اللي يسونه الناس
العالم و الناس بيعايبون عليهم
بس في شئ معقول و حلو و في حدود الامكانيات و مب كل الناس بنفس المستوى
المهم من الاشياء الصراحة اللي تثير انزعاجي و تساهم في غرس الافكار الغبية و الشيطانية و اللي تساعد في اضاعة مبالغ طائلة بدون فائده
هي ظهور شركات تعمل على تنظيم العرس باكمله
يعني مثلا يسوون لج الكوشة و التصوير و الترتيبات الازمة من الديكورات للعرس بمبلغ خيالي و الله اني سرت معرس العروس اللي كانو امسوينه في المركز التجاري و الله ان الشركات مال مقصة عدل على الناس
و كثير من العرايس يغترون باللي يسوونه هاذيل الشركات
بالرغم انه فيه محلات ممكن تعمل كوشات باسعار معقوله
طبعا مثل ما قلت سابقا ان المستويات المادية عند الناس تختلف
ممكن ناس يقدون على هاذه المبالغ و ناس لا
و الصارحة كلامي هاذا اقصد فيه الناس ذوي الدخل المحدود
مش الهاي هاي
و بالتالي هاذا يزيد التنافس بين البنات و يزيد زرة الاهل
و للحديث بقية
زى الشبكة مثلا ايه الداعى انها تكون غالية قوى زيادة عن اللازم لا ممكن تختارها حلوة وفى نفس الوقت سعرها معقول وهكذا فى الجهاز والشقة والمهر
اقلهن مهر اكثرهن بركة
من دحين اقول لكم
انا ملكتي كانت قبل شهر
عملتها في البيت الرجال والحريم
الرجال كانو بس عماني واعمامو وكم واحد من الي يعزهم ابوي
يعني امكن كانو 40 واحد
الحمدلله انبسط مره كثير وماكانت مكلفه كثير
لانو بابا تعبان ومافيه شده انو يخرج يشوف قاعه ومارضي انو احد تاني يروح يشوف
وكمان في البيت اريح لنا كلنا ولبابا كمان
حتى ملكت الحريم كانت مختصره بس خالتي وحريم خيلاني ومرة عمي وطبعا عمه اخت بابا الي هيا ام العريس وحريم عمانو وعماتو وصحباتي بس
صح كانت في البيت بس مرررررررررررررررررررررررره انبسط
انا عن نفسي اشوف انو الفرحه في القلب مو في الفشخره الي مالها داعي
مع اني اقدر اعملها برى بس ليش التكلف الزايد
حتى فستاني ماكان غالي كان بحدود 300ريال بس كل الي شافوه اعطوه اكثر من سعرو
مو شرط يكون كل شي غالي اهم شي البساطه والذوق في الاختيار
وعن الدبش او الزهبه او الجهاز زي ماتقولو >>>>بكل اللغات هههههههههه
ما افكر اني اشتري اشيااااااااااااااااااااء مره كثير
لانو اول ما اتزوج اكيد الجسم يتغير وحتى لو ما اتغير انا حمل منها
واكيييد لما اسافر ابغى اشتري ملابس من برا وحتكثر ملابس وفي النهايه
ماراح البسها وتنرمي
ليش دا الإسراف احنا حنتحاسب على كل دا
انا فكرت اني اشتري دحين بس ماراح اكثر من ملابسي لانو كمان ابغى اشتري لما اسافر واكييييد بعد فتره حتنزل اشياء جديده
فخلي كل فتره انزل اشتري منو انا اجدد وكمان مايمل هوا لانو حيكون الاستايل متغير بين فتره وفتره
وصح انو كل دا حيكون مره في العمر بس لازم نفكر اكتر حتى لو كان مره في العمر احنا عندنا عقل ليش التقليد الاعمى بنت عمي عملت ملكه وانا ما اعمل لييييييييييش انا في ايش ناقصه عنها >>>>>لما اسمع دا الكلام من البنات اضحك في نفسي واقول يامثبت العقول ثبت قلبي على دينك
الله يعيننا ويوفقنا
عيون الفهد
من الاشياء اللي نقدر نستغني عنها
1- الزينة على الطاولات باقات الورود الفخمةالناس يخسرون على الفاضي انا عندي قانون وان شاء الله انفذه في عرسي اي شئ ماراح يبين في التصوير مب مخسره عليه
2- المكسرات والفطاير والحلويات اللي يوزعونها على المعازيم واغلبها في الاخير ينقط او اللي تكون على الطاولة ممكن نحط فطاير وبسكوت مالح بس والشاي والقهوة ممكن وحده نجيب وحده مع بنات يسون هالشئ ويوزعونه على الناس بدال لا نحط على كل طاولة وحالة وزحمة وكل الشاي والقهوة تنقط
3- مفارش الطاولات المزخرفة والنقش والدانتيل كله خساير لونين سادة و يمشون مع الكوشة وخلاص
4- التوزيعات لكل المعازيم عطور والا مصاحف صغيرة والا صناديق معدن والا براويز بصراحه ماله داعي ممكن اني اجيب حق هلي او ربعي يعني الناس المقربين وبس وممكن اني ما اجيب كلش توفييير
5- بطاقات الدعوة اللي قاموا يبدعون فيها حلو الابداع وحلوة البطاقات وانا اتمنى اني اسوي بطاقة كشخه وحلوة لكن اغلب الناس بيقطون البطاقة في الاخير في الزبالة ليش اخسر ععليها اجيب شئ يكون بسيط وراقي وحلو وبنفس الوقت رخيص مااقول ارخص شئ لكن ما ابالغ لدرجة ان بطاقة الدعوة الوحدة تصير 60 والا 40 ريال
6- الاضاءة اللي تكون في القاعة على المسرح مب لازم اطلبها بصراحه احس انها تخلي المكان يصير كانه ديسكو مب عرس ناس محترمين وعاد مع موديلات البنات اللي استغفرالله صج صج الواحد يحس انه قاعد في مكان غلط
وبس هذا اللي في بالي الحين ربي يرزقكم ويرزقني بالزوج الصالح اللي يستر علينا ويسعدنا