مستلزمات العروس 2024.

حبيت أكتب الأغراض الخاصه بالعروس….لو إنه هل موضوع تكرر….بس بما إنه فيه حد بيستفيد موب مشكله

أول شي أنا موب معرسه…بس زهبت خالتي و ربيعتي( عقبال ما أزهب عمري:o)….فصارت عندي خبره شويه

الأغراض هيه :-

1- فستان العرس + المسكه + جوتي العرس + اكسسورات الشعر
2- قطع القطن (و أحلى شي موجود الراتي)
3- مغربيات
4- البدلات (سواء كانت بدله كامله أو قمصان و تشتريلهن بعدين التنانير)
5- قطع فساتين سهرات
6- أطقم عبي و شيل
7- شيل مطرزه + غشاوه أو نقاب
8- الملابس الداخليه (الأطقم الكشخه و العاديه…اللي هيه القطن اليوميه)
9- قمصان النوم (حطي الألوان اللي تبينها….و حاولي ما تكريرين اللون الواحد)
10- عطور
12- عطور مخلطه + دهن عود +الدخون +العود سواء معطر ولا لا + عطر الفراش + عطر ملابس للرجال
13- جواتي و انعله (مثلا 2 عادي و عملي….و الباقي كشخه…و تحدد الألوان)
14- شنط + 1 شنطه سهره راقيه تكون (موب لازم غاليه….مره حصلت شنطه سهره روووووووووعه عند محل ب 75 درهم بس)
15- كريمات العنايه بالجسم
16- كريمات الجسم المعطره
17- طقم الفوط (للجسم أو الحمام) و الروب
18- الخياطه و التطريز
19- السراويل
20- اكسسوارات الشعر
21- المستلزمات الخاصه ( مثل فرشاه الأسنان +المعجون+ الصابون +….)
22- الذهب …إذا تحسين الفلوس ما تكفي…يكفي إنج تشترين قلاده و خواتم و إنشاء الله عقب العرس بتشترين الأطقم
23- ميزانيه خاصه للصالونات (مثل الحمام المغربي)
24- ميزانيه ليله العرس
مثل الحلاوه + خيط + بديكير + مانكير_الحناء + الميك أب)

ما كتبت الحراير لنه الناس ودروهن بشكل عام
و الحين العروس لازم تحط ميزانيه خاصه حق كل الشي….و العدد اللي تباه
مثلا قمصان النوم 15