خلي ليلة ابو الشباب فوشيه مع ميك آب فوووووشي ع طريقتي 2024.

مساء الخير حبايبي..الموضوع و مافيه نبا نسوي شوية تغيرات على الروتين اليومي الممل,
وإندلع أبو الشباب شوي:888345:…نباها ليلة فووووووووشيه:21_156:..يعني كل شي فوشي في فوشي..وأهم الشي الميييييييييييييك آب…إنشالله اليوم بعلمكم طريقة يديدة للميك آب الراقي..وأنا جربته مره ثانيه على عيوني والصراحه طلع رااااائع..أنصحكم تمشون معايه خطوه بخطوه..

في البدايه يا عرايس.ماننسى الكماليات إلي تضفي على الغرفه جو رومانسي بس مب أحمر…فووووشي..مثل السرير..

ولا تنسين نفسج عزيزتي..روحي السوق شويه وإشتري بعض الأشياء إلي تزيد من جمالج مثل الإكسسوارات..وتوب حلو مثل إلي في الصوره و حزااااااام..وياويلي من الحزام,لاتنسونه ترى الرياييل يعيبهم هالشي(r)

ونبدأ بالجد الحين..

في البدايه مثل منتو عارفين..نوزع الكونسيلر من ماك على كامل الوجه و من ثم البودرة الأساس السائبه من بودي شوب ..وأنصحكم تشترون دااائما درجه وحده أغمج من لون بشرتكم عشان يكون الوجه طبيعي..

وثم نضع القليل من الإضاءه تحت الحاجبين, ماركة ماك أيضاً

ثم نبدأ بالجد:wink:…الحين بنستعمل لون السهره وهو الفوشي..أنا شريت هذا اللون الفوشي اللماع(Make up for life) من الإخت(ورد جوري) و الصراحه روووووووعه..وأنصحكم قبل لا تحطون أي آي شدو تبدأون بالمائي..عشان اللون يكون أقوى و أجمل..بس اليوم أنا بس إستخدمت البودره السائبه اللماعه..في البدايه حطيت على كامل الجفن المتحرك, ومديت خط مائل لفوق بالفرشاه الرفيعه كما هو مبين في الأسفل..

وبعين نوزع باقي الآي شدو بالتساوي على كامل الجفن مع مراعات دمج اللون الفوشي مع الإضائه عند إلتقائهما أعلى الجفن…وإستخدمت في التوزيع هذه الفرشاه.

والحين نبدأ بالشغل الحلو…نستخدم قلم الآي لاينر من Dior ونسوي خط (مستقيم) أسفل الجفن السفلي…يبدأ من أول العين إلي نهايتها, ونمد الخط زياده عند نهاية و بداية العين.

وبعدين نوصل خط الآيلاينر إلي تحت بالجفن العلوي من الطرفين حتى يصبح شكل العين(مثلثاً)..

ونبدأ بعدها بملأ الفراغات مثل الصوره إلي بالأسفل..

طبعاً بتقولون إن شكل العين مابيكون حلو بهذي الطريقه..نحن بعدنا ماخلصنا..على الخط المائل الفوشي إلي سويناه على الجفن راح نمد خط آي لاينر على الجفن العلوي المتحرك على إمتداد العين و ونمرره على الخط الفوشي المتجه إلي أعلى مثل الصوره, يعني يتكون خطين..

وبعدها نحط شوي من الآي شدو الفوشي على الجفن السفلي تحت الآي لاينر, ولاكن لا نمده إلي بداية و نهاية العين كي يسهل علينا التوزيع لاحقاً, مثل الصوره.

ثم نقوم بإستخدام اللون الأسود من ماك علي الجفن السفلي و دمجه مع اللون الفوشي, وأيضاً لا نمده إلي بداية و نهاية العين..

ونفس الشي بالنسبه للجفن العلوي..نستخدم اللون الأسود و ندمجه مع اللون الفوشي..

والحين راح نرسم الحواجب باللون البني الخاص بالحواجب من ميك آب فور إفر..

وقربنا ننتهي..ما بقت غير اللمسات الأخيره..وحطينا لمعه شفافه من ميك آب فور إفر على الجفن العلوي و السفلي..ولو حبيتي تحطين على طرف العين من الأسفل..بين الخد و العيون..مثل العارضات..

وماننسى العدسات الHonye…الفاتحه مثل الي في الصورة..

وهذا هو اللوك النهائي…وخبرينا بعدها راي أبو الشباب في الليله الفوشيه :eek2:
أتمنى إنكم إستفدتو يا أحلى عرااااايس..وهالله هالله بالرد الحلو و التقييم..

موضوع شخصي