الى كل الغاليات على قلبي بنات عروس
امس كان عرس بنت عمتي وانا كنت كاتبه لها اشوية اشياء واهمها
لسته الشنطه الخاصه بالفندق
شنطة الجناح (ليلة الدخله )
يبت لكم اليوم لسته
الشنطه الخاصه بالفندق ليومين (طبعا اذا كنتي بتزيدين ولا بتنقصين لازم تنتبهين للاغراض)
اتمنى انه يعجبكم
يتم تجهيزها قبل اسبوعين ونعيد ترتيبها وتبخير الملابس قبل يومين من العرس
أولا الملابس الداخليه
1- طقم نوم ليلة الدخله (ابيض أو لون سكري او لون هادي ) قميص طويل +روب ساتر+نعال متناسق مع قميص النوم خاص بوريش وكعب ضروري من نعومي او لاسنزا
2- مجموعه من قمصان النوم المنوعه (طويل +قصير+ الوان و اشكال مختلفه)حسب عدد ايام الاقامه (كل ليله طقمين)
3- بيجامات ساتان وحده طويله و وحده بالشورت
4- جلابيتين للزوار (يشمك مثلا)
5- روب ساتان
6- اطقم ملابس داخليه للعرايس 3 – 4
7- فستان بسيط دلع عشان لو قعدتوا قعده رومانسيه
ثانياً ملابس الخروج
1- فستان الصباحيه
2- ملابس للصبح او المساء بدل او مخور جميل وبسيطه (طقمين من كل واحد عشان الطلعات للغدا ولا العشا أو زيارات الاهل )
3-عبايه مع شيل
4**- احذيه وشنط متناسقه مع الملابس
5-اكسسوارات وسوع
ثالثاً**مستلزمات العنايه
1- مشط وفرشاه للشعر+استشوار + قباضات واكسسوارات للشعر على ألون ملابس الطلعات وقمصان النوم
2- فرشاه ومعجون + غسول للفم
3- عدة تقليم الاظافر و مزيل طلاء الاظافر +قطن
4- فازلين
5- قطن اذون
6- خلال (مال الاسنان)
رابعاً ** مستلزمات الحمام والتجميل
1- روب حمام وشبشب +فوطتين واحده صغيره واخرى كبيره >>>>> يعتمد اذا مو موجود بالفندق واذاموجود خليهم حق البيت لاتستعملينهم في الفندق
2- فوط صحيه + فوط استعمال يومي + غسول نسائي (من الصيدليات ضروري لتفادي الالتهابات المهبليه) vagisil
3- شامبو بلسم +كريم حمام زيت ضروري لفك التسريحه
4- صابون سائل لليدين + ليفة الاستحمام >> لو حابه
5- سائل الاستحمام +صابونه+عطر+لوشن+عطر<< طقم بنفس الريحه
6- رش مال الحمام اللي يلصق في الجدار( نفس مال الدعايات)
خامسا** العطور والمكياج
1-شنطة مكياج صغيره فيها اهم الاشياء(ايلينر +ماسكرا+ علبة شدو +جلوس+ روج+بودره+بلاشر+فاوندشن حسب الرغبه)
2-فراشي المكياج
3- محارم ورقيه خاصه بازالة المكياج(نيفيا)+ طقم مزيل المكياج (لانكوم 4 قطع)
4-ميلك
5-مزيل العرق + شبه
6- طقم العطور المفضله لديك
7- عطور عربية (عود+ دهن عود+ مدخن+ فحم فوري+ ولاعه خاصه)
8-شموع معطره
9- عطر فراش من شركة الرحاب باسم معطر ماء "الاصيل"
10- معطر الفم (بولصق)
11- علبة خياطه صغيرونه (دبابيس+ابره +خيط)
12- خلال للاسنان
13-قطن اذون
14- لبان حار
15- مقص صغير
16- استشوار
17-
سادساً**
1- مصحف
2- سجاده وشيلة صلاه
3- كتاب الاذكار حصن المسلم
4- اكياس نايلون ( اللي فيها مثل السحاب )احجام كبيره شوي
5- بندول
6- لصق جروح
التعليمات :
اطبعي هذه الاوراق وعند ترتيب الشنطه تاكدي من وجود كل القطع وعند وضع كل قطعه ضعي علامة عندها كي تتاكدي من عدم نسيان اي شي كل هذه الاغراض مهمه لك اتمنى ان لاتهملي اي قطعه
الاغراض السابقه تكون مرتبه ومنسقه في شنطة الفندق قبل اسبوعين من العرس يعني بتاريخ25-6-2006
و بتاريخ 3-7-2006 نقوم باعادة كي الملابس التي تحتاج للكي و بتبخير الملابس جيدا بافضل البخور وتعطيرها بالطريقه التاليه
تعرفين المبخره اللي يبخرون فيها الملابس خاصه الكبار بالسن تكون من الخشب اغلب الاحيان استخدميها وايد عمليه وتسهل التبخير
نجهز الجمر ونحط عليه العود الاصلي ونجي للملابس قمصان النوم واالملابس الداخليه والبيجامات والملابس نحط عليها دهن العود الاصلي واذا حبيتي تبدعين اكثر حطي على كل قطعه نوع من افضل عطورك المحببه لك ولزوجك
بعدها تبخرينها بالعود جيدا نخلي الملابس تتبخر فتره كافيه كي تتغلغل الريحه فيها ولكن ننتبه ان العود مايطلع ريحة خشب عند النهايه
ثم نرتب كل قطعه او كل طقم نضعه في اكياس النايلون ونفرغها من الهواء و نحكم اغلاقها ثم نرتبها في الشنطه من جديد
ويوم العرس نقوم باخذ الشنطه الى جناح العروسين و تفريغها في الغرفه كالتالي:
1-طبعا نرش المعطر في الغرفه و نبخر الجناح و نبخر الفوط والروب والفراش والمخدات حتى الستاير والحمام جيدا بنفس اليوم وهذي تكون اخر شي قبل قفل الباب بس لاتنسين تطفين الفحم قبل الخروج
2-ترتيب الملابس في الكبت وتعليق الذي يجب تعليقه ولكن بدون تفريغ الاكياس من الملابس الداخليه وقمصان النوم
مسترلزمات الحمام في الحمام مع بعض التزين بوضع الشمع المعطر + سلة ورد منثر للتزيين بعدين في الليل قبل دخول العريس
بنثرها فوق السرير وفي الحمام فوق الارضيه والمغسله والمسبح بشكل جمالي رومانسي مباشرة بعد الدخله مو باول الليل عشان الورد يتم فرش
قبل مغادرة الجناح بعد يومين تقوم اخت العروس او العروس نفسها بتلميم كل اغراضها ولكن الاغراض اليوميه التي تحتاجها في السفر تضعها في شنطة السفر وهي الاغراض التي اماماها **
طبعا اغلبية اللسته انا استعنت بها من المنتديات اللي ازورها بس دخلت عليها تعديلات بطريقتي
اتمنى ما اكون نسيت شي
والسموحه على التقصير
اي استفسار واسالوني اتفقنا ..؟!
اختكم عسوله
أختي 3sooolah
كل الشكر لج عالموضوع الرائع والقيّم
وان شاء الله كل عروس تستفيد من مواضيعج الحلوه:clap:
الله يجعله في موازين اعمالج
ولاتحرمينا من مواضيعج المفيده
أختج الصبوره
 |
اقتباس |  |
 |
المشاركة الأساسية كتبها برق لامع |  |
 |
| كفيتي و وفتي الغالية | ||
 |
 |
مشكوووووووووره ع المرور الطيب حبيبتي
|
اقتباس | |
|
المشاركة الأساسية كتبها الدانـــــه | |
|
| أختي 3sooolah كل الشكر لج عالموضوع الرائع والقيّم وان شاء الله كل عروس تستفيد من مواضيعج الحلوه:clap: الله يجعله في موازين اعمالج ولاتحرمينا من مواضيعج المفيده أختج الصبوره
|
||
|
|
حياتي والله
تسلمين ع الكلام الحو والمرور الاحلى
دايما انتي السباقه في رفع معنوياتي يالغلا
الله يسامح البقيه اللي ما تعبوا عمرهم يعلقون على موضوعي ولو بكلمه
الف شكر ع المووضوع القيم
اختي 3sooolah
ومشكوره على هالموضوع الجميل:clap:
تحياتي
البنت الورديه
كفيتي ووفيتي
الله يجزيييج كل خير
اختي 3sooolah
ومشكوره على هالموضوع الجميل