مثل ما وعدتكم…..أنا جبت نموذج للهدايا إلي تسويها أم محمد….
وهذي الهدية طلبتها وحده من بنات المنتدى (من العين)….وعجبتها وااايد…..
وبحاول بعد أجيب لكم صور أكثر عشان تاخذون فكرة عن الهدايا الحلوه إلي تسويها أم محمد…..
وطبعا هذا يعتمد على روحاتي لرأس الخيمة….
هذا رابط الجزء الأول
_______________________________________
http://www.3roos.com/forums/showthre…threadid=21011
على وحده من بنات بلاده ,,,,, نور,,, عرس اربيعتي شهر سبعه ,,, ابغي
هديه حلوه مثل هذي,,, تقريباً ما اتكلفني أكثر من 1000 درهم,,,
تسلمين والله واذا عندج صور ازياده حطيها ,, تراه زيادة الخير خيرين
تحياتي
سيدة الثلج
مدام عرس ربيعتج عرس سبعة،،،،لا تسوين الهدية من ألحين انتظري لحد شهر ستة على الأقل،،،،لأنه إلي أعرفه عن أم محمد إنها تجدد في الديكور وكل فترة تطلع بأفكار جديدة…..أنا جربيتها أكثر من مره وكل مره تطلع الهدية أروع من إلي قبلها….وبعد إتسوي على حسب الميزانية…..وهذا أحلى شي…..
وإنشاء الله بكتب لكم بعدين عن أنواع الديكور والتغليف إلي تسويه بشكل عام……مع الأسعار…..
مشكورة على الموضوع الجنان
ممكن لو تكرمتي تطرشين لي الارقام على الخاص
انا من بوظبي وتقريبا انزل دبي وايد وحابة اجرب من هالروايح
بكون على اتصال متى ما نزلت دبي
حبيبتي الصندوق رايع ممكن تخبريني كم تكلف هالهدية بشكل تقريبي
عندي اخويه توه متزوج وابغي اهدي زوجته مثل هالهدايا لانها تموووت بالعود والدخون.
انتظر ردك 
(u)
هلا أختي سلامة….إنشاء الله بكتب عن التفاصيل….
هلا أختي أم خولة….عيونج هي إلي روعة
أنا بكلمكم عن الهدايا بشكل عام….
إذا أي وحده تبغي إتسوي هدية….تختار نوع الدخون والعدد،،،،،أنواع العطور،،،،وعدد التولات……والعود والمعطر …..وبعد ممكن تختارون كريمات….ومخمرية….
يعني باختصار….تختارون الأنواع إلي بالهدية….
بعدين تختارون نوع الهدية….وإليكم التفاصيل:
ديكور ملوكي: وفيه تكون الهدية في صندوق خشبي مثل إلي بالصورة و وتكون الغرش والأغراض إلي فيهاالدخون مزينة بشكل روعة….ويكون الديكور بألوان ملوكية وأشياء شوي غالية….السعر يكون على حسب حجم الصندوق ويكون على حسب الديكور…بس عموما….(بين 120 و200 درهم)
ديكور العروس: هذا الديكور مخصص للعرايس…يعني إلي يشوف الهدية يعرف إنها هدية عروس….ممكن الصندوق يكون خشبي مثل إلي بالصورة….أو خشبي من نوع ثاني لون بني فاتح…(إنشاء أقدر أحطي صورته في المستقبل)….أو ممكن يكون في صندوق كرتون أو يكون في سلة….هذا كله على حسب اختياركم….والتزيين إلي يستعمل يكون تقريبا أبيض أو سكري…يعني شي يناسب عروس….وإهنه السعر يكون على حسب اختياركم
ديكور خصوصي: في هذا الديكور،،،إنت إلي تحددون اللون والشكل والحجم وشكل التغليف….وبعد السعر
ديكور عادي: يكون تقريبا في كرتون ومزين بورود أو يكون في سلة خسب صغيرة….وسعرها رخيص….
وممكن تزيد شموع للزينة وأشياء وايد حلوه…..
وأحلى شي إنكم إنتوا إلي تحددون السعر على حسب الميزانية….وهذا أريح شي…..يعني الوحدة ما تنصدم من السعر…مثل ما يصير لنا يوم إنسوي شي في المحلات:eek:
أم محمد تقول إنه في احتمال يكون عندها معرض الشهر الياي…يعني راح تسوي هدايا جاهزة للمعرض،،،وإنشاء الله بحاول أصورها وأحطيها في المنتدى….عشان خاطر عيونكم;)