يا بنات محتاجة خبرتكم بهالموضوع
لما أروح حفلات أو أعراس أشوف مكياج الحريم حييييل واضح و ألوانه مبينه عدل و أشوفها من على بعد كيلو .. الأصفر أصفر و الأخضر أخضر و الأزرق أزرق ( غالباً يكونون حاطينه بصالون )
انا اقعد ساعه احط الشدو و ابلل الفرشة بالماي و فعلاً لما أشوف ويهي تحت الإضاءة يطلع مكياجي رووووعه و لما اسأل اللي حوالي يقولون وااايد حلو لأني اتفنن بدمج الألوان
وين المشكلة ؟؟
الله يسلمكم لما اوقف بعيد عن المنظرة ما أشوف الا شدو لون واحد !!!
الألوان و التدرجات اللي ضيعت ساعه من عمري أرسم فيها مـا تبين الا من قريب
بفهم وين المشكلة ؟؟
تنصحوني بماركة معينه ؟؟
طريقة التطبيق محتاجة تغيير ؟؟
فيه سر معين عشان يبين لون الشدو قوي ؟؟
و نصيحتي حطي اساس للاي شدو….فيه كريم ينباع فمكياجي..ينحط قبل ما تحطين الظل
و يركز اللون و يثبته….و مره سمعت عن اساس من ريفلون بعد يمدحونه..جربي و قوليلنا..
تسلمين يالغاليه ما قصرتي
ياريت اتقوليلي اسم الكريم و اذا كان موجود بالكويت ولالأ ؟؟ حسافه احنا ما عندنا مكياجي اهني
بالنسبه لتركيز اللون ،،، طريقتك ممتازه وهي انك ترطبين الفرشاه وتبدئين الرسم والتشتيت
اما بالنسبه لسؤالك عن ماركات المكياج واللي مثل ما تفضلتي وقلتي ان بعض البنات تبين الوان مكياجهم من بعيد ويكونون متمكيجين في صالون ،،، اغلبية الصوالين تستخدم ماركة المحترفين ماركة كريولاين ،،، وله اسم ثاني ،،، المكياج السيمنمائي،،، ومري على مواضيع الركن بتلاقين مواضيع كثيره عن هالمكياج،،، وهي افضل ماركه على الإطلاق ،،، والوانها مركزه لانها تخلط بالماء،،،
لاكن هناك ماركات ثانيه مثل ماك وكانيبو وفور ايفر وشانيل،،، الوانهم روووووعه وتصلح كذلك لاكن ،،، مب مثل ماركة كريولاين،،،،
وعليكم السلام ورحمة الله وبركاته ,,
 |
اقتباس |  |
 |
| و نصيحتي حطي اساس للاي شدو….فيه كريم ينباع فمكياجي..ينحط قبل ما تحطين الظل | ||
 |
 |
اسمه :
Eye Shadow Base
من
ARTDECO
وهذه صورته ,,
وبالنسبة للبنات اللي بالكويت واللي ما عندهم ماركة مكياجي ,, فيه منتج جديد من ماك إسمه :
Prep + Prime Eye
من
M.A.C
وهذه صورته ,,
هذيلا المنتجين عبارة عن بيس للشادو ,, ويعملون على بقاء الشادو وثباته ,,
وفيه طريقة ثانية لتثبيت الشادو وإظهار اللون وعدم بهتانه ,,
وضع كونسيلر على منطقة العين قبل البدأ بالشادو وعدم وضع بودرة ,,
يعني حطي كونسيلر وإبدأي بعمل الشادو ,,
أما بالنسبة لماركات الشادو ,,
فهناك عدة ماركات جيدة ,,
مثل ماك ,, فور إيفر ,, ديور ,, شارمل ,, << هذيلا جربتهم واللون نفسه اللي بالعلبة ,, بدون وضع ماي ولا شي ,,
أتمنى إني أفدتج 
,,,
kholoud_sa
تسلمووووون يالغاليات ما قصرتوا .. كريولان صج اختي كانت متمكيجة بصالونهم يوم ملجتها و ماشالله كان روووعه بس مادري أحس انه حيل ثقيل مثل ما قلتي اختي سفيرة .. مكياج سينمائي
محتاج خبيرة ترسمه عدل عشان ما يتلطخ
بسمع نصيحتكم و ان شالله بجرب ميك اب فور ايفر لأنه وايد منتشر عندنا و كل مكان اشوفه بس ما يطري علي اجربه
مجــــد
الله يعطيج العافيه يا عمري و تسلم ايدج على هالشرح و الصور .. تعبتج معاي
|
اقتباس | |
|
| طريقة ثانية لتثبيت الشادو وإظهار اللون وعدم بهتانه ,,
وضع كونسيلر على منطقة العين قبل البدأ بالشادو وعدم وضع بودرة |
||
|
|
و الله جنج تدرين !! انا احط الكونسيلر و فوقه لوس باودر و عقب الشدو .. مشكووووورة نبهتيني حق هالنقطه اللي صج ما فكرت فيها
كلكم شجعتوني على فور ايفر .. شكلي خلاص بحول عليه
استخدمي الشدو الماااائي من شارمل يعني مو شدو عادي وتبللين الفرشه لا لازم يكون شدو مائي عشان يكون واضح .. و عن تجربه شارمل المائي ماله منافس دعاايه لوول
وفي ماركة اتيليير و كريولان و بن ناي … اما الماركات الثانيه مثل لانكوم وجيرلان ما تجي نفس وضوح المكياج المسرحي
مشكووووورة ما قصرتي
بغيت أسئلج وين الاقي شارمل عندنا بالكويت ؟ وايد اقرا عنها بالمنتدى و الحين سويتيلها دعايه لووول
شوقتوني
هلا أبله بي
شارمل موجود بالعربيد بلازا و الحمرامول بالفروانيه وبمجمع السندس حولي وترى عندهم صالونين واحد بالفروانيه والثاني بحولي
بس صج لا دخلتي محلهم تنسين نفسج