حبت اطلب منكم طلبين اويمكن يزيد على حسب
حبيت يالخبيرات تساعدوني
لاني انسانه مكياجي دايما هادي ولو حطيت مكياج كامل يكون في الزواجات وعلى يدين كوافيرات
المهم ادخل بالمفيد
حبيت بس قبل مااطلب انكم تعرفون طبيعة ولون بشرتي
انا بيضاء وبشرتي ماادري وش طبيعتها
مرات اقول جافه مره دهنيه مره عاديه
المهم ان خدودي فيها جفاف فضيع ومهما اجرب الكريمات اطفش واتركها
وباقي الوجه عادي تمام
لمااحط كريم الاساس الاحظ ان جهة الخدود والانف يتقشرون بالرغم من اني احط مرطب قبل الاساس بس مانفع
لذلك احب اطلب منكم افضل بيس يحمي البشره من الاساس ويهيئها
وبعد كريم اساس حلو هل ماك ولافورايفر احلى اوفيه شئ ثاني بعد احلى
وهل البودره دائم ضروريه ولاالكريم كفايه
اذا البودره ضروريه ويش افضل بودره بعد كريم الاساس وكيف طريقة استعمالها
ابي كريم مو تغطيتها قويه لاني الحمد لله مو محتاجه كثيره تغطيه لوجهي
احب الشئ يكون هادي جدا
ابغى كورسات للوجه عشان اعالج هالجفاف الي بوجهي من كلينك ولامن اي ماركه تمام
وياليت لوتذكرون لي سعر تقريبي للاغراض عشان اجهز ميزانيتي خبركم الزواجات جايه والواحد مو مقصر
ياليت تفيدوني باقرب وقت لان عندي زواج يوم الخميس وابغى اشتري الاغراض
اعرف طلباتي كثيره بس بجد الي تساعدني لها دعوه من قلب لاني بجد مزنوقه
استناكم
ممكن سؤال بس 
,,
قبل لا أجاوبج لازم أعرف ,
إنت جم مرة ترطبين بشرتج في اليوم ,
يعني لما تتوضين للصلاة هل ترطبين وجهج وإلا لا ,
بالنسبة للسوائل , هل تكثرين منها وإلا ,
جم مرة تقشرين بشرتج في الأسبوع ,,
بانتظارج عشان أجاوبج ,
ابشري
بصراحه بصراااااااحه:o 😮
انا عجازه
يعني مرات ارطبها ومرات اتركها
اما بالنسبه للتقشير مو كثير اقشر لكن يمكن كل اسبوعين مع ان المفروض اني اقشر اسبوعي بس العجز
وانا جدا مهمله وعجازه
السوائل احسن مافيني كاس المويه دايم معي ولله الحمد
وشكرا
انشالله انا والبنات ماراح نقصر معاج وخصوصا خصوصا ان مجد دشت بالسالفه لأنها ما تقصر مع الكل الله يعطيها العافيه,,
بالنسبه للبشرة الجافة أنصحج تحطين بمنطقة الخد ( قيمر ) من اي ماركة لأن يرطب ويريح حطيه مره على الاقل في اليوم وصدقيني انشالله بتشوفين الفرق ..
تحياتي لج
حلوتكم
هههههههههههه >> شفيها اللي للقيمر ماركات
اقصد من اي نوعية قيمر= قشطه
ولازم تهتمين ابشرتج يعني حرام طول ما انتي مهملتها باتردى اكثر ..
أكملج ::
قبل الأساس حطي مرطب قوي وفيه كذا نوع
ماك مرطبهم عجيب – وفور ايفر كذالك وشارمل لابأس فيه ,, واذا حطيتيه على المناطق الجافة زيدي كميته شوي لأنها اكيد راح تحتاج لترطيب اكثر .
وانواع الاساس اخذي اساس للبشرة المختلطه , اتوقع انه اكثر شي بناسبج
والبودرا استخدمي اللوز باودر لأنه الطف على الوجه واخف اما البودرا المضغوطه عادة تكون ناشفة اكثر وتعطي تغطية قوية ..
وانصحج باللمعات ( اللوز باودر اللامع ) في المناطق الجافة بس يكون لونه طبيعي مو ابيض وتوزعينه بشكل بسيط ـ
او فيه جلات تنباع وتغنيج عن البودر بأنواعه وتعطي لمعة حلوة للوجه
ملاحظة : لمعتها كانها لمعة جيل يعني تعطي البشرة شكل دهني ..
وأهم شي بقوله لج
أنصحج
بالدكتور ( زين الأتات ) بالنسبة لكورسات العناية بالبشرة .
وعلى فكرة مو بس للبشرة لكل شي ممكن يطري على بالج
أتمنى اني قدرت افيدج
ولي رجعة انشالله
تحيااااتي
الحللللوه
وعند الانف بعد
نصحتني خبيرة التجميل اللي تجب لشانيل من باريس كل فترة اني استخدم السيروم المرطب من عندهم
ووايد فادني الصراحة
ما استعمله يوميا
بس لما ابي احط مكياج ثقيل واحس ان وجهي ناشف
ونتيجته وايد حلوه للترطيب لانها ماتخلي الوجه ملزق
اسمه سيروم هايدرا +
كثري من السوائل …ولا تفكرين وتحاتين كثير أعتقد بشرتج من النوع المختلطه …. وثاني شيء سوي لج قناع من الفراولة فقط بدون إضافة أي شيء آخر .. ثلاث مرات بالإسبوع اوكي
تحياتي وسلام ….
وطن
عطاء
مشكورات وان شاء الله ابنفذ الي قلتوه
 |
اقتباس |  |
 |
| لمااحط كريم الاساس الاحظ ان جهة الخدود والانف يتقشرون بالرغم من اني احط مرطب قبل الاساس بس مانفع | ||
 |
 |
حاولي تقشرين بشرتج قبل لا تحطين كريم أساس وخصوصاً للسهرات وأفضل مقشر حلو
ويومي وآمن على البشرة , هو مقشر كلينك للإستخدام اليومي هذه هي صورته :
7 Day Scrub Cream
Rinse-Off Formula
|
اقتباس | |
|
| لذلك احب اطلب منكم افضل بيس يحمي البشره من الاساس ويهيئها | ||
|
|
بالنسبة للبيس أنا جربت بريم برايم من ماك هذا حيل حلو يخلي البشرة ناااااااعمة ويهيئها فعلاً
لإستقبال كريم الأساس , وجربت الفكس هو مثبت وبنفس الوقت يرطب ويحمي , فأنصحج بأحد
هذيل المنتجين ,
أما بالنسبة لبيس فور إيفر أنا أختي استخدمته , بس ما أحس إنه حلو
يعني باختصار أنا مو مقتنعة فيه كثير , ولا أنصحج فيه ,
|
اقتباس | |
|
| وبعد كريم اساس حلو هل ماك ولافورايفر احلى اوفيه شئ ثاني بعد احلى | ||
|
|
كريم أساس ماك هو حلو وخفيف ويناسب البشرة اللي ما فيها عيوب , بس عيبه إنه يتغير
بعد فترة , أنا عندي سامبلو منه جربته وحلو , لكن ما طولت فيه على طول غسلته , لكن البنات
اللي جربوه فترة طويلة قالوا إنه يتقطع , وقالوا إنه بعد يقلب لونه رمادي ,
لذلك أنصحج تاخذين لج سامبل منه ترى ماك يوزعون سامبل وجربيه ,,
بالنسبة لكريم أساس ميك أب فور إيفر , فيه عندهم كذا نوع أظن ثلاث أنواع ,
أحلاهم من وجهة نظري هو مات فلفت وهذا يمدحه بسام فتوح وكان يستخدمه في الدورة
اللي صارت بالكويت , بس أنا ما ناسبني , يمكن لأن الدرجة مو مناسبة الله أعلم ,
لذلك أنصحج تجربين كريم أساس كانيبو أو جيرلان ديفينورا العلبة الزجاج , وإن شاء الله
يناسبون بشرتج ,
وإذا تبين خفيف وما تبين تغطية أكثر ,, عندج كريمات أساس كلينك ,, حلوة حيل , وتعطيج
لوك طبيعي أنا جربت كذا كريم من عندهم ,
|
اقتباس | |
|
| وهل البودره دائم ضروريه ولاالكريم كفايه | ||
|
|
لا مو ضرورية , خصوصاً إذا كان الكريم الأساس مات وما يحتاج بودرة ,
لكن مع هذا البودرة ضرورية في المناسبات لتعطيج المزيد من التغطية ,
|
اقتباس | |
|
| اذا البودره ضروريه ويش افضل بودره بعد كريم الاساس وكيف طريقة استعمالها | ||
|
|
أنصحج ببودرة جيرلان ديفينورا ,
|
اقتباس | |
|
| ابي كريم مو تغطيتها قويه لاني الحمد لله مو محتاجه كثيره تغطيه لوجهي احب الشئ يكون هادي جدا |
||
|
|
أعيد الإجابة مرة ثانية , : عندج كريمات أساس كلينك ,, حلوة حيل , وتعطيج لوك طبيعي
أنا جربت كذا كريم من عندهم ,
|
اقتباس | |
|
| ابغى كورسات للوجه عشان اعالج هالجفاف الي بوجهي من كلينك ولامن اي ماركه تمام | ||
|
|
فعلاً إنت لازم تغيرين المرطب اللي تستخدمينه , وإن شاء الله تكون بشرتج تمام ,
جربي هذا الخطوات من كلينك ,,
وعندج هذا المرطب حيل حلو إذا تجربينه ,