بسم الله الرحمن الرحيم
نواصل معاكم دردشاتنا مع خبيراتنا بنات عروس الله يحفظهم يارب ،
وضيفتنا في الدردشة اليوم خبيرة كلكم تعرفونها بخبراتها وتجاربها ولمساتها الجميلة في الركن ،
،
،
،
رحبوا معانا بأختنــــــــــا الغاليــــــــة :
๑ இ ๑ Marshmallows ๑ இ ๑
طبعاً كلكم تعرفون إن خبيرتنا Marshmallows هي مشرفة ركن العناية بالبشرة والجسم سابقاً ،
يعني اهي تمتلك خبرة في المكياج بالإضافة إلى خبارتها في العناية بالبشرة والجسم ،
يالله يا بنات حيلكم بالأسئلة 
،
مشكوره على هالاستضافه
و مشكوره على المقدمه الحلوه ،، لكن عاد خبيره مره وحده
يعني ممكن تقولين مدمنه او هاويه ..
الف شكر مره ثانيه على الاستضافه وعلى الخرعه بعد هههههه
بأنتظارج وبأنتظار كل البنوتات
مشكوووووووووورة يا مجودة الغالية على الجهود الى تبذليها ومتابعتج للعضوات
والروح الطيبة الى تمتازى بها
Marshmallows انسانة حبوبة والله يوفقها
والحين جاء السؤال
شو احلى ماركة عندج للارواج من حيث الترطيب
وممكن تصوري ارواجج اذا ما عليج كلافة مع الارقام طبعا …….. وحدة طماعة
وافضل كريمات العناية بالبشرة ؟
وما رأيك بمحلات لاش وافضل شئ تاخذينه عنهم
والسموحة الغالية
 |
اقتباس |  |
 |
المشاركة الأساسية كتبها أم حميد 2000 |  |
 |
| السلام عليكم مشكوووووووووورة يا مجودة الغالية على الجهود الى تبذليها ومتابعتج للعضوات والروح الطيبة الى تمتازى بها Marshmallows انسانة حبوبة والله يوفقها والحين جاء السؤال شو احلى ماركة عندج للارواج من حيث الترطيب وممكن تصوري ارواجج اذا ما عليج كلافة مع الارقام طبعا …….. وحدة طماعة وافضل كريمات العناية بالبشرة ؟ وما رأيك بمحلات لاش وافضل شئ تاخذينه عنهم والسموحة الغالية |
||
 |
 |
وعليكم السلام و رحمة الله و بركاته
مشكوره اختي أم حميد 2000 ومن ذوقج يالغاليه
احلى الارواج عندي من ناحية الترطيب و الالوان هم ارواج استي لاودر و ارواج ماك تعجبني من ناحية الألوان لكن ترطيبها مب مثل ترطيب ارواج استي لاودر
بخصوص الصور ان شاء الله بصور لج أرواجي وبحطهم لج ،، لكن على فكره انا مب مينونة ارواج يعني كل الارواج عندي تلقينهم بدرجات البيج و الوردي ،، احب هالألوان وماعندي الجرأه على ألوان ثانيه
أفضل كريمات العنايه بالبشره يعني على حسب ،، كل فتره امشي على كورس وحسب مشاكل بشرتي في هالفتره وشتعاني منه ،، لكن عموماً احب لاين ديور للعنايه بالبشره ،، و كانيبو من ناحية العنايه بالبشره روعه بعد ..
محلات لاش وايد احبها ،، زبونتهم الدائمه هههههههه ،، تقريباً جربت اغلب الاشياء اللي عندهم سواء عناية بالجسم او بالشعر ..
لكن الشغلات اللي ماقدر استغني عنها من لاش
هي صابونة التقشير للجسم اللي باللوز ،، قبل ماتخلص اللي عندي لازم اشتري 2 او 3 بدالها ..
مزيل العرق للبشره الحساسه ..
الكور اللي تنحط في البانيو ،، تعطي جو حلو وتعدل النفسيه وايد مؤمنه فيها :shy:
الماسكات اللي تنحط في الثلاجه بعد احبها وايد ومجربه كذا نوع منها ..
واخيراً احب الصابون للجسم ،، تلقين عندهم تشكيله كبيره و روائح مختلفه تخليج تحتارين وايد
اتمنى اكون قدرت اجاوبج واذا عندج اسئله ثانيه انا حاضره
مشكوره على المداخله فديتج
|
اقتباس | |
|
المشاركة الأساسية كتبها ملايين | |
|
| نورتي الدردشة Marshmallows وتسلمين مجوده على الاختيار الموفق | ||
|
|
منوره بوجودكم حبيبتي ملايين
مافي اسئله ؟؟ 🙁
شلونك ياحلوتي
ابسألج لو طلب منك تسافرين شو الاشياء الي ممكن تاخذينها ولا تستغنين عنها
بس ها الضرووووري يعني لاتقولين شدو وماسكرا لا ابي الي صج صج صج ضروري ومستحيل تخلو شنطتج منها
شوفي سؤالج هذا نابع عن نذاله اعرفها عدل ،، مو معرفة يوم ويومين يابنتي
لأنج اكثر وحده تدرين اني لما اسافر يصيدني وسواس اخاف احتاج شي وما القاه تحت يدي
يعني السشوار اللي ممكن شهور ماحتاجه في الدوحه لسفرة كم يوم لدبي عادي اخذه معاي هههههههه ..
بس انتي شكلج تتكلمين عن المكياج … امممم والله على حسب يعني .. حسب في السفر وين بروح او شنو المكياج اللي بحتاجه ..
يعني اخبر سفره من السفرات خذت شنطة المكياج الكامله معاي وتعالي عابلي بهالمطارات واحطها على قلبي وماهدها في النهايه اللي استخدمته منها كان حتى ممكن احطه بشنطة يدي
وسواس بعيد عنج
مالج بالطويله
آخر سفره لدبي اللي كانت من فتره قصيره خذت معاي اهم الشغلات
الماسكارا والكحل ..
فاونديشن خفيف ويومي
بودرة جيرلان الذهبيه و اللوس باودر من ماكس فاكتور
علبة الـ 15 لون من ماك
بلاشر لونه طبيعي وينفع لكل وقت
اعتقد روجين و قلوسين
يمكن محدد او اثنين للشفايف
شادو الحواجب
عطرين واحد خفيف والثاني ثقيل شوي
والفرش الاساسيه
بغيت اسال عن طريقة تنظيف البشرة اللي تعتمدينها ؟ وياريت بالماركات
وشو اللي تفضلينه للبشرة الدهنية ويا ريت يكون عندج حل للمسامات الواسعه حتى يوم احط فاونديشن تبين المسامات
وبعد بغيت اعرف اذا عندج فكرة شو احسن فاونديشن( كريم او بودرة) يناسب البشرة الدهنية الصبح ومايخترب ولا يدهن يعني ينفع للجامعه
ومشكورة مقدما ادري اني طولت عليج
Marshmallows
فديتج حبيت اسالج انا تعقدت من الشدو يوم احط بعض اللوان تطلع باهته وايد ومغبره شنهو اللي لازم احطه علشان يطلع عدل.
واكون شاكره لج فديتج