آلسلآم عليكم ؤرحمه آلله ؤبركآته
السلام عليكم
بنات اكتشفت للاسف ان ماعندي سالفة
على بالي اعرف اضبط مكياجي
واني خبيرة
لكن كانت فية مصطلحات..وايد…اسمعها لما اروح…اشتري..
مثال
:
اشتري بودرة وكريم اساس ,, بعدين تقولي تبين كونسيلر,,
انا اقول لا,,
مادري شنو,, ما اعرفة
بس اكتشفت ان فية منة انواع,, يعني ما اقدر اقص على نفسي واشتري اي شي
وسمعت بعد ان له درجات معينة
ساعدوني
في آمآن آلله
××
وعليكم السلام ،
لي رجعة لج بمزيد من التفصيل إن شاااء الله 
،،
انا منتظرة مجوووووودة للرد بس راح افديج بالي اعرفه
الكونسيلر نوعين
– سائل
-ستيك
السائل الي هو تغطيتها طبيعه او متباينة الي الخافي الطبيعي وتحصلي انواع مشهورة وافضلها استي لارون
الستيك انا جربت شانيل وبصراحة حلووو
ممكن تختاري السائل كبداية لانه راح يعلمك وبعدها تبدي الكونسيلرات بدرجات التغطيه
وافضلها فور ايفر من كلام البنات هو باليت فيها انواع معينه والوان معينة ولكل لون استخدام خاص
بعضها للبقع وبعضها للتحديد الوجه واخافء العيوب وتصغير الانف
الستيك يعتبر ثقيل واحلىىى شي سمعته من البنات بالمنتدى ماكس فاكتر الستيك كونسيلر
وهي الي جاي شكله على شكل الروج حلووو
استخدامه ممكن بالاصبع وبالطبطبة لان منطقة العين حساسة ورقيقة وممكن بفرشة خاصة تستخدميها لاخفاء العيوب او تحديد ملامح الوجه
حبوبة حاولت اعطيكي باختصار:shy:
رجعت لج ،
الكونسيلر يوجد منه عدة أنواع ، وفيه أنواع خاصة للوجه فقط لا يمكن استخدامها للعين ،
وفيه أنواع خاصة للعين ممكن نستخدمها للوجه ،
أنواع الكونسيلر :
الستيك قوامه ثقيل ،
الباليت وهو أخف من الستيك ،
الريشة قوامها خفيف ،
التيوب وقوامه أخف من الباليت وأثقل من الريشة ،
القلم ،
نأتي لكل نوع ونشرح شنو وظيفته بالضبط :
الستيك :
– يصلح أكثر شي للوجه قبل الأساس للحصول على تغطية إضافية أو غي حالة ما إذا كان الوجه فيه
آثار أو حبوب أو عيوب لأنه قوامه ثقيل مثل ما ذكرت ، وما يصلح لمنطقة العين الحساسة ،
الباليت :
– يستخدم للهالات الداكنة والواضحة ولا يستخدم يومياً طبعاً هذه نصيحتي لأن راح يعتب هالمنطقة الحساسة جداً ويرهقها ،
كما تستخدم للوجه للهالايت والشيدننغ ، أيضاً ممكن نستخدم الباليت لتغطية الآثار وللحصول على تغطية
إضافية ،
الريشة ،
– طبعاً قوامها خفيف وسهل توزيعها وتستخدم للعين على كامل منطقة العين ،
التيوب ،
– قوامه وسط أخف من الستيك والباليت وأثقل من الريشة ، ممكن يستخدم للعين وللوجه ،
القلم
– هذا يستخدم للزاوية الداخلية للعين أكثر شي لإبرازها ، ويستخدم للشفاة كبيس ، أو لتصحيح بعض
الأخطاء الصغيرة جداً في الوجه مثل حبة أو نمش ، يعني باختصار هو متعدد الإستخدامات ،
يعني هو كونسيلر تصحيحي إذا صح التعبير ،
يتبع ،،
بعض الماركات ألحين طرحت منتجات تجميلية وبنفس الوقت علاجية يعني 2×1 ،
ومن هذه المنتجات ، الكونسيلرات ،
فيه كونسيلرات تخفي + تشد منطقة العين ، مثل
فور إيفر ،
لوريال ،
أفون
وفيه كونسيلرات تخفف من الهالات السوداء والخطط حول العين بما تحتويه من مكونات وفيتامينات
مثل
لابريري
سيسلي
أتمنى أكون أفدتج ،،
وعندج بعد كريم أساس + كونسيلر لابريري بالكافيار ،،
وانشالله افادوج حبوبه
لكن لي بعض الاضافات ..
الكونسيلر الريشه مثل ما قالت مجد خفيف و توزيعه سهل خصوصاً للمبتدئات او اذا كنتي مستعجله .. كذلك وايد روعه لتحت الحاجب تضيفين منه لكن ما تكثرين لو في شعر خفيف طالع ،، لكن طبعاً ما يغطي الشعر الزائد لو كان وايد .. و حلو بعد لأنه يعطي اضاءه حلوه للعين مثل كونسيلر الفرشاه من ايف سان لوران ..
وكونسيلر الفرشاه من كانيبو ..
هذول افضل الكونسيلرات الفرشاه الموجودين ..
كونسيلر القلم ،، لايفضل استخدامه للجفن السفلي لأنه شوي قاسي ومثل ماتعرفين هالمنطقه حساسه ..
بالنسبه لتوزيع الكونسيلر في طريقتين ..
اما بالفرشاه او بالاصابع ..
الفرشاه لازم تكون flat وناعمه .. تاخذين كميه من الكونسيلر بالفرشاه و توزعينه على المنطقه
وبالاصابع توزعينه بطريقة الطبطبه وابتعدي عن المسح ..
بالنسبه لأختيار اللون المناسب .. عادة تختارين افتح من لون البشره بدرجه او درجتين ومو اكثر من جذي ..
الكونسيلر المائل للون الاصفر ممتاز لتغطية الهالات الداكنه خصوصاً هالات العين الى جانب التغطيه يعطي اضاءه حلوه للعين ..
وطبعاً الافضل تحطين الكونسيلر بعد الفاونديشن و آخر خطوه تثبتينهم بالبودره ..
او اذا تبين لوك خفيف و طبيعي ممكن تستخدمين الكونسيلر فقط في الاماكن اللي تبين تخفينها وبعدين تثبتين كامل الوجه بالبودره وبدون استخدام الفاونديشن ..
لكن في هالحاله تأكدي ان الكونسيلر يكون بنفس لون البشره عشان ما تبين البشره مبقعه
آلسلآم عليكم ؤرحمه آلله ؤبركآته
 |
اقتباس |  |
 |
المشاركة الأساسية كتبها العروس سوسو |  |
 |
| انا مثلك ما بعرف بالضبط انواع الكونسيلر بس اشتري وأحط واحسه احسن من كريم الاساس حتى لو حطيته لوحده | ||
 |
 |
شكرا
الحال من بعضة هاها بس ان شاء الله البنات مايقصروون
ماقصرتي
|
اقتباس | |
|
المشاركة الأساسية كتبها مسزز غموضة | |
|
| هلا حبوبة
حبوبة حاولت اعطيكي باختصار:shy: |
||
|
|
هلا وغلا
مشكورة
على الشرح ,, ,, الله يوفقج دنيا واخرة
والله مختصر ومفييد
الف شكر
الله يجزاج الف الف الف خيير
في آمآن آلله
××
آلسلآم عليكم ؤرحمه آلله ؤبركآته
|
اقتباس | |
|
المشاركة الأساسية كتبها مجـد | |
|
|
رجعت لج
|
||
|
|
احلى رجعه
تسلمين لي
الله يجزاج كل خيير
ويوفقج
والله ماقصرتي
شرحج حلو وواضح
مثلج
في آمآن آلله
××